ສຸພາສິດ
9 ສະຕິປັນຍາແທ້ສ້າງເຮືອນໄວ້ແລ້ວ
ແລະເຮັດເສົາໄວ້ 7 ຕົ້ນ.
2 ສະຕິປັນຍາແທ້ກຽມຊີ້ນໄວ້
ປະສົມເຫຼົ້າແວງ
ແລະຈັດໂຕະໄວ້ພ້ອມແລ້ວ.
3 ສະຕິປັນຍາແທ້ໄດ້ສົ່ງຄົນຮັບໃຊ້ຜູ້ຍິງອອກໄປ
ເພື່ອໃຫ້ປະກາດຈາກບ່ອນທີ່ສູງໆຂອງເມືອງວ່າ:+
4 “ມາເດີ້ ໃຜທີ່ບໍ່ມີປະສົບການ ໃຫ້ມາພີ້ເດີ້.”
ສະຕິປັນຍາແທ້ເວົ້າກັບຄົນທີ່ບໍ່ຮູ້ຈັກຄິດວ່າ:
5 “ມາເດີ້ ໃຫ້ເຈົ້າມາກິນເຂົ້າຈີ່
ແລະກິນເຫຼົ້າແວງທີ່ປະສົມໄວ້ແລ້ວ.
7 ຄົນທີ່ໄປຕັກເຕືອນຄົນທີ່ມັກເຍາະເຍີ້ຍຈະຖືກດູຖູກ+
ແລະຄົນທີ່ໄປສັ່ງສອນຄົນຊົ່ວກໍຈະຕ້ອງອັບອາຍ.
8 ຢ່າໄປຕັກເຕືອນຄົນທີ່ມັກເຍາະເຍີ້ຍ ຍ້ອນລາວຈະຊັງເຈົ້າ+
ແຕ່ໃຫ້ໄປຕັກເຕືອນຄົນສະຫຼາດ ຍ້ອນລາວຈະຮັກເຈົ້າ.+
9 ໃຫ້ເຈົ້າໃຫ້ຄວາມຮູ້ກັບຄົນສະຫຼາດແລະລາວຈະສະຫຼາດຂຶ້ນ.+
ໃຫ້ເຈົ້າສອນຄົນທີ່ເຮັດສິ່ງທີ່ຖືກຕ້ອງແລະລາວຈະມີຄວາມຮູ້ຫຼາຍຂຶ້ນ.
10 ການຢ້ານຢຳພະເຢໂຫວາເປັນຈຸດເລີ່ມຕົ້ນຂອງສະຕິປັນຍາ+
ແລະການຮູ້ຈັກພະເຈົ້າອົງບໍລິສຸດ+ຈະຊ່ວຍໃຫ້ເຈົ້າມີຄວາມເຂົ້າໃຈ.
11 ຍ້ອນຂ້ອຍຊ່ວຍເຈົ້າ ເຈົ້າຈະຢູ່ດີມີແຮງ+
ແລະຈະມີຊີວິດຍືນຍາວ.
12 ຖ້າເຈົ້າເປັນຄົນສະຫຼາດ ໂຕເຈົ້າເອງກໍຈະໄດ້ຮັບປະໂຫຍດ
ແຕ່ຖ້າເຈົ້າເປັນຄົນມັກເຍາະເຍີ້ຍກໍມີແຕ່ເຈົ້າຄົນດຽວທີ່ຕ້ອງຮັບຜົນ.
13 ຜູ້ຍິງໂງ່ມັກເວົ້າຫຼາຍໂພດ.+
ລາວບໍ່ຮູ້ຫຍັງຈັກຢ່າງເລີຍ.
14 ລາວນັ່ງຢູ່ທາງເຂົ້າເຮືອນຂອງໂຕເອງ
ແລະນັ່ງຢູ່ບ່ອນສູງໆຂອງເມືອງ.+
15 ລາວເວົ້າກັບຄົນທີ່ກາຍໄປກາຍມາ
ແລະຄົນທີ່ຍ່າງຕາມຫົນທາງວ່າ:
16 “ມາເດີ້ ໃຜທີ່ບໍ່ມີປະສົບການ ໃຫ້ມາພີ້ເດີ້.”
ລາວເວົ້າກັບຄົນທີ່ບໍ່ຮູ້ຈັກຄິດວ່າ:+