ສຸພາສິດ
26 ກຽດຕິຍົດບໍ່ເໝາະສົມກັບຄົນໂງ່+
ຄືກັບຫິມະທີ່ຕົກໃນລະດູຮ້ອນແລະຝົນທີ່ຕົກໃນລະດູເກັບກ່ຽວ.
2 ນົກບໍ່ໄດ້ບິນໜີໂດຍບໍ່ມີເຫດຜົນແລະນົກແອ່ນບໍ່ໄດ້ບິນໄປໂດຍບໍ່ມີສາເຫດ
ຖ້າມີຄົນສາບແຊ່ງກໍຕ້ອງມີເຫດຜົນຄືກັນ.
3 ແສ້ມີໄວ້ສຳລັບມ້າແລະເຊືອກ*ຄາດໃສ່ປາກມີໄວ້ສຳລັບລາ+
ແຕ່ໄມ້ແສ້ມີໄວ້ສຳລັບຫຼັງຂອງຄົນໂງ່.+
4 ຢ່າຕອບຄົນໂງ່ຄືກັບຄົນໂງ່
ເພື່ອທີ່ເຈົ້າຈະບໍ່ໄດ້ລົດໂຕລົງໄປຢູ່ລະດັບດຽວກັບລາວ.
5 ໃຫ້ຕອບຄົນໂງ່ຄືກັບຄົນໂງ່
ເພື່ອລາວຈະບໍ່ໄດ້ຄິດວ່າໂຕເອງສະຫຼາດ.+
6 ຄົນທີ່ຝາກເລື່ອງຕ່າງໆໄວ້ກັບຄົນໂງ່
ກໍເປັນຄືກັບຄົນທີ່ເຮັດໃຫ້ຕີນໂຕເອງພິການແລະທຳຮ້າຍໂຕເອງ.*
7 ສຸພາສິດທີ່ອອກຈາກປາກຄົນໂງ່+
ກໍເປັນຄືກັບຂາລ່ອຍໆຂອງຄົນພິການ.
8 ການໃຫ້ກຽດຄົນໂງ່+
ກໍເປັນຄືກັບການເອົາກ້ອນຫີນມັດຕິດກັບເຊືອກທີ່ໃຊ້ແກວ່ງກ້ອນຫີນ.
9 ສຸພາສິດທີ່ອອກຈາກປາກຄົນໂງ່
ກໍເປັນຄືກັບຕົ້ນໜາມທີ່ຢູ່ໃນມືຂອງຄົນຂີ້ເຫຼົ້າ.
10 ຄົນທີ່ຈ້າງຄົນໂງ່ຫຼືຈ້າງຄົນທີ່ກາຍໄປກາຍມາ
ກໍເປັນຄືກັບທະຫານທີ່ຍິງທະນູອອກໄປທົ່ວທີບ.*
11 ຄົນໂງ່ເຮັດແນວໂງ່ໆຊ້ຳແລ້ວຊ້ຳອີກ
ຄືກັບໝາທີ່ກັບໄປກິນຮາກຂອງມັນເອງ.+
12 ເຈົ້າເຄີຍເຫັນຄົນທີ່ຄິດວ່າໂຕເອງສະຫຼາດບໍ?+
ການຊ່ວຍຄົນໂງ່ກໍຍັງງ່າຍກວ່າຊ່ວຍລາວອີກ.
13 ຄົນຂີ້ຄ້ານຈະເວົ້າວ່າ: “ມີໂຕສິງຢູ່ຫົນທາງ!
ມີໂຕສິງຢູ່ເດີ່ນຂອງເມືອງ.”+
14 ຄົນຂີ້ຄ້ານນອນພິກໄປພິກມາ+
ຄືກັບປະຕູທີ່ເປີດເຂົ້າເປີດອອກ.
15 ຄົນຂີ້ຄ້ານຈຸ່ມມືລົງໃນຖ້ວຍ
ແຕ່ລາວເມື່ອຍຫຼາຍຈົນບໍ່ຢາກຈັບເອົາອາຫານມາໃສ່ປາກໂຕເອງ.+
16 ຄົນຂີ້ຄ້ານຄິດວ່າໂຕເອງສະຫຼາດກວ່າ
ອີກ 7 ຄົນທີ່ໃຫ້ຄວາມຄິດເຫັນທີ່ມີເຫດຜົນ.
18 ຄືກັບຄົນບ້າທີ່ຍິງທະນູໄຟແລະຊັດຫອກທີ່ເຮັດໃຫ້ເຖິງຕາຍ
19 ຄົນທີ່ມັກຢອກເພື່ອນບ້ານແລະເວົ້າວ່າ: “ຂ້ອຍຢອກຊື່ໆ” ກໍເປັນແນວນັ້ນແຫຼະ.+
20 ຖ້າບ່ອນໃດບໍ່ມີຟືນ ໄຟກໍມອດ
ແລະຖ້າບ່ອນໃດບໍ່ມີຄົນທີ່ມັກໃສ່ຮ້າຍ ການຜິດຖຽງກັນກໍໝົດໄປ.+
21 ຄົນທີ່ມັກໂຕ້ຖຽງຍົວະໃຫ້ມີການຜິດຖຽງກັນ+
ຄືກັບຖ່ານແລະຟືນທີ່ເຮັດໃຫ້ໄຟລຸກແຮງຂຶ້ນ.
22 ຄຳເວົ້າຂອງຄົນທີ່ມັກໃສ່ຮ້າຍເປັນຄືກັບອາຫານທີ່ແຊບໆ.*
ພວກມັນຖືກກືນລົງທ້ອງໄປທັນທີ.+
23 ຄຳເວົ້າດີໆຈາກຄົນທີ່ມີເຈຕະນາຮ້າຍ+
ກໍເປັນຄືກັບເງິນທີ່ໂອບຢູ່ເສດໝໍ້ດິນ.
24 ຄົນທີ່ຊັງຄົນອື່ນໃຊ້ຄຳເວົ້າເພື່ອປິດບັງຄວາມກຽດຊັງໄວ້
ແຕ່ໃນໃຈຂອງລາວຄິດຈະຫຼອກລວງ.
25 ເຖິງວ່າລາວຈະເວົ້າດີໆມ່ວນໆກໍຢ່າໄປໄວ້ໃຈລາວ
ຍ້ອນໃນໃຈຂອງລາວມີສິ່ງທີ່ເປັນຕາຂີ້ດຽດ 7 ຢ່າງ.*
26 ເຖິງວ່າຄວາມກຽດຊັງຂອງລາວຈະຖືກປິດບັງໄວ້ດ້ວຍການຫຼອກລວງ
ແຕ່ຄວາມຊົ່ວຂອງລາວຈະຖືກເປີດໂປງຕໍ່ໜ້າທຸກຄົນ.
27 ຄົນທີ່ຂຸດຂຸມຈະຕົກລົງໄປໃນຂຸມ
ແລະຄົນທີ່ກິ້ງຫີນໄປຈະຖືກຫີນກິ້ງກັບມາທັບ.+
28 ຄົນທີ່ເວົ້າຕົວະຊັງຄົນທີ່ລາວຕົວະ
ແລະຄົນທີ່ມັກຍ້ອງເຮັດໃຫ້ຄົນອື່ນຈິບຫາຍ.+