ເພງສັນລະເສີນ
ເພງໄວ້ທຸກຂອງດາວິດທີ່ຮ້ອງໃຫ້ພະເຢໂຫວາກ່ຽວກັບຄຳເວົ້າຂອງກູເຊຄົນເບັນຢາມິນ.
7 ພະເຢໂຫວາພະເຈົ້າຂອງລູກເອີ້ຍ ລູກໝັ້ນໃຈວ່າພະອົງຈະປົກປ້ອງລູກ.+
ຂໍຊ່ວຍລູກໃຫ້ລອດຈາກທຸກຄົນທີ່ຂົ່ມເຫງລູກ.+
2 ຄັນບໍ່ຊັ້ນ ເຂົາເຈົ້າຈະຈີກລູກເປັນຕ່ອນໆຄືກັບໂຕສິງຈີກເຫຍື່ອ+
ແລ້ວລາກລູກໄປແລະຈະບໍ່ມີຜູ້ໃດຊ່ວຍລູກໄດ້.
3 ພະເຢໂຫວາພະເຈົ້າຂອງລູກເອີ້ຍ ຖ້າລູກເປັນຄົນເຮັດຜິດ
ຖ້າລູກເຮັດສິ່ງທີ່ບໍ່ຖືກຕ້ອງ
4 ຖ້າລູກເຮັດຊົ່ວຕໍ່ຄົນທີ່ເຮັດດີກັບລູກ+
ຖ້າລູກປຸ້ນສັດຕູຂອງລູກໂດຍບໍ່ມີເຫດຜົນ
5 ກໍຂໍໃຫ້ສັດຕູໄລ່ລ່າແລະຈັບລູກໄດ້.
ຂໍໃຫ້ລາວຢຽບລູກຈົນຕາຍ
ແລະເຮັດໃຫ້ກຽດຂອງລູກຫາຍໄປກັບຂີ້ຝຸ່ນ. (ເຊລາ)*
6 ພະເຢໂຫວາເອີ້ຍ ຂໍພະອົງເຮັດໃຫ້ສັດຕູຂອງລູກຮູ້ວ່າພະອົງໃຈຮ້າຍຢູ່.
ຂໍພະອົງຕໍ່ສູ້ເຂົາເຈົ້າທີ່ກຳລັງໃຈຮ້າຍໃສ່ລູກ.+
ຂໍຊ່ວຍລູກແລະໃຫ້ລູກໄດ້ຮັບຄວາມຍຸຕິທຳ.+
7 ໃຫ້ຊາດຕ່າງໆມາອ້ອມພະອົງໂລດ
ແລະພະອົງຈະຈັດການເຂົາເຈົ້າຈາກສະຫວັນ.
8 ພະເຢໂຫວາຈະຕັດສິນຊາດຕ່າງໆ.+
ພະເຢໂຫວາເອີ້ຍ ຂໍພະອົງຕັດສິນລູກຕາມຄວາມດີທີ່ລູກເຮັດ
ແລະຕາມຄວາມສັດຊື່ຂອງລູກ.+
9 ຂໍເຮັດໃຫ້ຄົນຊົ່ວເຊົາເຮັດຊົ່ວ
ແລະຂໍຊ່ວຍຄົນດີໃຫ້ເຂັ້ມແຂງຕໍ່ໆໄປ+
ເພາະພະອົງເປັນພະເຈົ້າທີ່ຍຸຕິທຳ+ທີ່ກວດເບິ່ງຄວາມຮູ້ສຶກເລິກໆ+ໃນຫົວໃຈ.*+
10 ພະເຈົ້າເປັນໂລ້ຂອງຂ້ອຍ.+ ພະອົງຊ່ວຍຄົນທີ່ມີຫົວໃຈທີ່ສັດຊື່ໃຫ້ລອດ.+
13 ເພິ່ນຈະກຽມອາວຸດເພື່ອຂ້າລາວ
ແລະເພິ່ນຈະກຽມລູກທະນູໄຟນຳ.+
14 ເບິ່ງຄົນທີ່ມີຄວາມຊົ່ວເຕັມທ້ອງຄືກັບຜູ້ຍິງທີ່ຖືພາແມ້.
ສິ່ງທີ່ເກີດມາຈາກລາວມີແຕ່ບັນຫາແລະຄຳຕົວະ.+
15 ລາວຂຸດຂຸມກັບດັກໄວ້ບັກເລິກໆ
ແຕ່ລາວພັດຕົກລົງໄປເອງ.+
16 ບັນຫາທີ່ລາວສ້າງໄວ້ຈະກັບມາຖືກລາວເອງ+
ແລະຄວາມຮຸນແຮງທີ່ລາວວາງແຜນຈະເຮັດກໍຈະກັບຄືນມາຖືກລາວຄືກັນ.