ສຸພາສິດ
18 ຄົນທີ່ແຍກໂຕເອງຢູ່ຜູ້ດຽວກໍສົນໃຈແຕ່ເຮັດຕາມໃຈໂຕເອງເທົ່ານັ້ນ.
ລາວບໍ່ເຕັມໃຈຍອມຮັບຄຳແນະນຳດີໆເລີຍ.*
2 ຄົນໂງ່ບໍ່ມັກຮຽນຮູ້ຈາກຄົນອື່ນ.
ລາວມັກແຕ່ຈະເວົ້າຄວາມຄິດຂອງໂຕເອງ.+
3 ເມື່ອຄົນໜຶ່ງເຮັດຊົ່ວ ລາວກໍຈະຖືກດູຖູກ.
ເມື່ອຄົນໜຶ່ງເຮັດໂຕບໍ່ໜ້ານັບຖື ລາວກໍຈະຕ້ອງອັບອາຍ.+
4 ຄຳເວົ້າຂອງຄົນເຮົາເປັນຄືກັບນ້ຳເລິກ.+
ສະຕິປັນຍາທີ່ມາຈາກລາວເປັນຄືກັບແມ່ນ້ຳໄຫຼ.
5 ການລຳອຽງເຂົ້າຂ້າງຄົນຊົ່ວເປັນສິ່ງທີ່ບໍ່ດີ.+
ການເຮັດໃຫ້ຄົນທີ່ເຮັດສິ່ງທີ່ຖືກຕ້ອງບໍ່ໄດ້ຮັບຄວາມຍຸຕິທຳກໍເປັນສິ່ງທີ່ຜິດ.+
8 ຄຳເວົ້າຂອງຄົນທີ່ມັກໃສ່ຮ້າຍເປັນຄືກັບອາຫານທີ່ແຊບໆ.*+
ພວກມັນຖືກກືນລົງທ້ອງໄປທັນທີ.+
10 ຊື່ຂອງພະເຢໂຫວາເປັນປ້ອມທີ່ແຂງແຮງ.+
ຄົນທີ່ເຮັດສິ່ງທີ່ຖືກຕ້ອງແລ່ນເຂົ້າໄປໃນຫັ້ນແລະໄດ້ຮັບການປົກປ້ອງ.*+
11 ຄວາມລວຍຂອງຄົນລວຍເປັນຄືກັບເມືອງທີ່ມີກຳແພງອ້ອມ
ແລະເປັນຄືກັບກຳແພງທີ່ແຂງແຮງໃນຈິນຕະນາການຂອງລາວ.+
14 ໃຈທີ່ເຂັ້ມແຂງຊ່ວຍໃຫ້ຄົນເຮົາອົດທົນໄດ້ເມື່ອເຈັບປ່ວຍ.+
15 ຄົນທີ່ມີຄວາມເຂົ້າໃຈພະຍາຍາມເພື່ອຈະໄດ້ຄວາມຮູ້+
ແລະຄົນສະຫຼາດກໍຟັງເພື່ອຈະໄດ້ຄວາມຮູ້.
16 ຂອງຂວັນເຮັດໃຫ້ຜູ້ໃຫ້ໄດ້ຮັບໂອກາດ.+
ມັນຊ່ວຍໃຫ້ລາວໄດ້ຮູ້ຈັກກັບຄົນສຳຄັນ.
17 ຄົນທີ່ໄດ້ເວົ້າກ່ຽວກັບຄະດີຂອງລາວກ່ອນເບິ່ງຄືວ່າເປັນຝ່າຍຖືກ+
ຈົນກວ່າຄູ່ກໍລະນີຂອງລາວຈະມາແລະກວດສອບລາວຢ່າງລະອຽດ.+
18 ການຈົກສະຫຼາກເຮັດໃຫ້ເຊົາຜິດຖຽງກັນ+
ແລະຊ່ວຍໃຫ້ຕັດສິນໄດ້ວ່າຄົນທີ່ມີອຳນາດຄົນໃດເປັນຝ່າຍຖືກ.
19 ການເຮັດໃຫ້ອ້າຍນ້ອງເຊົາຄຽດໃຫ້ກໍຍາກກວ່າການໄປຍຶດເມືອງທີ່ມີກຳແພງອ້ອມ.+
ຄວາມຂັດແຍ່ງເຮັດໃຫ້ຄົນແຕກແຍກກັນໄດ້ຄືກັບປະຕູເມືອງທີ່ໃສ່ກອນໄວ້.+
20 ສິ່ງທີ່ມະນຸດເວົ້າເປັນຄືກັບອາຫານທີ່ລົງໄປໃນທ້ອງຂອງລາວ.+
ລາວຈະຕ້ອງຮັບຜົນຈາກຄຳເວົ້າ*ຂອງໂຕເອງ.
21 ລີ້ນມີອຳນາດສັ່ງໃຫ້ເປັນຫຼືຕາຍໄດ້.+
ຄົນເຮົາຈະໄດ້ຮັບຜົນຕອບແທນຕາມວິທີທີ່ລາວໃຊ້ລີ້ນຂອງໂຕເອງ.+
23 ຄົນທຸກຂໍຮ້ອງໃຫ້ຄົນລວຍຊ່ວຍລາວ
ແຕ່ຄົນລວຍພັດຕອບລາວແບບບໍ່ມ່ວນ.