ສຸພາສິດ
14 ຜູ້ຍິງທີ່ສະຫຼາດແທ້ຈະເສີມສ້າງຄອບຄົວ+
ແຕ່ຜູ້ຍິງໂງ່ຈະທຳລາຍຄອບຄົວດ້ວຍມືຂອງໂຕເອງ.
2 ຄົນທີ່ເຮັດສິ່ງທີ່ຖືກຕ້ອງຢ້ານຢຳພະເຢໂຫວາ
ແຕ່ຄົນທີ່ບໍ່ນັບຖືພະເຈົ້າກໍຊັງເພິ່ນ.
3 ຄຳເວົ້າຈອງຫອງຂອງຄົນໂງ່ເປັນຄືກັບໄມ້ແສ້ຟາດ
ແຕ່ຄຳເວົ້າຂອງຄົນສະຫຼາດຈະປົກປ້ອງເຂົາເຈົ້າ.
4 ຖ້າບໍ່ມີຝູງສັດ ຮາງຫຍ້າກໍສະອາດ
ແຕ່ຖ້າມີງົວທີ່ແຂງແຮງກໍເກັບກ່ຽວຜົນລະປູກໄດ້ຫຼາຍ.
5 ພະຍານທີ່ສັດຊື່ຈະບໍ່ເວົ້າຕົວະ
ແຕ່ພະຍານຕົວະຈະບໍ່ເວົ້າຄວາມຈິງຈັກຢ່າງເລີຍ.+
7 ໃຫ້ຢູ່ຫ່າງໆຈາກຄົນໂງ່
ຍ້ອນວ່າຖ້າເຈົ້າຟັງລາວ ເຈົ້າຈະບໍ່ໄດ້ຄວາມຮູ້ຫຍັງເລີຍ.+
8 ຄົນຮອບຄອບໃຊ້ສະຕິປັນຍາແລະເຂົ້າໃຈທາງທີ່ລາວຈະໄປ
10 ມະນຸດເຂົ້າໃຈຄວາມທຸກໃນໃຈຂອງໂຕເອງ
ແລະບໍ່ມີໃຜເຂົ້າໃຈຄວາມສຸກຂອງລາວໄດ້.
13 ຄົນທີ່ກຳລັງຫົວຢູ່ອາດຈະກຳລັງເຈັບປວດໃຈ
ແລະຄວາມຍິນດີອາດຈະຈົບລົງດ້ວຍຄວາມເສົ້າ.
14 ຄົນທີ່ບໍ່ເຮັດຕາມທີ່ພະເຈົ້າບອກຈະຕ້ອງເກັບກ່ຽວຜົນຈາກການກະທຳຂອງໂຕເອງ+
ແຕ່ຄົນດີຈະໄດ້ຮັບລາງວັນຈາກສິ່ງທີ່ລາວເຮັດ.+
16 ຄົນສະຫຼາດລະມັດລະວັງແລະບໍ່ເຮັດຊົ່ວ
ແຕ່ຄົນໂງ່ບໍ່ຄິດຄັກໆ*ແລະມີຄວາມໝັ້ນໃຈຫຼາຍໂພດ.
17 ຄົນທີ່ໃຈຮ້າຍງ່າຍກໍເຮັດຄືກັບຄົນໂງ່+
ແຕ່ຄົນທີ່ຄິດເລື່ອງຕ່າງໆຢ່າງລະອຽດ*ກໍຖືກກຽດຊັງ.
18 ຄົນທີ່ຂາດປະສົບການຈະໄດ້ຄວາມໂງ່ເປັນມໍລະດົກ
ແຕ່ຄົນຮອບຄອບຈະໄດ້ຄວາມຮູ້ເປັນມົງກຸດ.+
19 ຄົນຊົ່ວຈະຕ້ອງໝູບໜ້າລົງຕໍ່ໜ້າຄົນດີ.
ຄົນບໍ່ດີຈະຕ້ອງໝູບໜ້າລົງຕໍ່ໜ້າຄົນທີ່ເຮັດສິ່ງທີ່ຖືກຕ້ອງ.
21 ຄົນທີ່ຊັງເພື່ອນບ້ານກໍເຮັດຜິດ
ແຕ່ຄົນທີ່ອີ່ຕົນຄົນຕ່ຳຕ້ອຍກໍມີຄວາມສຸກ.+
22 ຄົນທີ່ວາງແຜນຮ້າຍຈະເຈີດອອກຈາກທາງບໍ່ແມ່ນບໍ?
ແຕ່ຄົນທີ່ຕັ້ງໃຈເຮັດດີຈະໄດ້ຮັບຄວາມຮັກທີ່ໝັ້ນຄົງແລະຄວາມໄວ້ໃຈ.+
23 ການເຮັດວຽກໜັກທຸກຢ່າງມີປະໂຫຍດ
ແຕ່ຄົນທີ່ມີແຕ່ເວົ້າແລະບໍ່ເຮັດຈະທຸກຍາກ.+
24 ຊັບສົມບັດຂອງຄົນສະຫຼາດເປັນມົງກຸດຂອງເຂົາເຈົ້າ
ແຕ່ຄົນໂງ່ກໍຈະໂງ່ຕໍ່ໄປຄືເກົ່າ.+
25 ພະຍານທີ່ສັດຊື່ຊ່ວຍຊີວິດຄົນໄດ້
ແຕ່ພະຍານຕົວະບໍ່ເວົ້າຄວາມຈິງເລີຍ.
27 ການຢ້ານຢຳພະເຢໂຫວາເປັນຄືກັບນ້ຳພຸທີ່ໃຫ້ຊີວິດ
ແລະມັນຊ່ວຍຄົນໃຫ້ລອດຈາກຄວາມຕາຍ*ໄດ້.
28 ກະສັດທີ່ມີປະຊາຊົນຫຼາຍກໍຈະໄດ້ຮັບກຽດຫຼາຍ+
ແຕ່ຜູ້ປົກຄອງທີ່ບໍ່ມີປະຊາຊົນກໍຈະໝົດອຳນາດ.
29 ຄົນທີ່ບໍ່ໃຈຮ້າຍງ່າຍກໍມີຄວາມເຂົ້າໃຈຫຼາຍ+
ແຕ່ຄົນທີ່ບໍ່ມີຄວາມອົດທົນກໍເຮັດໃຫ້ເຫັນວ່າໂຕເອງເປັນຄົນໂງ່.+
30 ໃຈທີ່ສະຫງົບເຮັດໃຫ້ສຸຂະພາບດີ
ແຕ່ຄວາມອິດສາເຮັດໃຫ້ກະດູກເນົ່າເປື່ອຍ.+
31 ຄົນທີ່ເອົາປຽບຄົນຕ່ຳຕ້ອຍກໍດູຖູກຜູ້ທີ່ສ້າງລາວ+
ແຕ່ຄົນທີ່ອີ່ຕົນຄົນທຸກກໍໃຫ້ກຽດເພິ່ນ.+
32 ຄົນຊົ່ວຈະຖືກທຳລາຍຍ້ອນຄວາມຊົ່ວຂອງລາວ
ແຕ່ຄົນທີ່ເຮັດສິ່ງທີ່ຖືກຕ້ອງຈະໄດ້ຮັບການປົກປ້ອງຍ້ອນຄວາມສັດຊື່ຂອງລາວ.+
33 ຄົນທີ່ມີຄວາມເຂົ້າໃຈຈະບໍ່ເວົ້າຫຍັງກ່ຽວກັບສະຕິປັນຍາຂອງໂຕເອງ+
ແຕ່ຄົນໂງ່ມັກຈະເວົ້າອວດວ່າໂຕເອງຮູ້ຫຍັງແດ່.
34 ຄົນທີ່ເຮັດສິ່ງທີ່ຖືກຕ້ອງເຮັດໃຫ້ປະເທດຊາດໄດ້ຮັບກຽດ+
ແຕ່ຄົນທີ່ເຮັດຜິດເຮັດໃຫ້ປະເທດຊາດອັບອາຍຂາຍໜ້າ.