ພະນິມິດທີ່ເປີດເຜີຍໃຫ້ໂຢຮັນ
6 ແລ້ວຂ້ອຍກໍເຫັນແກະນ້ອຍ+ຂອງພະເຈົ້າແກະກາຈ້ຳອັນທຳອິດໃນ 7 ອັນນັ້ນ+ ແລະຂ້ອຍກໍໄດ້ຍິນສິ່ງທີ່ມີຊີວິດໂຕທຳອິດໃນ 4 ໂຕນັ້ນ+ເວົ້າສຽງດັງຄືກັບສຽງຟ້າຮ້ອງວ່າ: “ອອກມາ!” 2 ແລ້ວຂ້ອຍກໍເຫັນມ້າສີຂາວໂຕໜຶ່ງ.+ ຜູ້ທີ່ຂີ່ມ້າໂຕນັ້ນມີຄັນທະນູ ແລະພະເຈົ້າເອົາມົງກຸດໃຫ້ລາວ.+ ລາວຂີ່ມ້າອອກໄປແບບຜູ້ຊະນະເພື່ອຈະໄດ້ໄຊຊະນະຢ່າງເດັດຂາດ.+
3 ຕອນທີ່ເພິ່ນແກະກາຈ້ຳອັນທີ 2 ຂ້ອຍໄດ້ຍິນສິ່ງທີ່ມີຊີວິດໂຕທີ 2+ ເວົ້າວ່າ: “ອອກມາ!” 4 ມ້າອີກໂຕໜຶ່ງກໍອອກມາ ເປັນມ້າສີແດງສົດ. ຜູ້ທີ່ຂີ່ມ້າໂຕນັ້ນໄດ້ຮັບດາບໃຫຍ່ດວງໜຶ່ງແລະໄດ້ຮັບອະນຸຍາດໃຫ້ເອົາຄວາມສະຫງົບສຸກໄປຈາກໂລກເພື່ອຄົນຈະຂ້າກັນ.+
5 ຕອນທີ່ເພິ່ນແກະກາຈ້ຳອັນທີ 3+ ຂ້ອຍໄດ້ຍິນສິ່ງທີ່ມີຊີວິດໂຕທີ 3+ ເວົ້າວ່າ: “ອອກມາ!” ແລ້ວຂ້ອຍກໍເຫັນມ້າສີດຳໂຕໜຶ່ງອອກມາ. ຜູ້ທີ່ຂີ່ມ້ານັ້ນຖືຊິງຢູ່ໃນມື. 6 ຂ້ອຍໄດ້ຍິນສຽງທີ່ມາຈາກສິ່ງທີ່ມີຊີວິດທັງສີ່. ສຽງນັ້ນເວົ້າວ່າ: “ເຂົ້າວີດ*ລິດ*ໜຶ່ງລາຄາ 1 ເດນາຣິອົນ*+ ເຂົ້າບາເລ 3 ລິດລາຄາ 1 ເດນາຣິອົນ ແລະຢ່າໃຊ້ນ້ຳມັນໝາກກອກແລະເຫຼົ້າແວງແບບສິ້ນເປືອງ.”+
7 ຕອນທີ່ເພິ່ນແກະກາຈ້ຳອັນທີ 4 ຂ້ອຍໄດ້ຍິນສຽງສິ່ງທີ່ມີຊີວິດໂຕທີ 4+ ເວົ້າວ່າ: “ອອກມາ!” 8 ແລ້ວຂ້ອຍກໍເຫັນມ້າສີໝົ່ນໂຕໜຶ່ງ. ຜູ້ທີ່ຂີ່ມ້າໂຕນັ້ນຊື່ຄວາມຕາຍ ແລະບ່ອນຝັງສົບ*ກໍນຳຫຼັງລາວມາຕິດໆ. ຄວາມຕາຍແລະບ່ອນຝັງສົບໄດ້ຮັບອຳນາດໃຫ້ຂ້າຄົນ 1 ໃນ 4 ສ່ວນຂອງໂລກດ້ວຍດາບຍາວ ດ້ວຍຄວາມອຶດຢາກ+ ດ້ວຍພະຍາດຮ້າຍແຮງທີ່ເຮັດໃຫ້ເຖິງຕາຍ ແລະດ້ວຍສັດຮ້າຍຕ່າງໆ.+
9 ຕອນທີ່ເພິ່ນແກະກາຈ້ຳອັນທີ 5 ຂ້ອຍເຫັນຢູ່ກ້ອງແທ່ນບູຊາ+ມີເລືອດ+ຂອງຄົນທີ່ຖືກຂ້າຍ້ອນເຮັດຕາມຖ້ອຍຄຳຂອງພະເຈົ້າແລະຍ້ອນເຮັດວຽກປະກາດ.+ 10 ເຂົາເຈົ້າຮ້ອງສຽງດັງວ່າ: “ພະເຈົ້າຜູ້ຍິ່ງໃຫຍ່ສູງສຸດ ພະເຈົ້າອົງບໍລິສຸດແລະທ່ຽງແທ້+ ຕອນໃດພະອົງຈະມາຕັດສິນແລະແກ້ແຄ້ນຄົນໃນໂລກທີ່ຂ້າພວກເຮົາ?”+ 11 ພະເຈົ້າເອົາເສື້ອຄຸມສີຂາວໃຫ້ເຂົາເຈົ້າແຕ່ລະຄົນ+ແລະບອກໃຫ້ເຂົາເຈົ້າຖ້າຕໍ່ໄປອີກໜ້ອຍໜຶ່ງຈົນກວ່າພວກພີ່ນ້ອງຂອງເຂົາເຈົ້າທີ່ເປັນທາດນຳກັນຈະຖືກຂ້າຄືກັບເຂົາເຈົ້າ ແລ້ວເຂົາເຈົ້າກໍຈະຄົບຕາມຈຳນວນ.+
12 ຂ້ອຍເຫັນເພິ່ນແກະກາຈ້ຳອັນທີ 6. ຈາກນັ້ນກໍເກີດແຜ່ນດິນໄຫວໃຫຍ່ ຕາເວັນກໍມືດຄືກັບຜ້າສີດຳ* ເດືອນໝົດດວງກໍແດງຄືກັບເລືອດ+ 13 ແລະດາວທີ່ຢູ່ເທິງຟ້າກໍຕົກລົງມາໃສ່ໂລກ ຄືກັບໝາກເດື່ອທີ່ຍັງບໍ່ສຸກຖືກລົມແຮງໆພັດຈົນຫຼົ່ນຈາກຕົ້ນ 14 ສະຫວັນກໍຫາຍໄປຄືມ້ວນໜັງສືທີ່ຖືກມ້ວນໄວ້+ ແລ້ວພູທຸກໜ່ວຍແລະເກາະທຸກເກາະກໍຖືກຍ້າຍອອກຈາກບ່ອນຂອງມັນ.+ 15 ພວກກະສັດໃນໂລກ ຄົນທີ່ມີຕຳແໜ່ງສູງ ພວກນາຍພັນ ຄົນຮັ່ງ ຄົນທີ່ມີອຳນາດ ລວມທັງທຸກຄົນທີ່ເປັນທາດແລະເປັນອິດສະຫຼະກໍລີ້ຢູ່ໃນຖ້ຳແລະຢູ່ໂງ່ນຫີນຕາມພູ.+ 16 ເຂົາເຈົ້າເວົ້າກັບພູແລະໂງ່ນຫີນວ່າ: “ບັງພວກເຮົາໄວ້ແດ່+ ເຊື່ອງພວກເຮົາໄວ້ແດ່ ໃຫ້ລອດຈາກສາຍຕາຂອງຜູ້ທີ່ນັ່ງຢູ່ເທິງບັນລັງນັ້ນ+ແລະຈາກຄວາມໃຈຮ້າຍຂອງແກະນ້ອຍຂອງເພິ່ນ+ 17 ຍ້ອນວັນໃຫຍ່ທີ່ພະເຈົ້າແລະແກະນ້ອຍຂອງເພິ່ນຈະສະແດງຄວາມໃຈຮ້າຍມາຮອດແລ້ວ+ ແລະຜູ້ໃດຈະລອດໄດ້?”+