ພະນິມິດທີ່ເປີດເຜີຍໃຫ້ໂຢຮັນ

12 ຈາກນັ້ນ ຂ້ອຍ​ເຫັນ​ເຫດການ​ສຳຄັນ​ຢ່າງ​ໜຶ່ງ​ໃນ​ສະຫວັນ​ທີ່​ມີ​ຄວາມ​ໝາຍ​ເປັນ​ໄນ. ມີ​ຜູ້​ຍິງ​ຄົນ​ໜຶ່ງ+​ທີ່​ມີ​ຕາເວັນຫົ່ມໂຕ​ລາວ​ໄວ້ ມີ​ເດືອນ​ຢູ່​ພື້ນ​ຕີນ​ລາວ ແລະ​ເທິງ​ຫົວ​ຂອງ​ລາວ​ມີ​ມົງກຸດ​ອັນ​ໜຶ່ງ​ທີ່​ມີ​ດາວ 12 ດວງ. 2 ຜູ້​ຍິງ​ຄົນ​ນີ້​ຖື​ພາ. ລາວ​ຮ້ອງ​ດ້ວຍ​ຄວາມ​ເຈັບ​ປວດ​ຍ້ອນ​ໃກ້​ຊິ​ເກີດ​ລູກ​ແລ້ວ.

3 ຂ້ອຍ​ເຫັນ​ເຫດການ​ອີກ​ຢ່າງ​ໜຶ່ງ​ໃນ​ສະຫວັນ​ທີ່​ມີ​ຄວາມ​ໝາຍ​ເປັນ​ໄນ. ມີ​ພະຍານາກ​ໃຫຍ່​ສີ​ແດງ​ສົດ+​ທີ່​ມີ​ຫົວ 7 ຫົວ ກັບ​ເຂົາ 10 ເຂົາ ແລະ​ເທິງ​ຫົວ​ທັງ​ເຈັດ​ຂອງ​ມັນ​ມີ​ມົງກຸດ. 4 ພະຍານາກ​ນັ້ນ​ໃຊ້​ຫາງ​ກວາດ​ເອົາ 1 ໃນ 3 ສ່ວນ​ຂອງ​ດາວ+​ໃນ​ສະຫວັນ​ໄປ ແລະ​ຖິ້ມ​ດາວ​ເຫຼົ່າ​ນັ້ນ​ລົງ​ມາ​ໃນ​ໂລກ.+ ພະຍານາກ​ຢືນ​ເຝົ້າ​ຢູ່​ຕໍ່​ໜ້າ​ຜູ້​ຍິງ+​ທີ່​ໃກ້​ຊິ​ເກີດ​ລູກ ເພື່ອ​ມັນ​ຊິ​ກິນ​ແອນ້ອຍ​ທີ່​ເກີດ​ມາ​ນັ້ນ.

5 ແລ້ວ​ຜູ້​ຍິງ​ຄົນ​ນັ້ນ​ກໍ​ເກີດ​ລູກ​ຊາຍ+​ທີ່​ຈະ​ປົກຄອງ*​ທຸກ​ປະເທດ​ໃນ​ໂລກ​ດ້ວຍ​ຄ້ອນ​ເຫຼັກ+​ຂອງ​ກະສັດ ແລະ​ລູກ​ຊາຍ​ຂອງ​ລາວ​ຖືກ​ເອົາ​ໄປ​ໃຫ້​ພະເຈົ້າ​ຢູ່​ບັນລັງ​ຂອງ​ເພິ່ນ​ທັນທີ. 6 ສ່ວນ​ຜູ້​ຍິງ​ນັ້ນ​ໄດ້​ໜີ​ເຂົ້າ​ໄປ​ໃນ​ບ່ອນ​ກັນດານ​ເຊິ່ງ​ພະເຈົ້າ​ກຽມ​ບ່ອນ​ຢູ່​ໄວ້​ໃຫ້​ລາວ​ຢູ່​ຫັ້ນ ແລະ​ລາວ​ຈະ​ໄດ້​ຮັບ​ການ​ລ້ຽງ​ດູ​ເປັນ​ເວລາ 1.260 ມື້.+

7 ແລ້ວ​ກໍ​ເກີດ​ສົງຄາມ​ໃນ​ສະຫວັນ. ມີກາເອນ*+​ກັບ​ພວກ​ທູດສະຫວັນ​ຂອງ​ເພິ່ນ​ໄດ້​ຕໍ່ສູ້​ກັບ​ພະຍານາກ ແລະ​ພະຍານາກ​ກັບ​ພວກ​ທູດສະຫວັນ​ທີ່​ຢູ່​ຝ່າຍ​ມັນ​ໄດ້​ຕອບ​ໂຕ້​ຄືນ. 8 ແຕ່​ພວກ​ມັນ​ບໍ່​ຊະນະ* ພວກ​ມັນ​ຈຶ່ງ​ຢູ່​ໃນ​ສະຫວັນ​ບໍ່​ໄດ້​ອີກ​ຕໍ່​ໄປ. 9 ພະຍານາກ​ໃຫຍ່+​ຖືກ​ຖິ້ມ​ລົງ​ມາ​ໃນ​ໂລກ ແລະ​ພວກ​ທູດສະຫວັນ​ທີ່​ຢູ່​ຝ່າຍ​ມັນ​ກໍ​ຖືກ​ຖິ້ມ​ລົງ​ມາ​ຄື​ກັນ. ພະຍານາກ​ໃຫຍ່​ແມ່ນ​ງູ​ໂຕ​ທຳອິດ​ນັ້ນ.+ ມັນ​ຖືກ​ເອີ້ນ​ວ່າ​ມານ​ຮ້າຍ+​ແລະ​ຊາຕານ+​ທີ່​ກຳລັງ​ລໍ້ລວງ​ທົ່ວ​ໂລກ+​ໃຫ້​ຫຼົງ​ຜິ​ດ.+ 10 ຂ້ອຍ​ໄດ້​ຍິນ​ສຽງ​ດັງ​ຈາກ​ສະຫວັນ​ເວົ້າ​ວ່າ:

“ຕອນນີ້ ພະເຈົ້າ​ໄດ້​ຊ່ວຍມະນຸດໃຫ້​ລອດ+​ແລະ​ສະແດງ​ລິດເດດ​ແລ້ວ. ການ​ປົກຄອງ​ຂອງ​ເພິ່ນ​ເລີ່ມ​ແລ້ວ+ ແລະຜູ້​ທີ່​ເພິ່ນ​ເລືອກ​ໃຫ້​ເປັນ​ພະຄລິດ​ເລີ່ມ​ໃຊ້​ອຳນາດ​ແລ້ວ. ຜູ້​ທີ່​ກ່າວ​ຫາ​ພີ່ນ້ອງ​ຂອງ​ພວກ​ເຮົາ​ກໍ​ຖືກ​ຖິ້ມ​ລົງ​ມາ​ແລ້ວ. ມັນ​ກ່າວ​ຫາ​ເຂົາເຈົ້າ​ຕໍ່​ໜ້າ​ພະເຈົ້າ​ຂອງ​ພວກ​ເຮົາ​ທັງ​ເວັນ​ທັງ​ຄືນ.+ 11 ເຂົາເຈົ້າ​ຊະນະມານ​ຮ້າຍ+​ໄດ້​ກໍ​ຍ້ອນ​ເລືອດ​ຂອງ​ແກະ​ນ້ອຍ​ຂອງ​ພະເຈົ້າ+​ແລະ​ຂ່າວ​ສານ​ທີ່​ເຂົາເຈົ້າ​ປະກາດ.+ ເຂົາເຈົ້າ​ຍອມ​ຕາຍ​ໂດຍ​ບໍ່​ເສຍດາຍ​ຊີວິດ​ເລີຍ.+ 12 ສະຫວັນ​ແລະ​ຜູ້​ທີ່​ຢູ່​ໃນ​ສະຫວັນ ຂໍ​ໃຫ້​ດີໃຈ ສ່ວນ​ໂລກ​ແລະ​ທະເລ​ຈະ​ເດືອດຮ້ອນ+ ຍ້ອນ​ມານ​ຮ້າຍລົງ​ມາ​ດ້ວຍ​ຄວາມ​ໃຈ​ຮ້າຍ​ຫຼາຍ ແລະ​ມັນ​ຮູ້​ວ່າ​ເວລາ​ຂອງ​ມັນ​ເຫຼືອ​ແຕ່​ໜ້ອຍ​ດຽວ.”+

13 ເມື່ອ​ພະຍານາກ​ເຫັນ​ວ່າ​ມັນ​ຖືກ​ຖິ້ມ​ລົງ​ມາ​ໃນ​ໂລກ​ແລ້ວ+ ມັນ​ກໍ​ຂົ່ມເຫງ​ຜູ້​ຍິງ​ຄົນ​ນັ້ນ+​ທີ່​ເກີດ​ລູກ​ຊາ​ຍ. 14 ແຕ່​ພະເຈົ້າ​ເອົາ​ປີກ​ນົກ​ອິນຊີ​ໃຫຍ່​ຄູ່​ໜຶ່ງ+​ໃຫ້​ລາວ​ເພື່ອ​ຈະ​ບິນ​ເຂົ້າ​ໄປ​ໃນ​ບ່ອນ​ກັນດານ​ທີ່​ກຽມ​ໄວ້​ໃຫ້​ລາວ. ລາວ​ຈະ​ຖືກ​ລ້ຽງ​ຢູ່​ຫັ້ນ​ເພື່ອ​ໃຫ້​ລອດ​ຈາກ​ງູ​ໂຕ​ນັ້ນ+​ເປັນ​ເວລາ 1 ປີ ແລະ 2 ປີ ແລະ​ເຄິ່ງ​ປີ.*+

15 ແລ້ວ​ງູ​ກໍພົ່ນນ້ຳ​ອອກ​ຈາກ​ປາກ​ຄື​ກັບ​ແມ່​ນ້ຳ​ເພື່ອ​ເຮັດ​ໃຫ້​ຜູ້​ຍິງ​ຄົນ​ນັ້ນ​ຈົມ​ນ້ຳ​ຕາຍ. 16 ແຕ່​ແຜ່ນດິນ​ໄດ້​ຊ່ວຍ​ຜູ້​ຍິງ​ໄວ້​ແລະ​ອ້າ​ປາກ​ກືນ​ແມ່​ນ້ຳ​ທີ່​ພະຍານາກ​ພົ່ນ​ອອກ​ມາ. 17 ພະຍານາກ​ກໍ​ຄຽດແຄ້ນ​ຜູ້​ຍິງ​ນັ້ນ ມັນ​ຈຶ່ງ​ອອກ​ໄປ​ເຮັດ​ສົງຄາມ​ກັບ​ລູກ​ຫຼານ​ຂອງ​ລາວ​ທີ່​ຍັງ​ເຫຼືອ​ຢູ່+​ເຊິ່ງ​ເຮັດ​ຕາມ​ກົດໝາຍ​ຂອງ​ພະເຈົ້າ​ແລະ​ເຮັດ​ວຽກ​ປະກາດ​ເລື່ອງ​ພະ​ເຢຊູ.+