ເພງສັນລະເສີນ
ເພງຂອງດາວິດ.
143 ພະເຢໂຫວາເອີ້ຍ ຂໍພະອົງຟັງຄຳອະທິດຖານຂອງລູກ.+
ຂໍພະອົງຟັງຄຳຮ້ອງຂໍຄວາມຊ່ວຍເຫຼືອຂອງລູກ.
ຂໍພະອົງຕອບລູກ ຍ້ອນພະອົງສັດຊື່ແລະຍຸຕິທຳ.
2 ຂໍພະອົງຢ່າຕັດສິນຜູ້ຮັບໃຊ້ຂອງພະອົງ
ຍ້ອນທຸກຄົນທີ່ມີຊີວິດຢູ່ ບໍ່ມີໃຜບໍ່ເຄີຍເຮັດຜິດໃນສາຍຕາຂອງພະອົງ.+
3 ສັດຕູໄດ້ໄລ່ລ່າລູກ.
ລາວຢຽບຊີວິດລູກຈົນຈົມດິນ.
ລາວເຮັດໃຫ້ລູກຢູ່ໃນຄວາມມືດຄືກັບຄົນທີ່ຕາຍໄປດົນແລ້ວ.
4 ລູກໝົດກຳລັງໃຈ
ແລະບໍ່ມີເຫື່ອບໍ່ມີແຮງເລີຍ.+
5 ລູກຄິດຮອດສະໄໝແຕ່ກີ້.
ລູກຄິດຕຶກຕອງກ່ຽວກັບທຸກສິ່ງທີ່ພະອົງເຮັດ.+
ລູກຢາກຄິດຕຶກຕອງເຖິງ*ຜົນງານຂອງພະອົງແທ້ໆ.
6 ລູກຍົກມືຂຶ້ນອະທິດຖານຫາພະອົງ.
ລູກລໍຖ້າພະອົງຄືກັບແຜ່ນດິນທີ່ແຫ້ງແລ້ງລໍຖ້ານ້ຳຝົນ.+ (ເຊລາ)*
ຂໍພະອົງຢ່າປິ່ນໜ້າໜີຈາກລູກ+
ຄັນບໍ່ຊັ້ນ ລູກຈະເປັນຄືກັບຄົນທີ່ກຳລັງລົງໄປໃນຂຸມຝັງສົບ.+
8 ຂໍພະອົງໃຫ້ລູກໄດ້ຍິນເລື່ອງຄວາມຮັກທີ່ໝັ້ນຄົງຂອງພະອົງໃນຕອນເຊົ້າ
ຍ້ອນລູກໄວ້ໃຈພະອົງ.
ຂໍພະອົງຊ່ວຍລູກໃຫ້ຮູ້ຈັກທາງທີ່ລູກຄວນໄປ+
ຍ້ອນລູກຢາກໄດ້ການຊີ້ນຳຈາກພະອົງ.
9 ພະເຢໂຫວາເອີ້ຍ ຂໍພະອົງຊ່ວຍລູກໃຫ້ລອດຈາກສັດຕູຂອງລູກ.
ລູກຊອກຫາການປົກປ້ອງຈາກພະອົງ.+
10 ຂໍພະອົງສອນລູກໃຫ້ເຮັດຕາມຄວາມຕ້ອງການຂອງພະອົງ+
ຍ້ອນພະອົງເປັນພະເຈົ້າຂອງລູກ.
ພະອົງດີແທ້ໆ.
ຂໍໃຫ້ພະລັງຂອງພະອົງພາລູກໄປໃນບ່ອນທີ່ມີດິນພຽງ.*
11 ພະເຢໂຫວາເອີ້ຍ ເພື່ອເຫັນແກ່ຊື່ຂອງພະອົງ ຂໍພະອົງປົກປ້ອງຊີວິດຂອງລູກ.
ຂໍພະອົງຊ່ວຍລູກຈາກຄວາມທຸກ ຍ້ອນພະອົງເຮັດສິ່ງທີ່ຖືກຕ້ອງສະເໝີ.+