ເອເຊກຽນ
2 ພະເຈົ້າເວົ້າກັບຂ້ອຍວ່າ: “ລູກມະນຸດ* ຢືນຂຶ້ນແມ້. ເຮົາຈະເວົ້າກັບເຈົ້າ.”+ 2 ເມື່ອພະເຈົ້າເວົ້າກັບຂ້ອຍ ຂ້ອຍກໍໄດ້ຮັບພະລັງຈາກເພິ່ນ ແລະພະລັງນີ້ເຮັດໃຫ້ຂ້ອຍຢືນໄດ້+ເພື່ອຈະຟັງສິ່ງທີ່ເພິ່ນເວົ້າກັບຂ້ອຍ.
3 ເພິ່ນເວົ້າຕໍ່ອີກວ່າ: “ລູກມະນຸດ ເຮົາຈະສົ່ງເຈົ້າໄປຫາພວກອິດສະຣາເອນ+ ໄປຫາຊາດຕ່າງໆ*ທີ່ກະບົດເຮົາ.+ ເຂົາເຈົ້າກັບປູ່ຍ່າຕານາຍໄດ້ເຮັດຜິດຕໍ່ເຮົາຈົນຮອດທຸກມື້ນີ້.+ 4 ເຮົາຈະສົ່ງເຈົ້າໄປຫາຊາດທີ່ດື້ດ້ານແລະຫົວແຂງ.+ ເຈົ້າຕ້ອງບອກເຂົາເຈົ້າວ່າ ‘ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດເວົ້າແບບນີ້’ 5 ບໍ່ວ່າເຂົາເຈົ້າຈະຟັງຫຼືບໍ່ຟັງເຈົ້າ ຍ້ອນເຂົາເຈົ້າເປັນຊາດທີ່ມັກກະບົດ.+ ແລ້ວເຂົາເຈົ້າກໍຈະຮູ້ແທ້ໆວ່າມີຜູ້ພະຍາກອນຢູ່ນຳເຂົາເຈົ້າ.+
6 ແຕ່ລູກມະນຸດເອີ້ຍ ເຈົ້າບໍ່ຕ້ອງຢ້ານເຂົາເຈົ້າ+ແລະບໍ່ຕ້ອງຢ້ານຄຳເວົ້າຂອງເຂົາເຈົ້າ. ເຖິງວ່າຈະມີຕົ້ນໜາມກັບເຄືອໜາມ*+ແລະແມງງອດຢູ່ອ້ອມຂ້າງອ້ອມແອວເຈົ້າ ແລະເຖິງວ່າເຂົາເຈົ້າເປັນຊາດທີ່ມັກກະບົດ ແຕ່ເຈົ້າບໍ່ຕ້ອງຢ້ານສິ່ງທີ່ເຂົາເຈົ້າເວົ້າ+ແລະບໍ່ຕ້ອງຢ້ານສີໜ້າຂອງເຂົາເຈົ້າ.+ 7 ບໍ່ວ່າເຂົາເຈົ້າຈະຟັງຫຼືບໍ່ຟັງເຈົ້າ ຍ້ອນເຂົາເຈົ້າເປັນຊາດທີ່ມັກກະບົດ ເຈົ້າກໍຕ້ອງບອກເຂົາເຈົ້າຕາມທີ່ເຮົາບອກ.+
8 ລູກມະນຸດ ໃຫ້ຟັງສິ່ງທີ່ເຮົາຈະບອກເຈົ້າ. ຢ່າກະບົດຄືກັບຊາດທີ່ມັກກະບົດນີ້. ໃຫ້ເຈົ້າອ້າປາກແລະກິນສິ່ງທີ່ເຮົາຈະເອົາໃຫ້ເຈົ້າ.”+
9 ເມື່ອແນມເບິ່ງ ຂ້ອຍກໍເຫັນມີມືເດ່ອອກມາຫາຂ້ອຍ.+ ໃນມືນັ້ນມີມ້ວນໜັງສື.+ 10 ເພິ່ນມາຍມ້ວນໜັງສືອອກ. ໃນມ້ວນໜັງສືມີໂຕໜັງສືທັງທາງໜ້າແລະທາງຫຼັງ+ເຊິ່ງມີເພງໂສກເສົ້າທີ່ເຮັດໃຫ້ຄົນຮ້ອງໄຫ້ເສຍໃຈ.+