ໂຮເຊອາ
6 ໂຮເຊອາ*ເວົ້າວ່າ: “ໄປ໋ ໃຫ້ພວກເຮົາກັບໄປຫາພະເຢໂຫວາ.
ເຖິງວ່າເພິ່ນໄດ້ຈີກພວກເຮົາເປັນຕ່ອນໆ+ ແຕ່ເພິ່ນກໍຈະປົວພວກເຮົາ.
ເຖິງວ່າເພິ່ນໄດ້ຕີພວກເຮົາ ແຕ່ເພິ່ນກໍຈະພັນບາດໃຫ້ພວກເຮົາ.
2 ເພິ່ນຈະເຮັດໃຫ້ພວກເຮົາມີແຮງພາຍໃນສອງມື້.
ໃນມື້ທີສາມ ເພິ່ນຈະເຮັດໃຫ້ພວກເຮົາລຸກຂຶ້ນໄດ້
ແລະພວກເຮົາຈະມີຊີວິດຢູ່ຕໍ່ໜ້າເພິ່ນ.
3 ພວກເຮົາຈະຮູ້ຈັກພະເຢໂຫວາ. ພວກເຮົາຈະຕັ້ງໃຈຊອກຫາເພິ່ນ.
ເພິ່ນຈະມາຫາພວກເຮົາແນ່ນອນຄືກັບຕາເວັນທີ່ຂຶ້ນທຸກໆເຊົ້າ.
ເພິ່ນຈະມາຫາພວກເຮົາຄືກັບຝົນທີ່ຕົກແຮງໆ
ຄືກັບຝົນທ້າຍລະດູທີ່ເຮັດໃຫ້ດິນຊຸ່ມ.
4 ເອຟຣາຢິມເອີ້ຍ ເຮົາຕ້ອງເຮັດຫຍັງອີກເພື່ອຊ່ວຍພວກເຈົ້າ?
ຢູດາເອີ້ຍ ເຮົາຕ້ອງເຮັດຫຍັງຕື່ມເພື່ອຊ່ວຍພວກເຈົ້າ?
ຄວາມຮັກທີ່ໝັ້ນຄົງທີ່ພວກເຈົ້າມີຕໍ່ເຮົາເປັນຄືກັບນ້ຳໝອກໃນຕອນເຊົ້າ
ແລະເປັນຄືກັບນ້ຳຄ້າງທີ່ເຫີຍໄວໆ.
5 ຍ້ອນແນວນີ້ ເຮົາຈະຕັດພວກເຈົ້າເປັນຕ່ອນໆດ້ວຍຄຳຕັດສິນຂອງພວກຜູ້ພະຍາກອນ.+
ເຮົາຈະຂ້າພວກເຈົ້າດ້ວຍຄຳເວົ້າຈາກປາກຂອງເຮົາ+
ແລະການຕັດສິນນັ້ນຈະເປັນຄືກັບແສງທີ່ແຈ້ງໆ.+
6 ເຮົາຢາກໄດ້ຄວາມຮັກທີ່ໝັ້ນຄົງ* ບໍ່ແມ່ນຢາກໄດ້ເຄື່ອງບູຊາ.
ເຮົາຢາກໃຫ້ພວກເຈົ້າຮູ້ຈັກເຮົາທີ່ເປັນພະເຈົ້າ ບໍ່ແມ່ນຢາກໃຫ້ພວກເຈົ້າເອົາເຄື່ອງບູຊາເຜົາມາໃຫ້.+
7 ແຕ່ພວກເຈົ້າບໍ່ໄດ້ເຮັດຕາມສັນຍາຄືກັບທີ່ມະນຸດມັກເຮັດ.+
ຢູ່ຫັ້ນ ພວກເຈົ້າທໍລະຍົດເຮົາ.
9 ພວກປະໂລຫິດຂອງເຂົາເຈົ້າເປັນຄືກັບກຸ່ມໂຈນ.
ເຂົາເຈົ້າຂ້າຄົນຕາມຫົນທາງໄປເມືອງເຊເຄັມ.+
ເຂົາເຈົ້າເຮັດຊົ່ວແບບບໍ່ອາຍ.
10 ເຮົາໄດ້ເຫັນພວກອິດສະຣາເອນເຮັດສິ່ງທີ່ຊົ່ວຫຼາຍ.
11 ຢູດາເອີ້ຍ ເຮົາໄດ້ກຳນົດເວລາເກັບກ່ຽວສຳລັບເຈົ້າແລ້ວ
ຕອນທີ່ເຮົາລວບລວມປະຊາຊົນຂອງເຮົາທີ່ເປັນຊະເລີຍໃຫ້ກັບຄືນມາ.+