ສຸພາສິດ
28 ຄົນຊົ່ວແລ່ນໜີທັງໆທີ່ບໍ່ມີໃຜໄລ່ນຳເຂົາເຈົ້າ
ແຕ່ຄົນທີ່ເຮັດສິ່ງທີ່ຖືກຕ້ອງກ້າຫານຄືກັບໂຕສິງ.+
2 ຖ້າຄົນໃນແຜ່ນດິນເຮັດຜິດ* ຜູ້ປົກຄອງຈະຖືກປ່ຽນຄົນເລື້ອຍໆ+
ແຕ່ຖ້າໄດ້ຮັບຄວາມຊ່ວຍເຫຼືອຈາກຄົນທີ່ມີຄວາມຮູ້ຄວາມເຂົ້າໃຈ ຜູ້ປົກຄອງກໍຈະປົກຄອງໄດ້ດົນ.+
3 ຄົນທຸກທີ່ສໍ້ໂກງຄົນຕ່ຳຕ້ອຍ+
ເປັນຄືກັບຝົນຕົກແຮງທີ່ເຮັດໃຫ້ຜົນລະປູກເສຍຫາຍໝົດ.
4 ຄົນທີ່ບໍ່ເຮັດຕາມກົດໝາຍ*ພາກັນຍ້ອງຍໍຄົນຊົ່ວ
ແຕ່ຄົນທີ່ເຮັດຕາມກົດໝາຍໃຈຮ້າຍໃຫ້ເຂົາເຈົ້າ.+
6 ເປັນຄົນທຸກທີ່ສັດຊື່
ກໍດີກວ່າເປັນຄົນລວຍທີ່ສໍ້ໂກງ.+
7 ລູກຊາຍທີ່ມີຄວາມເຂົ້າໃຈເຮັດຕາມກົດໝາຍ
ແຕ່ຄົນທີ່ຄົບກັບຄົນທີ່ກິນແບບໂລບມາກເຮັດໃຫ້ພໍ່ຂອງໂຕເອງຂາຍໜ້າ.+
8 ຖ້າຜູ້ໃດເຮັດໃຫ້ໂຕເອງລວຍຂຶ້ນດ້ວຍດອກເບ້ຍ+ແລະກຳໄລທີ່ໄດ້ມາແບບບໍ່ສັດຊື່
ຊັບສົມບັດຂອງລາວຈະກາຍເປັນຂອງຄົນທີ່ອີ່ຕົນຄົນທຸກ.+
9 ຖ້າຜູ້ໃດບໍ່ຍອມຟັງກົດໝາຍ
ແມ່ນແຕ່ຄຳອະທິດຖານຂອງລາວກໍເປັນຕາຂີ້ດຽດ.+
10 ຄົນທີ່ພາຄົນສັດຊື່ໄປທາງທີ່ຜິດຈະຕົກລົງໄປໃນຂຸມຂອງໂຕເອງ+
ແຕ່ຄົນທີ່ບໍ່ມີບ່ອນຕິຈະໄດ້ສິ່ງທີ່ດີໆເປັນມໍລະດົກ.+
12 ເມື່ອຄົນທີ່ເຮັດສິ່ງທີ່ຖືກຕ້ອງປະສົບຄວາມສຳເລັດ ລາວກໍໄດ້ຮັບກຽດຫຼາຍ
ແຕ່ເມື່ອຄົນຊົ່ວຂຶ້ນມາມີອຳນາດ ປະຊາຊົນກໍພາກັນໄປລີ້.+
13 ຄົນທີ່ປົກປິດຄວາມຜິດຂອງໂຕເອງໄວ້ຈະບໍ່ປະສົບຄວາມສຳເລັດ+
ແຕ່ຄົນທີ່ສາລະພາບແລະເຊົາເຮັດຜິດຈະໄດ້ຮັບຄວາມເມດຕາ.+
14 ຄົນທີ່ລະວັງການກະທຳຂອງໂຕເອງສະເໝີກໍມີຄວາມສຸກ
15 ຜູ້ປົກຄອງຊົ່ວເຮັດກັບຄົນທີ່ບໍ່ມີຜູ້ໃດຊ່ວຍ
ຄືກັບໂຕສິງທີ່ກຳລັງແຜດສຽງຮ້ອງແລະຄືກັບໂຕໝີທີ່ກຳລັງຟ້າວແລ່ນໂດດໃສ່ເຫຍື່ອ.+
16 ຜູ້ນຳທີ່ບໍ່ມີຄວາມເຂົ້າໃຈໃຊ້ອຳນາດຂອງລາວໄປໃນທາງທີ່ຜິດ+
ແຕ່ຜູ້ນຳທີ່ຊັງການຊອກຫາກຳໄລແບບບໍ່ສັດຊື່ຈະມີອາຍຸຍືນຍາວ.+
17 ຄົນທີ່ມີຄວາມຜິດຍ້ອນຂ້າຄົນອື່ນຈະຕ້ອງໜີໄປຈົນຮອດມື້ຕາຍ.+
ຢ່າໃຫ້ໃຜໄປຊ່ວຍເຫຼືອລາວ.
18 ຄົນທີ່ໃຊ້ຊີວິດແບບສັດຊື່ຈະໄດ້ຮັບການຊ່ວຍໃຫ້ລອດ+
ແຕ່ຄົນທີ່ໃຊ້ຊີວິດແບບບໍ່ສັດຊື່ຈະຕ້ອງເຈິຄວາມຈິບຫາຍຢ່າງກະທັນຫັນ.+
21 ການລຳອຽງເປັນສິ່ງທີ່ບໍ່ດີ+
ແຕ່ຄົນເຮົາອາດຈະເຮັດຜິດເພື່ອເຂົ້າຈີ່ປ່ຽງດຽວ.
22 ຄົນໂລບ*ຢາກລວຍໄວໆ
ແຕ່ລາວບໍ່ຮູ້ຊ້ຳວ່າໂຕເອງຈະກາຍເປັນຄົນທຸກ.
24 ຄົນທີ່ລັກຊັບສົມບັດຂອງພໍ່ແມ່ແລະເວົ້າວ່າ: “ມັນບໍ່ຜິດດອກ”+
ກໍເຮັດຊົ່ວສ່ຳກັບຄົນທີ່ສ້າງຄວາມເສຍຫາຍ.*+
27 ຄົນທີ່ຊ່ວຍເຫຼືອຄົນທຸກຈະບໍ່ຂາດເຂີນຫຍັງ+
ແຕ່ຄົນທີ່ບໍ່ສົນໃຈເຂົາເຈົ້າຈະຖືກສາບແຊ່ງ.
28 ເມື່ອພວກຄົນຊົ່ວຂຶ້ນມາມີອຳນາດ ຜູ້ຄົນກໍພາກັນໄປລີ້
ແຕ່ເມື່ອເຂົາເຈົ້າຖືກທຳລາຍ ຄົນທີ່ເຮັດສິ່ງທີ່ຖືກຕ້ອງກໍມີຫຼາຍຂຶ້ນ.+