ເນເຮມີຢາ
11 ພວກເຈົ້ານາຍຂອງປະຊາຊົນອາໄສຢູ່ໃນເມືອງເຢຣູຊາເລັມ.+ ສ່ວນປະຊາຊົນໄດ້ຈົກສະຫຼາກ+ເພື່ອເລືອກເອົາຜູ້ໜຶ່ງໃນທຸກໆ 10 ຄົນໃຫ້ມາຢູ່ເມືອງເຢຣູຊາເລັມທີ່ເປັນເມືອງບໍລິສຸດ ແລະອີກ 9 ຄົນໃຫ້ໄປຢູ່ໃນເມືອງອື່ນໆ. 2 ບາງຄົນສະໝັກໃຈຍ້າຍໄປຢູ່ເມືອງເຢຣູຊາເລັມ ແລະປະຊາຊົນໄດ້ຊົມເຊີຍເຂົາເຈົ້າ.
3 ຕໍ່ໄປນີ້ແມ່ນພວກຄົນສຳຄັນຂອງແຂວງຢູດາທີ່ອາໄສຢູ່ໃນເມືອງເຢຣູຊາເລັມ. (ສ່ວນຄົນອື່ນໆທີ່ເປັນພວກປະໂລຫິດ ພວກເລວີ ພວກຄົນຮັບໃຊ້ໃນວິຫານ*+ ແລະລູກຫຼານພວກຄົນຮັບໃຊ້ຂອງໂຊໂລໂມນ+ກັບພວກອິດສະຣາເອນຄົນອື່ນໆໄດ້ອາໄສຢູ່ເມືອງຂອງໂຕເອງໃນເຂດຂອງຢູດາ.+
4 ມີບາງຄົນຈາກຕະກູນຢູດາແລະຕະກູນເບັນຢາມິນອາໄສຢູ່ເມືອງເຢຣູຊາເລັມ.) ຄົນສຳຄັນຜູ້ໜຶ່ງຈາກຕະກູນຢູດາແມ່ນອາທາຢາລູກຊາຍຂອງອຸດຊີຢາ. ອຸດຊີຢາເປັນລູກຊາຍຂອງເຊຄາຣີຢາ ເຊຄາຣີຢາເປັນລູກຊາຍຂອງອາມາຣີຢາ ອາມາຣີຢາເປັນລູກຊາຍຂອງເຊຟາຕີຢາ ເຊຟາຕີຢາເປັນລູກຊາຍຂອງມາຮາລາເລນ ມາຮາລາເລນເປັນລູກຫຼານຂອງເປເຣດ.+ 5 ນອກຈາກນັ້ນຍັງມີມາອາເສຢາລູກຊາຍຂອງບາຣຸກ. ບາຣຸກເປັນລູກຊາຍຂອງໂກນໂຮເຊ ໂກນໂຮເຊເປັນລູກຊາຍຂອງຮາຊາຢາ ຮາຊາຢາເປັນລູກຊາຍຂອງອາດາຢາ ອາດາຢາເປັນລູກຊາຍຂອງໂຢຢາຣິບ ໂຢຢາຣິບເປັນລູກຊາຍຂອງເຊຄາຣີຢາ ເຊຄາຣີຢາເປັນລູກຫຼານຂອງເຊລາ. 6 ລູກຫຼານຂອງເປເຣດທີ່ຢູ່ໃນເມືອງເຢຣູຊາເລັມມີທັງໝົດ 468 ຄົນ. ເຂົາເຈົ້າເປັນຄົນກ້າຫານ.
7 ຄົນສຳຄັນຜູ້ໜຶ່ງຈາກຕະກູນເບັນຢາມິນແມ່ນສັນລູ+ລູກຊາຍຂອງເມຊຸນລຳ. ເມຊຸນລຳເປັນລູກຊາຍຂອງໂຢເອັດ ໂຢເອັດເປັນລູກຊາຍຂອງເປດາຢາ ເປດາຢາເປັນລູກຊາຍຂອງໂກລາຢາ ໂກລາຢາເປັນລູກຊາຍຂອງມາອາເສຢາ ມາອາເສຢາເປັນລູກຊາຍຂອງອີທິເອນ ອີທິເອນເປັນລູກຊາຍຂອງເຢຊາຢາ. 8 ນອກຈາກນັ້ນຍັງມີກັບບາຍແລະຊັນລາຍ. ຈາກຕະກູນນີ້ລວມທັງໝົດມີ 928 ຄົນ. 9 ໂຢເອນລູກຊາຍຂອງຊິກຣີເປັນຫົວໜ້າຂອງເຂົາເຈົ້າ ແລະຢູດາລູກຊາຍຂອງຮັດເສນູອາເປັນຜູ້ຮອງຈາກລາວ.
10 ປະໂລຫິດທີ່ອາໄສຢູ່ໃນເມືອງເຢຣູຊາເລັມມີ: ເຢດາຢາລູກຊາຍຂອງໂຢຢາຣິບ ຢາກິນ+ 11 ແລະເສຣາຢາລູກຊາຍຂອງຮິນກີຢາ. ຮິນກີຢາເປັນລູກຊາຍຂອງເມຊຸນລຳ ເມຊຸນລຳເປັນລູກຊາຍຂອງຊາໂດກ ຊາໂດກເປັນລູກຊາຍຂອງເມຣາໂຢດ ເມຣາໂຢດເປັນລູກຊາຍຂອງອາຮີຕຸບ+ທີ່ເປັນຫົວໜ້າຢູ່ວິຫານຂອງພະເຈົ້າທ່ຽງແທ້. 12 ເຂົາເຈົ້າກັບພວກພີ່ນ້ອງຂອງເຂົາເຈົ້າທີ່ເຮັດວຽກຢູ່ວິຫານມີທັງໝົດ 822 ຄົນ. ປະໂລຫິດອີກຜູ້ໜຶ່ງທີ່ອາໄສຢູ່ໃນເມືອງເຢຣູຊາເລັມແມ່ນອາດາຢາລູກຊາຍຂອງເຢໂຣຮາມ. ເຢໂຣຮາມເປັນລູກຊາຍຂອງເປລາອີຢາ ເປລາອີຢາເປັນລູກຊາຍຂອງອາມຊີ ອາມຊີເປັນລູກຊາຍຂອງເຊຄາຣີຢາ ເຊຄາຣີຢາເປັນລູກຊາຍຂອງປັດຊູ+ ປັດຊູເປັນລູກຊາຍຂອງມັນກີຢາ. 13 ລາວກັບພວກພີ່ນ້ອງຂອງລາວທີ່ເປັນຫົວໜ້າໃນຈຸ້ມເຈື້ອຕ່າງໆມີທັງໝົດ 242 ຄົນ. ນອກຈາກນັ້ນຍັງມີອາມັດໄຊລູກຊາຍຂອງອັດຊາເຣນ. ອັດຊາເຣນເປັນລູກຊາຍຂອງອາຮະຊາຍ ອາຮະຊາຍເປັນລູກຊາຍຂອງເມຊິນເລໂມດ ເມຊິນເລໂມດເປັນລູກຊາຍຂອງອິມເມ. 14 ລາວກັບພວກພີ່ນ້ອງຂອງລາວທີ່ເປັນຄົນກ້າຫານມີທັງໝົດ 128 ຄົນ. ຊັບດີເອນເປັນຫົວໜ້າຂອງເຂົາເຈົ້າແລະລາວມາຈາກຄອບຄົວທີ່ມີຊື່ສຽງ.
15 ໃນພວກເລວີທີ່ອາໄສຢູ່ໃນເມືອງເຢຣູຊາເລັມມີຜູ້ໜຶ່ງຊື່ເຊມາຢາ.+ ລາວເປັນລູກຊາຍຂອງຮັດຊຸບເປັນຫຼານຂອງອັດຊະຣິກາມແລະເປັນເຫຼນຂອງຮາຊາບີຢາທີ່ເປັນລູກຊາຍຂອງບຸນນີ. 16 ມີຫົວໜ້າຂອງພວກເລວີອີກ 2 ຄົນຊື່ຊັບເບທາຍ+ກັບໂຢຊາບັດ+ທີ່ເບິ່ງແຍງວຽກຢູ່ທາງນອກວິຫານຂອງພະເຈົ້າທ່ຽງແທ້. 17 ນອກຈາກນັ້ນກໍຍັງມີມັດຕານີຢາ+ທີ່ເປັນຜູ້ນຳກຸ່ມທີ່ຮ້ອງເພງສັນລະເສີນຕອນອະທິດຖານ.+ ລາວເປັນລູກຊາຍຂອງມີກາເປັນຫຼານຂອງຊັບດີແລະເປັນເຫຼນຂອງອາສັບ.+ ບັກບຸກີຢາເປັນຜູ້ຮອງຈາກລາວ ແລະອັບດາເປັນຜູ້ຊ່ວຍເຂົາເຈົ້າ. ອັບດາເປັນລູກຊາຍຂອງຊາມມູອາເປັນຫຼານຂອງກາລັນແລະເປັນເຫຼນຂອງເຢດູທູນ.+ 18 ພວກເລວີທີ່ຢູ່ໃນເມືອງບໍລິສຸດມີທັງໝົດ 284 ຄົນ.
19 ພວກຄົນຍາມປະຕູທີ່ອາໄສຢູ່ໃນເມືອງເຢຣູຊາເລັມມີ: ອັກກຸບ ຕັນໂມນ+ ແລະພວກພີ່ນ້ອງຂອງເຂົາເຈົ້າ ລວມທັງໝົດມີ 172 ຄົນ.
20 ພວກອິດສະຣາເອນ ພວກປະໂລຫິດ ແລະພວກເລວີທີ່ເຫຼືອກໍອາໄສຢູ່ໃນເມືອງອື່ນໆຂອງຢູດາທີ່ເຂົາເຈົ້າໄດ້ຮັບເປັນມໍລະດົກ. 21 ພວກຄົນຮັບໃຊ້ໃນວິຫານ+ອາໄສຢູ່ໂອເຟນ.+ ຊີຮາກັບກິດຊະປາເປັນຫົວໜ້າຂອງເຂົາເຈົ້າ.
22 ຜູ້ທີ່ເບິ່ງແຍງພວກເລວີໃນເມືອງເຢຣູຊາເລັມແມ່ນອຸດຊີລູກຊາຍຂອງບານີ. ບານີເປັນລູກຊາຍຂອງຮາຊາບີຢາ ຮາຊາບີຢາເປັນລູກຊາຍຂອງມັດຕານີຢາ ມັດຕານີຢາເປັນລູກຊາຍຂອງມິກາ+ ມິກາເປັນລູກຫຼານຂອງອາສັບທີ່ເປັນນັກຮ້ອງ. ລາວເບິ່ງແຍງວຽກຢູ່ວິຫານຂອງພະເຈົ້າທ່ຽງແທ້. 23 ກະສັດ*ໄດ້ອອກຄຳສັ່ງ+ໃຫ້ເບິ່ງແຍງພວກນັກຮ້ອງ ເຊິ່ງລວມເຖິງການຈັດຫາສິ່ງທີ່ຈຳເປັນໃຫ້ເຂົາເຈົ້າໃນແຕ່ລະມື້. 24 ເປທາຮີຢາເປັນທີ່ປຶກສາຂອງກະສັດກ່ຽວກັບທຸກເລື່ອງຂອງປະຊາຊົນ. ລາວເປັນລູກຊາຍຂອງເມເຊດຊາເບນ. ເມເຊດຊາເບນເປັນລູກຫຼານຂອງເຊຣາ ເຊຣາເປັນລູກຊາຍຂອງຢູດາ.
25 ເມືອງນ້ອຍໆທີ່ມີທົ່ງຫຍ້າທີ່ບາງຄົນໃນຕະກູນຢູດາໄປອາໄສຢູ່ມີ: ເມືອງກີຣິອາດອາຣະບາ+ກັບເມືອງນ້ອຍໆທີ່ຢູ່ອ້ອມແອ້ມເມືອງນັ້ນ ເມືອງດີໂບນກັບເມືອງນ້ອຍໆທີ່ຢູ່ອ້ອມແອ້ມເມືອງນັ້ນ ເມືອງເຢກັບເຊເອນ+ກັບບ້ານນ້ອຍໆທີ່ຢູ່ອ້ອມແອ້ມເມືອງນັ້ນ 26 ເມືອງເຢຊູອາ ເມືອງໂມລາດາ+ ເມືອງເບັດເປເລັດ+ 27 ເມືອງຮາຊາຊູອານ+ ເມືອງເບເອເຊບາກັບເມືອງນ້ອຍໆທີ່ຢູ່ອ້ອມແອ້ມເມືອງນັ້ນ 28 ເມືອງຊິກລັກ+ ເມືອງເມໂກນາກັບເມືອງນ້ອຍໆທີ່ຢູ່ອ້ອມແອ້ມເມືອງນັ້ນ 29 ເມືອງເອັນຣິມໂມນ+ ເມືອງໂຊຣາ+ ເມືອງຢາຣະມຸດ 30 ເມືອງຊາໂນອາ+ ເມືອງອະດຸລາມກັບບ້ານນ້ອຍໆທີ່ຢູ່ອ້ອມແອ້ມເມືອງນັ້ນ ເມືອງລາກິດ+ກັບເຂດທີ່ຢູ່ອ້ອມແອ້ມເມືອງນັ້ນ ແລະເມືອງອາເຊກາ+ກັບເມືອງນ້ອຍໆທີ່ຢູ່ອ້ອມແອ້ມເມືອງນັ້ນ. ເຂົາເຈົ້າຢູ່ຕັ້ງແຕ່ເມືອງເບເອເຊບາໄປຈົນຮອດຮ່ອມພູຮິນໂນມ.+
31 ເມືອງຕ່າງໆທີ່ຄົນໃນຕະກູນເບັນຢາມິນໄປຢູ່ມີ: ເມືອງເຄບາ+ ມິກມາດ ເມືອງອາຢາ ເມືອງເບເທນ+ກັບເມືອງນ້ອຍໆທີ່ຢູ່ອ້ອມແອ້ມເມືອງນັ້ນ 32 ເມືອງອານາໂທດ+ ເມືອງໂນບ+ ເມືອງອານານີຢາ 33 ເມືອງຮາໂສ ເມືອງຣາມາ+ ກິດຕາຢິມ 34 ເມືອງຮາດິດ ເມືອງເຊໂບຢິມ ນາບາລາດ 35 ເມືອງໂລດ ແລະເມືອງໂອໂນ+ເຊິ່ງມີອີກຊື່ໜຶ່ງວ່າຮ່ອມພູຂອງຄົນທີ່ເກັ່ງດ້ານສີໄມ້ລາຍມື. 36 ພວກເລວີບາງກຸ່ມຈາກເຂດຂອງຕະກູນຢູດາຖືກມອບໝາຍໃຫ້ໄປຢູ່ໃນເຂດຂອງຕະກູນເບັນຢາມິນ.