ເພງສັນລະເສີນ
116 ຂ້ອຍຮັກພະເຢໂຫວາ
ຍ້ອນເພິ່ນຟັງ*ສຽງຂອງຂ້ອຍ ຍ້ອນເພິ່ນຟັງສຽງຮ້ອງຂໍຄວາມຊ່ວຍເຫຼືອຂອງຂ້ອຍ.+
ຄວາມທຸກແລະຄວາມໂສກເສົ້າໄດ້ຊະນະຂ້ອຍແລ້ວ.+
4 ແຕ່ຂ້ອຍໄດ້ຮ້ອງອອກຊື່ຂອງພະເຢໂຫວາແລະເວົ້າວ່າ:+
“ພະເຢໂຫວາເອີ້ຍ ຊ່ວຍລູກແດ່!”
6 ພະເຢໂຫວາປົກປ້ອງຄົນທີ່ບໍ່ມີປະສົບການ.+
ຂ້ອຍຖືກເຮັດໃຫ້ຕ່ຳລົງ ແຕ່ເພິ່ນໄດ້ຊ່ວຍຂ້ອຍໄວ້.
7 ຂໍໃຫ້ຂ້ອຍໄດ້ພັກຜ່ອນອີກເທື່ອໜຶ່ງ
ຍ້ອນພະເຢໂຫວາໃຈດີກັບຂ້ອຍຫຼາຍ.
8 ພະອົງຊ່ວຍລູກຈາກຄວາມຕາຍ
ຊ່ວຍລູກບໍ່ໃຫ້ຮ້ອງໄຫ້ແລະຊ່ວຍລູກບໍ່ໃຫ້ສະດຸດລົ້ມ.+
9 ລູກຈະໃຊ້ຊີວິດເພື່ອຮັບໃຊ້ພະເຢໂຫວາ.*
10 ຍ້ອນລູກມີຄວາມເຊື່ອ ລູກຈຶ່ງເວົ້າສິ່ງທີ່ລູກຄິດອອກມາ.+
ລູກເຈັບປວດໃຈຫຼາຍ.
11 ລູກອຸກໃຈຫຼາຍແລະເວົ້າວ່າ:
“ທຸກຄົນເປັນຄົນຂີ້ຕົວະ.”+
12 ຂ້ອຍຈະຕອບແທນພະເຢໂຫວາແນວໃດ
ສຳລັບສິ່ງດີໆທຸກຢ່າງທີ່ເພິ່ນເຮັດເພື່ອຂ້ອຍ?
13 ຂ້ອຍຈະດື່ມຈາກຈອກ*ເພື່ອຂອບໃຈເພິ່ນທີ່ຊ່ວຍຂ້ອຍໃຫ້ລອດ
ແລະຂ້ອຍຈະຮ້ອງອອກຊື່ຂອງພະເຢໂຫວາ.
14 ຂ້ອຍຈະເຮັດຕາມທີ່ໄດ້ສັນຍາກັບພະເຢໂຫວາ
ຕໍ່ໜ້າປະຊາຊົນທັງໝົດຂອງເພິ່ນ.+
16 ພະເຢໂຫວາເອີ້ຍ ລູກຂໍຮ້ອງພະອົງ
ຍ້ອນລູກເປັນຜູ້ຮັບໃຊ້ຂອງພະອົງ.
ລູກເປັນຜູ້ຮັບໃຊ້ຂອງພະອົງ ເປັນລູກຊາຍຂອງທາດຍິງຂອງພະອົງ.
ພະອົງໄດ້ປ່ອຍລູກໃຫ້ເປັນອິດສະຫຼະຈາກສິ່ງທີ່ມັດລູກໄວ້.+
17 ລູກຈະເອົາເຄື່ອງບູຊາສະແດງຄວາມຂອບໃຈມາໃຫ້ພະອົງ.+
ລູກຈະຮ້ອງອອກຊື່ຂອງພະເຢໂຫວາ.