ເພງສັນລະເສີນ
ເພງຂອງດາວິດ.
28 ພະເຢໂຫວາຜູ້ເປັນຫີນຜາຂອງລູກເອີ້ຍ+ ລູກຮ້ອງຂໍໃຫ້ພະອົງຊ່ວຍບໍ່ຢຸດບໍ່ເຊົາ.
ຂໍພະອົງຢ່າເມີນເສີຍຕໍ່ລູກ.
ຖ້າພະອົງບໍ່ຕອບຫຍັງ
ລູກກໍຈະເຮັດຫຍັງບໍ່ໄດ້ຄືກັບຄົນທີ່ຕາຍແລ້ວ.+
2 ຕອນທີ່ລູກຍົກມືໄປທາງຫ້ອງບໍລິສຸດທີ່ສຸດ*ທີ່ຢູ່ບ່ອນບໍລິສຸດຂອງພະອົງ+
ຂໍພະອົງຟັງຄຳອ້ອນວອນຂໍຄວາມຊ່ວຍເຫຼືອຂອງລູກ.
3 ຂໍພະອົງຢ່າລາກລູກໄປຕັດສິນພ້ອມກັບຄົນຊົ່ວແລະຄົນທີ່ເຮັດສິ່ງບໍ່ດີ.+
ຄົນເຫຼົ່ານີ້ເວົ້າດີຕໍ່ໜ້າ ແຕ່ໃນໃຈບໍ່ໄດ້ຫວັງດີ.+
4 ຂໍພະອົງລົງໂທດເຂົາເຈົ້າໃນສິ່ງທີ່ເຂົາເຈົ້າເຮັດ+
ຕາມຄວາມຊົ່ວຂອງເຂົາເຈົ້າ.
ຂໍພະອົງຕັດສິນເຂົາເຈົ້າຕາມການກະທຳຂອງເຂົາເຈົ້າ
ໃຫ້ສົມກັບຄວາມຜິດທີ່ເຂົາເຈົ້າເຮັດ.+
ເພິ່ນຈະເຮັດໃຫ້ເຂົາເຈົ້າລົ້ມລົງແລະບໍ່ໂຈມເຂົາເຈົ້າຂຶ້ນ.
6 ຂໍໃຫ້ພະເຢໂຫວາໄດ້ຮັບການສັນລະເສີນ
ຍ້ອນເພິ່ນຟັງຄຳອ້ອນວອນຂໍຄວາມຊ່ວຍເຫຼືອຂອງຂ້ອຍ.
ຂ້ອຍໄດ້ຮັບການຊ່ວຍເຫຼືອຈາກເພິ່ນແລະຂ້ອຍກໍມີຄວາມສຸກຫຼາຍ.
ຂ້ອຍຈຶ່ງຢາກຮ້ອງເພງສັນລະເສີນເພິ່ນ.
8 ພະເຢໂຫວາເປັນກຳລັງສຳລັບຄົນຂອງເພິ່ນ.
ເພິ່ນເປັນປ້ອມສູງທີ່ຊ່ວຍຄົນທີ່ເພິ່ນເລືອກໃຫ້ລອດ.+
9 ຂໍພະອົງຊ່ວຍຄົນຂອງພະອົງແລະອວຍພອນເຂົາເຈົ້າທີ່ເປັນຄືກັບມໍລະດົກຂອງພະອົງ.+
ຄືກັບຜູ້ລ້ຽງແກະ ຂໍພະອົງເບິ່ງແຍງເຂົາເຈົ້າແລະອູ້ມເຂົາເຈົ້າໄວ້ໃນເອິກຂອງພະອົງຕະຫຼອດໄປ.+