ພະນິມິດທີ່ເປີດເຜີຍໃຫ້ໂຢຮັນ
14 ຫຼັງຈາກນັ້ນ ຂ້ອຍເຫັນແກະນ້ອຍຂອງພະເຈົ້າ+ຢືນຢູ່ເທິງພູຊີໂອນ+ແລະມີຄົນ 144.000 ຄົນ+ຢູ່ນຳ. ເຂົາເຈົ້າມີຊື່ຂອງເພິ່ນແລະຊື່ຂອງພໍ່ເພິ່ນ+ຂຽນໄວ້ຢູ່ໜ້າຜາກ. 2 ແລ້ວຂ້ອຍກໍໄດ້ຍິນສຽງຈາກສະຫວັນຄືກັບສຽງນ້ຳໄຫຼແຮງໆແລະຄືກັບສຽງຟ້າຮ້ອງດັງສະໜັ່ນ. ສຽງເຫຼົ່ານັ້ນທີ່ຂ້ອຍໄດ້ຍິນເປັນຄືກັບສຽງກຸ່ມນັກຮ້ອງທີ່ຮ້ອງເພງປະສານກັບສຽງພິນທີ່ເຂົາເຈົ້າດີດຢູ່. 3 ເຂົາເຈົ້າກຳລັງຮ້ອງເພງທີ່ຟັງຄືວ່າເປັນເພງໃໝ່+ຕໍ່ໜ້າບັນລັງແລະຕໍ່ໜ້າສິ່ງທີ່ມີຊີວິດທັງສີ່+ກັບພວກຜູ້ປົກຄອງ.+ ບໍ່ມີຜູ້ໃດຮຽນຮ້ອງເພງນັ້ນໄດ້ນອກຈາກ 144.000 ຄົນ+ທີ່ພະເຈົ້າຊື້ໄວ້ຈາກໂລກ. 4 ເຂົາເຈົ້າຍັງເປັນຄົນບໍລິສຸດຢູ່+ຍ້ອນບໍ່ເຄີຍນອນນຳຜູ້ຍິງ. ເຂົາເຈົ້າເປັນຄົນທີ່ເຝົ້າຕິດຕາມແກະນ້ອຍຂອງພະເຈົ້າບໍ່ວ່າເພິ່ນຈະໄປໃສກໍຕາມ.+ ພະເຈົ້າຊື້ເຂົາເຈົ້າ+ຈາກທ່າມກາງມະນຸດເຊິ່ງເປັນຜົນລະປູກຊຸດທຳອິດ+ທີ່ເອົາໃຫ້ພະເຈົ້າແລະແກະນ້ອຍຂອງເພິ່ນ. 5 ເຂົາເຈົ້າບໍ່ເວົ້າຫຼອກລວງແລະບໍ່ມີຕຳໜິເລີຍ.+
6 ແລ້ວຂ້ອຍກໍເຫັນທູດສະຫວັນອີກອົງໜຶ່ງບິນຢູ່ເທິງຟ້າ. ລາວກຳລັງປະກາດຂ່າວດີທີ່ຈະຢູ່ຕະຫຼອດໄປໃຫ້ກັບທຸກຄົນທີ່ຢູ່ໃນໂລກ ໃນທຸກປະເທດ ທຸກຕະກູນ ທຸກພາສາ ແລະທຸກຊົນຊາດ.+ 7 ລາວປະກາດສຽງດັງວ່າ: “ໃຫ້ຢ້ານຢຳພະເຈົ້າແລະຍ້ອງຍໍສັນລະເສີນເພິ່ນ ຍ້ອນເວລາທີ່ເພິ່ນຈະຕັດສິນມາຮອດແລ້ວ.+ ດັ່ງນັ້ນ ໃຫ້ທຸກຄົນນະມັດສະການຜູ້ທີ່ສ້າງຟ້າ ໂລກ ທະເລ+ ແລະນ້ຳພຸຕ່າງໆ.”
8 ແລ້ວທູດສະຫວັນອົງທີ 2 ກໍນຳມາແລະເວົ້າວ່າ: “ເມືອງນີ້ຫຼົ້ມຈົມແລ້ວ! ບາບີໂລນໃຫຍ່+ຫຼົ້ມຈົມແລ້ວ!+ ເມືອງນີ້ເຮັດໃຫ້ປະເທດຕ່າງໆໃນໂລກກິນເຫຼົ້າແວງ ເຊິ່ງແມ່ນຄວາມຕ້ອງການທີ່ຈະເຮັດຜິດສິນລະທຳທາງເພດ*ຂອງເມືອງນີ້.”+
9 ແລ້ວທູດສະຫວັນອົງທີ 3 ກໍນຳມາແລະເວົ້າສຽງດັງວ່າ: “ຖ້າໃຜຂາບໄຫວ້ສັດຮ້າຍ+ແລະຮູບປັ້ນຂອງມັນ ແລະຮັບເຄື່ອງໝາຍຢູ່ໜ້າຜາກຫຼືຢູ່ມື+ 10 ລາວຈະຕ້ອງກິນເຫຼົ້າແວງຂອງພະເຈົ້າເຊິ່ງແມ່ນຄວາມໃຈຮ້າຍຂອງເພິ່ນ. ພະເຈົ້າເທເຫຼົ້າແວງທີ່ເຂັ້ມຂຸ້ນນີ້ລົງໃນຈອກທີ່ໃສ່ຄວາມໃຈຮ້າຍຂອງເພິ່ນ+ ແລະລາວຈະຖືກທໍລະມານດ້ວຍໄຟແລະມາດ+ຕໍ່ໜ້າພວກທູດສະຫວັນທີ່ບໍລິສຸດແລະຕໍ່ໜ້າແກະນ້ອຍຂອງພະເຈົ້າ. 11 ຄວັນໄຟຈາກການທໍລະມານ*ເຂົາເຈົ້າຈະລອຍຂຶ້ນຕະຫຼອດໄປ.+ ຄົນທີ່ຂາບໄຫວ້ສັດຮ້າຍກັບຮູບປັ້ນຂອງມັນ ລວມທັງທຸກຄົນທີ່ໄດ້ຮັບເຄື່ອງໝາຍທີ່ເປັນຊື່ຂອງມັນ+ຈະຖືກທໍລະມານທັງເວັນທັງຄືນບໍ່ຢຸດບໍ່ເຊົາ. 12 ຍ້ອນແນວນີ້ ພວກຜູ້ບໍລິສຸດ+ທີ່ເຮັດຕາມກົດໝາຍຂອງພະເຈົ້າແລະຍຶດໝັ້ນກັບຄວາມເຊື່ອ+ໃນ*ພະເຢຊູຈຶ່ງຕ້ອງອົດທົນ.”
13 ແລ້ວຂ້ອຍກໍໄດ້ຍິນສຽງຈາກສະຫວັນບອກວ່າ: “ໃຫ້ຂຽນວ່າ ຕໍ່ໄປນີ້ຄົນທີ່ຕາຍຕອນທີ່ຍັງເປັນລູກສິດຂອງຜູ້ເປັນນາຍ+ກໍມີຄວາມສຸກ. ພະລັງຂອງພະເຈົ້າເວົ້າວ່າ ໃຫ້ເຂົາເຈົ້າພັກຈາກວຽກໜັກຂອງໂຕເອງ. ຈະບໍ່ມີຜູ້ໃດລືມເຂົາເຈົ້າຍ້ອນສິ່ງທີ່ເຂົາເຈົ້າເຮັດ.”
14 ຈາກນັ້ນ ຂ້ອຍກໍເຫັນຂີ້ເຝື້ອສີຂາວ ແລະມີຜູ້ໜຶ່ງຄືກັບລູກມະນຸດ+ນັ່ງຢູ່ເທິງຂີ້ເຝື້ອນັ້ນ. ເທິງຫົວຂອງເພິ່ນມີມົງກຸດຄຳ ແລະໃນມືຂອງເພິ່ນມີກ່ຽວດວງໜຶ່ງທີ່ຄົມຫຼາຍ.
15 ແລ້ວທູດສະຫວັນອີກອົງໜຶ່ງກໍອອກມາຈາກບ່ອນບໍລິສຸດ*ຂອງວິຫານຂອງພະເຈົ້າ ແລະຮ້ອງດັງໆບອກຜູ້ທີ່ນັ່ງເທິງຂີ້ເຝື້ອນັ້ນວ່າ: “ໃຊ້ກ່ຽວຂອງທ່ານກ່ຽວໂລດ ຍ້ອນເວລາກ່ຽວມາຮອດແລ້ວ ແລະຜົນລະປູກທີ່ຈະເກັບກ່ຽວຈາກໂລກກໍສຸກຄັກແລ້ວ.”+ 16 ຜູ້ທີ່ນັ່ງເທິງຂີ້ເຝື້ອນັ້ນຈຶ່ງເດ່ກ່ຽວຂອງເພິ່ນມາທາງໂລກ ແລະຜົນລະປູກທີ່ຢູ່ໃນໂລກກໍຖືກກ່ຽວ.
17 ແລ້ວທູດສະຫວັນອີກອົງໜຶ່ງໄດ້ອອກມາຈາກບ່ອນບໍລິສຸດຂອງວິຫານໃນສະຫວັນ. ລາວກໍມີກ່ຽວດວງໜຶ່ງທີ່ຄົມຫຼາຍຄືກັນ.
18 ຈາກນັ້ນ ທູດສະຫວັນອີກອົງໜຶ່ງກໍອອກມາຈາກແທ່ນບູຊາ. ລາວມີອຳນາດເໜືອໄຟ. ລາວຮ້ອງດັງໆບອກຜູ້ທີ່ມີກ່ຽວຄົມໆວ່າ: “ໃຊ້ກ່ຽວທີ່ຄົມໆນັ້ນກ່ຽວເອົາພວງໝາກລະແຊັງຢູ່ຕົ້ນໝາກລະແຊັງຂອງໂລກໂລດ ຍ້ອນໝາກລະແຊັງຢູ່ຫັ້ນສຸກແລ້ວ.”+ 19 ທູດສະຫວັນອົງນັ້ນຈຶ່ງເດ່ກ່ຽວມາທາງໂລກແລ້ວກ່ຽວເອົາຕົ້ນໝາກລະແຊັງຂອງໂລກ ແລະໂຍນລົງໄປໃນອ່າງຢຽບໝາກລະແຊັງທີ່ໃຫຍ່ໆເຊິ່ງໝາຍເຖິງຄວາມໃຈຮ້າຍຂອງພະເຈົ້າ.+ 20 ແລ້ວໝາກລະແຊັງກໍຖືກຢຽບຢູ່ນອກເມືອງ. ເລືອດທີ່ໄຫຼອອກຈາກອ່າງຢຽບໝາກລະແຊັງນັ້ນສູງຮອດປາກມ້າແລະໄຫຼໄປໄກຮອດ 1.600 ຊະທາດິອອນ.*