ເພງສັນລະເສີນ
א [ອາເລບ]*
3 ເຂົາເຈົ້າບໍ່ໄດ້ເຮັດສິ່ງທີ່ບໍ່ຖືກຕ້ອງ.
ເຂົາເຈົ້າໃຊ້ຊີວິດໃນແນວທາງຂອງເພິ່ນ.+
4 ພະອົງໄດ້ສັ່ງວ່າ
ໃຫ້ເຮັດຕາມຄຳສັ່ງຂອງພະອົງຢ່າງເຄັ່ງຄັດ.+
5 ລູກຫວັງວ່າລູກຈະໝັ້ນຄົງ+
ແລະເຮັດຕາມຂໍ້ກຳນົດຂອງພະອົງໄດ້ສະເໝີ
6 ລູກຈະໄດ້ບໍ່ຕ້ອງອາຍ+
ເມື່ອລູກຄິດຕຶກຕອງກ່ຽວກັບກົດໝາຍທັງໝົດຂອງພະອົງ.
7 ລູກຈະສັນລະເສີນພະອົງດ້ວຍໃຈສັດຊື່
ຍ້ອນລູກໄດ້ຮຽນກ່ຽວກັບການຕັດສິນທີ່ຍຸຕິທຳຂອງພະອົງ.
8 ລູກຈະເຮັດຕາມຂໍ້ກຳນົດຂອງພະອົງ.
ຂໍພະອົງຢ່າປະຢ່າຖິ້ມລູກເດີ້.
ב [ເບດ]
9 ຄົນໜຸ່ມຈະຕ້ອງເຮັດແນວໃດຖ້າລາວຢາກເຮັດສິ່ງທີ່ຖືກຕ້ອງສະເໝີ?*
ລາວຕ້ອງກວດເບິ່ງໂຕເອງຢູ່ສະເໝີຕາມຄຳສອນຂອງພະອົງ.+
10 ລູກຊອກຫາພະອົງສຸດຫົວໃຈ.
ຂໍຢ່າໃຫ້ລູກເຈີດອອກຈາກກົດໝາຍຂອງພະອົງ.+
12 ພະເຢໂຫວາເອີ້ຍ ຂໍໃຫ້ພະອົງໄດ້ຮັບຄຳສັນລະເສີນ.
ຂໍພະອົງສອນລູກໃຫ້ຮູ້ຂໍ້ກຳນົດຂອງພະອົງ.
13 ລູກໄດ້ປະກາດ
ຄຳຕັດສິນທັງໝົດຂອງພະອົງ.
16 ລູກມັກກົດໝາຍຂອງພະອົງ.
ລູກຈະບໍ່ລືມຄຳເວົ້າຂອງພະອົງ.+
ג [ກີເມວ]
17 ຂໍພະອົງເມດຕາຜູ້ຮັບໃຊ້ຂອງພະອົງ
ເພື່ອລູກຈະມີຊີວິດຢູ່ແລະເຮັດຕາມຄຳສອນຂອງພະອົງ.+
18 ຂໍພະອົງເປີດຕາຂອງລູກ
ເພື່ອລູກຈະໄດ້ເຫັນສິ່ງດີຕ່າງໆໃນກົດໝາຍຂອງພະອົງຢ່າງຈະແຈ້ງ.
19 ລູກເປັນພຽງແຕ່ຄົນຕ່າງຊາດໃນແຜ່ນດິນ.+
ຂໍພະອົງຢ່າເຊື່ອງຄຳສັ່ງຂອງພະອົງໄວ້ຈາກລູກ.
20 ລູກຢາກຮູ້ການຕັດສິນຂອງພະອົງຫຼາຍແທ້ໆ.
ລູກຢາກຮູ້ຕະຫຼອດເວລາ.
21 ພະອົງຕຳໜິຄົນທີ່ເຮັດເກີນສິດ
ແລະຕຳໜິຄົນທີ່ຖືກສາບແຊ່ງທີ່ເຈີດອອກຈາກກົດໝາຍຂອງພະອົງ.+
22 ຂໍພະອົງເຮັດໃຫ້ຄົນເຫຼົ່ານັ້ນເຊົາດູຖູກແລະເຊົາເຍາະເຍີ້ຍລູກ
ຍ້ອນລູກເຮັດຕາມຂໍ້ເຕືອນໃຈຂອງພະອົງ.
23 ແມ່ນແຕ່ຕອນທີ່ພວກເຈົ້ານາຍນັ່ງຢູ່ນຳກັນແລະເວົ້າໃຫ້ລູກ
ລູກກໍຍັງຄິດຕຶກຕອງກ່ຽວກັບຂໍ້ກຳນົດຂອງພະອົງ.
ד [ດາເລດ]
25 ລູກນອນໝູບໜ້າລົງຢູ່ຂີ້ດິນ.+
ຂໍພະອົງປົກປ້ອງຊີວິດລູກຕາມທີ່ພະອົງໄດ້ເວົ້າໄວ້.+
26 ລູກໄດ້ບອກພະອົງວ່າລູກເຄີຍເຮັດຫຍັງແດ່ແລະພະອົງກໍບອກວ່າລູກຄວນເຮັດແນວໃດ.
ຂໍພະອົງສອນລູກໃຫ້ຮູ້ຂໍ້ກຳນົດຂອງພະອົງ.+
27 ຂໍພະອົງຊ່ວຍລູກໃຫ້ເຂົ້າໃຈຄວາມໝາຍ*ຂອງຄຳສັ່ງຂອງພະອົງ
ເພື່ອລູກຈະໄດ້ຄິດຕຶກຕອງກ່ຽວກັບສິ່ງດີຕ່າງໆທີ່ພະອົງໄດ້ເຮັດ.+
28 ລູກເສົ້າໃຈຫຼາຍຈົນບໍ່ໄດ້ຫຼັບບໍ່ໄດ້ນອນ.
ຂໍພະອົງໃຫ້ກຳລັງກັບລູກຕາມທີ່ພະອົງໄດ້ເວົ້າໄວ້.
29 ຂໍພະອົງຊ່ວຍລູກເພື່ອລູກຈະບໍ່ເປັນຄົນຫຼອກລວງ+
ແລະຂໍພະອົງສອນລູກໃຫ້ຮູ້ກົດໝາຍຂອງພະອົງ.
30 ລູກເລືອກທີ່ຈະສັດຊື່ຕໍ່ພະອົງ.+
ລູກຮູ້ດີວ່າການຕັດສິນຂອງພະອົງຖືກຕ້ອງ.
31 ລູກຍຶດໝັ້ນກັບຂໍ້ເຕືອນໃຈຂອງພະອົງ.+
ພະເຢໂຫວາເອີ້ຍ ຂໍພະອົງຢ່າໃຫ້ລູກຜິດຫວັງ.*+
32 ລູກຈະເຮັດຕາມກົດໝາຍຂອງພະອົງຢ່າງກະຕືລືລົ້ນ
ຍ້ອນພະອົງຊ່ວຍລູກໃຫ້ເຂົ້າໃຈກົດໝາຍຂອງພະອົງ.*
ה [ເຮ]
33 ພະເຢໂຫວາເອີ້ຍ ຂໍພະອົງສອນລູກ+ໃຫ້ຮູ້ວິທີໃຊ້ຊີວິດຕາມຂໍ້ກຳນົດຂອງພະອົງ
ແລະລູກຈະເຮັດຕາມຂໍ້ກຳນົດຂອງພະອົງຕະຫຼອດຊີວິດ.+
34 ຂໍພະອົງຊ່ວຍລູກໃຫ້ເຂົ້າໃຈ
ເພື່ອລູກຈະໄດ້ເຊື່ອຟັງກົດໝາຍຂອງພະອົງ
ແລະເຮັດຕາມສຸດຫົວໃຈ.
35 ຂໍພະອົງຊ່ວຍລູກໃຫ້ເຮັດຕາມຄຳສັ່ງຂອງພະອົງ+
ຍ້ອນລູກມັກຄຳສັ່ງເຫຼົ່ານັ້ນ.
36 ຂໍພະອົງຊ່ວຍລູກໃຫ້ຢາກເຮັດຕາມຂໍ້ເຕືອນໃຈຂອງພະອົງ
ແລະຊ່ວຍລູກບໍ່ໃຫ້ເຮັດຕາມຄວາມຕ້ອງການທີ່ເຫັນແກ່ໂຕ.+
37 ຂໍພະອົງຊ່ວຍລູກໃຫ້ປິ່ນໜ້າໜີຈາກສິ່ງທີ່ບໍ່ມີຄ່າ.+
ຂໍພະອົງຊ່ວຍລູກໃຫ້ໃຊ້ຊີວິດຕາມແນວທາງຂອງພະອົງເພື່ອລູກຈະມີຊີວິດຢູ່ຕໍ່ໄປ.
38 ຂໍພະອົງເຮັດຕາມທີ່ໄດ້ສັນຍາ*ໄວ້ກັບຜູ້ຮັບໃຊ້ຂອງພະອົງ
ເພື່ອຄົນອື່ນໆຈະໄດ້ຢ້ານຢຳພະອົງ.*
39 ຂໍພະອົງເອົາຄວາມອັບອາຍທີ່ລູກຢ້ານອອກໄປ
ຍ້ອນການຕັດສິນຂອງພະອົງດີແທ້ໆ.+
40 ລູກຕ້ອງການເຮັດຕາມຄຳສັ່ງຂອງພະອົງຫຼາຍແທ້ໆ
ຂໍພະອົງປົກປ້ອງຊີວິດຂອງລູກຍ້ອນພະອົງຍຸຕິທຳ.
ו [ວາວ]
41 ພະເຢໂຫວາເອີ້ຍ ຂໍໃຫ້ລູກໄດ້ຮັບຄວາມຮັກທີ່ໝັ້ນຄົງຈາກພະອົງ+
ແລະຂໍພະອົງຊ່ວຍລູກໃຫ້ລອດຕາມທີ່ພະອົງໄດ້ສັນຍາໄວ້.+
42 ແລ້ວລູກຈະຕອບຄົນທີ່ເຍາະເຍີ້ຍລູກ
ຍ້ອນລູກໄວ້ໃຈຄຳສອນຂອງພະອົງ.
43 ຂໍພະອົງຊ່ວຍລູກໃຫ້ເວົ້າຄວາມຈິງຕໍ່ໆໄປ
ຍ້ອນລູກລໍຖ້າການຕັດສິນ*ຂອງພະອົງ.
44 ລູກຈະເຮັດຕາມກົດໝາຍຂອງພະອົງສະເໝີ.
ລູກຈະເຮັດຕາມຕະຫຼອດໄປ.+
45 ບໍ່ວ່າລູກຈະໄປໃສ ລູກກໍຈະຮູ້ສຶກປອດໄພ+
ຍ້ອນລູກຊອກຫາຄຳສັ່ງຂອງພະອົງ.
46 ລູກຈະເວົ້າກ່ຽວກັບຂໍ້ເຕືອນໃຈຂອງພະອົງຕໍ່ໜ້າພວກກະສັດ
ແລະລູກຈະບໍ່ອາຍ.+
47 ລູກມັກກົດໝາຍຂອງພະອົງ.
ລູກມັກຫຼາຍແທ້ໆ.+
48 ລູກຈະຍົກມືຂຶ້ນອະທິດຖານຍ້ອນລູກຮັກກົດໝາຍຂອງພະອົງ.+
ລູກຈະຄິດຕຶກຕອງກ່ຽວກັບຂໍ້ກຳນົດຂອງພະອົງ.+
ז [ຊາຢິນ]
49 ຂໍພະອົງຢ່າລືມຄຳສັນຍາທີ່ເວົ້າໄວ້ກັບຜູ້ຮັບໃຊ້ຂອງພະອົງ
ເຊິ່ງເປັນຄຳເວົ້າທີ່ເຮັດໃຫ້ລູກມີຄວາມຫວັງ.*
50 ຄຳເວົ້າຂອງພະອົງເຮັດໃຫ້ລູກມີກຳລັງໃຈ+
ແລະຊ່ວຍໃຫ້ລູກມີຊີວິດຢູ່ຕໍ່ໄປ.
51 ຄົນທີ່ເຮັດເກີນສິດດູຖູກລູກເອົາແທ້ເອົາວ່າ
ແຕ່ລູກກໍບໍ່ໄດ້ເຈີດອອກຈາກກົດໝາຍຂອງພະອົງ.+
52 ພະເຢໂຫວາເອີ້ຍ ລູກຈື່ຄຳຕັດສິນຂອງພະອົງທີ່ມີດົນນານມາແລ້ວ+
ແລະລູກກໍໄດ້ຮັບກຳລັງໃຈຫຼາຍ.+
53 ລູກໃຈຮ້າຍແຮງຍ້ອນຄົນຊົ່ວ
ທີ່ປະຖິ້ມກົດໝາຍຂອງພະອົງ.+
54 ບໍ່ວ່າລູກຈະຢູ່ໃສ*
ຂໍ້ກຳນົດຂອງພະອົງກໍເປັນຄືກັບເພງສຳລັບລູກ.
55 ພະເຢໂຫວາເອີ້ຍ ໃນຕອນກາງຄືນລູກຄິດເຖິງຊື່ຂອງພະອົງ+
ເພື່ອລູກຈະເຮັດຕາມກົດໝາຍຂອງພະອົງສະເໝີ.
56 ລູກເຮັດແບບນີ້ມາຕະຫຼອດ
ຍ້ອນລູກເຊື່ອຟັງຄຳສັ່ງຂອງພະອົງ.
ח [ເຮດ]
57 ພະເຢໂຫວາເປັນຜູ້ຈັດກຽມທຸກສິ່ງທີ່ລູກໄດ້ຮັບ.*+
ລູກສັນຍາແລ້ວວ່າລູກຈະເຮັດຕາມຄຳສອນຂອງພະອົງ.+
59 ລູກໄດ້ກວດເບິ່ງການໃຊ້ຊີວິດຂອງລູກ
ເພື່ອລູກຈະຍ່າງກັບມາເຮັດຕາມຂໍ້ເຕືອນໃຈຂອງພະອົງ.+
60 ເພື່ອຈະເຮັດຕາມກົດໝາຍຂອງພະອົງ
ລູກຟ້າວເຮັດແລະບໍ່ໄດ້ຊັກຊ້າເລີຍ.+
61 ຄົນຊົ່ວວາງກັບດັກເພື່ອຈັບລູກ
ແຕ່ລູກບໍ່ໄດ້ລືມກົດໝາຍຂອງພະອົງ.+
62 ຕອນທ່ຽງຄືນ ລູກຕື່ນຂຶ້ນມາເພື່ອຂອບໃຈພະອົງ+
ຍ້ອນພະອົງຕັດສິນຢ່າງຖືກຕ້ອງ.
64 ພະເຢໂຫວາເອີ້ຍ ຄວາມຮັກທີ່ໝັ້ນຄົງຂອງພະອົງມີຢູ່ທົ່ວໂລກ.+
ຂໍພະອົງສອນລູກໃຫ້ຮູ້ຂໍ້ກຳນົດຂອງພະອົງ.
ט [ເທດ]
65 ພະເຢໂຫວາເອີ້ຍ ພະອົງເຮັດດີກັບຜູ້ຮັບໃຊ້ຂອງພະອົງ
ຕາມທີ່ພະອົງໄດ້ສັນຍາໄວ້.
66 ຂໍພະອົງສອນລູກໃຫ້ມີຄວາມຮູ້ແລະຕັດສິນໃຈໄດ້ດີ+
ຍ້ອນລູກໄວ້ໃຈໃນກົດໝາຍຂອງພະອົງ.
67 ກ່ອນທີ່ລູກຈະທຸກລຳບາກ ລູກເຄີຍເຮັດຜິດໂດຍບໍ່ໄດ້ຕັ້ງໃຈ*
ແຕ່ຕອນນີ້ລູກເຮັດຕາມຄຳສອນຂອງພະອົງ.+
68 ພະອົງດີແທ້ໆ+ແລະສິ່ງທີ່ພະອົງເຮັດກໍດີອີ່ຫຼີ.
ຂໍພະອົງສອນລູກໃຫ້ຮູ້ຂໍ້ກຳນົດຂອງພະອົງ.+
69 ຄົນທີ່ເຮັດເກີນສິດເວົ້າຕົວະແລະໃສ່ຮ້າຍລູກ
ແຕ່ລູກເຮັດຕາມຄຳສັ່ງຂອງພະອົງສຸດຫົວໃຈ.
71 ມັນກໍດີຄືກັນທີ່ລູກເຈັບປວດ+
ເພື່ອລູກຈະໄດ້ຮຽນຮູ້ຂໍ້ກຳນົດຂອງພະອົງ.
י [ໂຢດ]
73 ມືຂອງພະອົງສ້າງລູກຂຶ້ນມາ.
ຂໍພະອົງຊ່ວຍລູກໃຫ້ມີຄວາມເຂົ້າໃຈ
ເພື່ອລູກຈະໄດ້ຮຽນຮູ້ກົດໝາຍຂອງພະອົງ.+
74 ເມື່ອຄົນທີ່ຢ້ານຢຳພະອົງເຫັນລູກ ເຂົາເຈົ້າກໍດີໃຈ
75 ພະເຢໂຫວາເອີ້ຍ ລູກຮູ້ວ່າການຕັດສິນຂອງພະອົງຍຸຕິທຳ.+
ຍ້ອນພະອົງສັດຊື່ ພະອົງຈຶ່ງສັ່ງສອນລູກ.+
76 ຂໍໃຫ້ຄວາມຮັກທີ່ໝັ້ນຄົງຂອງພະອົງ+ເຮັດໃຫ້ລູກມີກຳລັງໃຈ
ຕາມທີ່ພະອົງໄດ້ສັນຍາໄວ້ກັບຜູ້ຮັບໃຊ້ຂອງພະອົງ.
78 ຂໍໃຫ້ຄົນເຮັດທີ່ເກີນສິດຕ້ອງອັບອາຍຂາຍໜ້າ
ຍ້ອນເຂົາເຈົ້າເຮັດຜິດຕໍ່ລູກໂດຍບໍ່ມີເຫດຜົນ.*
ແຕ່ລູກຈະຄິດຕຶກຕອງກ່ຽວກັບຄຳສັ່ງຂອງພະອົງ.+
79 ຂໍໃຫ້ຄົນທີ່ຢ້ານຢຳພະອົງ
ແລະຄົນທີ່ຮູ້ຂໍ້ເຕືອນໃຈຂອງພະອົງກັບມາຫາລູກ.
כ [ຄາບ]
81 ລູກຢາກໃຫ້ພະອົງຊ່ວຍລູກໃຫ້ລອດ.+
ຄຳສອນຂອງພະອົງເຮັດໃຫ້ລູກມີຄວາມຫວັງ.
83 ລູກເປັນຄືກັບຖົງໜັງທີ່ຖືກແຂວນໄວ້ແລະຖືກຄວັນອູດ
ແຕ່ລູກບໍ່ລືມຂໍ້ກຳນົດຂອງພະອົງ.+
84 ຜູ້ຮັບໃຊ້ຂອງພະອົງຈະຕ້ອງລໍຖ້າອີກດົນປານໃດ?
ເມື່ອໃດພະອົງຈະຕັດສິນລົງໂທດຄົນທີ່ຂົ່ມເຫງລູກ?+
85 ຄົນທີ່ເຮັດເກີນສິດ
ແລະຄົນທີ່ຕໍ່ຕ້ານກົດໝາຍຂອງພະອົງຂຸດຂຸມລໍຖ້າລູກ.
86 ກົດໝາຍທັງໝົດຂອງພະອົງໄວ້ໃຈໄດ້.
ມີຄົນຂົ່ມເຫງລູກໂດຍບໍ່ມີເຫດຜົນ ຂໍພະອົງຊ່ວຍລູກແດ່.+
87 ເຂົາເຈົ້າເກືອບກຳຈັດລູກອອກໄປຈາກໂລກນີ້ແລ້ວ
ແຕ່ລູກບໍ່ໄດ້ປະຖິ້ມຄຳສັ່ງຂອງພະອົງ.
88 ຂໍພະອົງຊ່ວຍລູກໃຫ້ມີຊີວິດຢູ່ຕໍ່ໄປຍ້ອນພະອົງມີຄວາມຮັກທີ່ໝັ້ນຄົງ
ເພື່ອລູກຈະໄດ້ເຮັດຕາມຂໍ້ເຕືອນໃຈທີ່ພະອົງໄດ້ເວົ້າໄວ້.
ל [ລາເມດ]
89 ພະເຢໂຫວາເອີ້ຍ ຄຳເວົ້າຂອງພະອົງບໍ່ເຄີຍປ່ຽນ.
ມັນຈະໝັ້ນຄົງຢູ່ຕະຫຼອດຄືກັບສະຫວັນ.+
90 ພະອົງສັດຊື່ຕະຫຼອດທຸກຍຸກທຸກສະໄໝ.+
ພະອົງສ້າງໂລກຢ່າງໝັ້ນຄົງເພື່ອໃຫ້ມັນຢູ່ຕະຫຼອດໄປ.+
91 ຍ້ອນການຕັດສິນຂອງພະອົງ ພວກມັນ*ຈຶ່ງຍັງຢູ່ຈົນຮອດທຸກມື້ນີ້.
ພວກມັນທັງໝົດເປັນຜູ້ຮັບໃຊ້ຂອງພະອົງ.
92 ຖ້າລູກບໍ່ໄດ້ຮັກກົດໝາຍຂອງພະອົງ
ລູກກໍຄືຊິຕາຍໄປຍ້ອນຄວາມທຸກແລ້ວ.+
93 ລູກຈະບໍ່ມີທາງລືມຄຳສັ່ງຂອງພະອົງ
ຍ້ອນຄຳສັ່ງເຫຼົ່ານັ້ນເຮັດໃຫ້ລູກມີຊີວິດຢູ່ຕໍ່ໄປ.+
95 ຄົນຊົ່ວລໍຖ້າທຳລາຍລູກ
ແຕ່ລູກກໍຍັງຕັ້ງໃຈຄິດຕຶກຕອງກ່ຽວກັບຂໍ້ເຕືອນໃຈຂອງພະອົງ.
96 ລູກເຫັນແລ້ວວ່າທຸກຢ່າງທີ່ສົມບູນແບບກໍຍັງມີຂີດຈຳກັດ
ແຕ່ກົດໝາຍຂອງພະອົງບໍ່ມີຂີດຈຳກັດ.*
מ [ເມັມ]
97 ລູກຮັກກົດໝາຍຂອງພະອົງຫຼາຍແທ້ໆ.+
ລູກຄິດຕຶກຕອງກ່ຽວກັບກົດໝາຍຂອງພະອົງຕະຫຼອດເວລາ.+
98 ຄຳສັ່ງຂອງພະອົງເຮັດໃຫ້ລູກສະຫຼາດກວ່າສັດຕູຂອງລູກ+
ຍ້ອນຄຳສັ່ງເຫຼົ່ານັ້ນຢູ່ກັບລູກຕະຫຼອດໄປ.
99 ລູກມີຄວາມເຂົ້າໃຈຫຼາຍກວ່າອາຈານທຸກຄົນຂອງລູກ+
ຍ້ອນລູກຄິດຕຶກຕອງກ່ຽວກັບຂໍ້ເຕືອນໃຈຂອງພະອົງ.
100 ລູກເຮັດສິ່ງຕ່າງໆດ້ວຍຄວາມເຂົ້າໃຈຫຼາຍກວ່າພວກຜູ້ເຖົ້າຜູ້ແກ່
ຍ້ອນລູກເຊື່ອຟັງຄຳສັ່ງຂອງພະອົງ.
101 ລູກຈະບໍ່ເຮັດແນວຊົ່ວໆຈັກຢ່າງເລີຍ+
ເພື່ອລູກຈະໄດ້ເຮັດຕາມຄຳສອນຂອງພະອົງຕໍ່ໆໄປ.
102 ລູກຈະບໍ່ປິ່ນໜ້າໜີຈາກການຕັດສິນຂອງພະອົງ
ຍ້ອນພະອົງໄດ້ສອນລູກ.
104 ຄຳສັ່ງຂອງພະອົງຊ່ວຍລູກໃຫ້ເຮັດສິ່ງຕ່າງໆດ້ວຍຄວາມເຂົ້າໃຈ+
ລູກຈຶ່ງຊັງແນວທາງທີ່ບໍ່ຖືກຕ້ອງທຸກຢ່າງ.+
נ [ນູນ]
106 ລູກໄດ້ສາບານວ່າຈະເຮັດຕາມການຕັດສິນທີ່ຍຸຕິທຳຂອງພະອົງ
ແລະລູກຈະເຮັດຕາມນັ້ນ.
107 ລູກທຸກລຳບາກຫຼາຍທັງກາຍແລະໃຈ.+
ພະເຢໂຫວາເອີ້ຍ ຂໍພະອົງປົກປ້ອງຊີວິດລູກຕາມທີ່ພະອົງໄດ້ສັນຍາໄວ້.+
108 ພະເຢໂຫວາເອີ້ຍ ຂໍໃຫ້ຄຳສັນລະເສີນຈາກໃຈຂອງລູກ*ເຮັດໃຫ້ພະອົງພໍໃຈ+
ແລະຂໍພະອົງສອນລູກໃຫ້ຮູ້ກົດໝາຍຂອງພະອົງ.+
109 ຊີວິດຂອງລູກຕົກຢູ່ໃນອັນຕະລາຍຕະຫຼອດ
ແຕ່ລູກກໍບໍ່ເຄີຍລືມກົດໝາຍຂອງພະອົງເລີຍ.+
110 ພວກຄົນຊົ່ວວາງກັບດັກເພື່ອຈະຈັບລູກ
ແຕ່ລູກກໍບໍ່ເຄີຍຫຼົງໄປຈາກຄຳສັ່ງຂອງພະອົງ.+
111 ຂໍ້ເຕືອນໃຈຂອງພະອົງຈະເປັນຊັບສົມບັດຂອງລູກສະເໝີ*
ຍ້ອນຂໍ້ເຕືອນໃຈເຫຼົ່ານັ້ນເຮັດໃຫ້ລູກມີຄວາມສຸກ.+
112 ລູກຕັ້ງໃຈຈະເຊື່ອຟັງຂໍ້ກຳນົດຂອງພະອົງຕະຫຼອດເວລາ
ຈົນຮອດມື້ທີ່ລູກຕາຍ.
ס [ຊາເມກ]
115 ພວກຄົນຊົ່ວໜີແມະ!+
ຂ້ອຍຈະໄດ້ເຮັດຕາມກົດໝາຍຂອງພະເຈົ້າ.
116 ຂໍພະອົງຊ່ວຍລູກຕາມທີ່ພະອົງໄດ້ສັນຍາໄວ້+
ເພື່ອລູກຈະມີຊີວິດຢູ່ຕໍ່ໄປ.
118 ພະອົງບໍ່ຍອມຮັບທຸກຄົນທີ່ຫຼົງໄປຈາກຂໍ້ກຳນົດຂອງພະອົງ+
ຍ້ອນເຂົາເຈົ້າເປັນຄົນຂີ້ຕົວະແລະຫຼອກລວງ.
119 ພະອົງຖິ້ມຄົນຊົ່ວໃນໂລກຄືກັບຖິ້ມສິ່ງທີ່ບໍ່ມີຄ່າ+
ລູກຈຶ່ງຮັກຂໍ້ເຕືອນໃຈຂອງພະອົງ.
120 ລູກຢ້ານພະອົງຈົນໂຕສັ່ນ.
ລູກຢ້ານການຕັດສິນຂອງພະອົງ.
ע [ອາຢິນ]
121 ລູກໄດ້ເຮັດສິ່ງທີ່ຖືກຕ້ອງແລະຍຸຕິທຳ.
ຂໍຢ່າຖິ້ມລູກໄວ້ກັບຄົນທີ່ກົດຂີ່ລູກ.
122 ຂໍພະອົງຮັບປະກັນວ່າຜູ້ຮັບໃຊ້ຂອງພະອົງຈະປອດໄພ.
ຂໍຢ່າໃຫ້ຄົນທີ່ເຮັດເກີນສິດຂົ່ມເຫງລູກ.
124 ຂໍພະອົງສະແດງຄວາມຮັກທີ່ໝັ້ນຄົງຕໍ່ຜູ້ຮັບໃຊ້ຂອງພະອົງ+
ແລະຂໍພະອົງສອນລູກໃຫ້ຮູ້ຂໍ້ກຳນົດຂອງພະອົງ.+
125 ລູກເປັນຜູ້ຮັບໃຊ້ຂອງພະອົງ ຂໍພະອົງຊ່ວຍລູກໃຫ້ມີຄວາມເຂົ້າໃຈ+
ເພື່ອລູກຈະໄດ້ຮູ້ຈັກຂໍ້ເຕືອນໃຈຂອງພະອົງ.
126 ເວລາທີ່ພະເຢໂຫວາຈະລົງມືຈັດການມາຮອດແລ້ວ+
ຍ້ອນເຂົາເຈົ້າບໍ່ເຮັດຕາມກົດໝາຍຂອງພະອົງ.
127 ລູກຮັກກົດໝາຍຂອງພະອົງຫຼາຍກວ່າຄຳແລະຫຼາຍກວ່າຄຳຢ່າງດີ+
128 ລູກຈຶ່ງຖືວ່າຄຳແນະນຳ*ທຸກຢ່າງທີ່ມາຈາກພະອົງຖືກຕ້ອງ.+
ລູກຊັງແນວທາງທີ່ບໍ່ຖືກຕ້ອງທຸກຢ່າງ.+
פ [ເພ]
129 ຂໍ້ເຕືອນໃຈຂອງພະອົງດີຫຼາຍແທ້ໆ
ລູກຈຶ່ງຢາກເຮັດຕາມ.
130 ເມື່ອມີການອະທິບາຍຄຳສອນຂອງພະອົງ ຜູ້ຄົນກໍມີຄວາມຮູ້+
ແລະຄົນທີ່ບໍ່ມີປະສົບການກໍມີຄວາມເຂົ້າໃຈ.+
132 ຂໍພະອົງປິ່ນມາຫາລູກແລະເມດຕາລູກ.+
ຂໍພະອົງໃຫ້ຄວາມຍຸຕິທຳກັບລູກຄືກັບທີ່ໃຫ້ຜູ້ທີ່ຮັກຊື່ຂອງພະອົງ.+
133 ຂໍພະອົງຊີ້ນຳລູກດ້ວຍຄຳສອນຂອງພະອົງ*ເພື່ອລູກຈະໄດ້ຍ່າງໃນທາງທີ່ປອດໄພ.
ຂໍຢ່າໃຫ້ຄວາມຊົ່ວຄວບຄຸມລູກ.+
134 ຂໍພະອົງຊ່ວຍລູກໃຫ້ລອດ*ຈາກຄົນທີ່ກົດຂີ່ຂົ່ມເຫງລູກ
ແລະລູກຈະເຮັດຕາມຄຳສັ່ງຂອງພະອົງຕໍ່ໆໄປ.
135 ຂໍພະອົງຍິ້ມໃຫ້ຜູ້ຮັບໃຊ້ຂອງພະອົງດ້ວຍຄວາມພໍໃຈ+
ແລະຂໍພະອົງສອນລູກໃຫ້ຮູ້ຈັກຂໍ້ກຳນົດຂອງພະອົງ.
136 ນ້ຳຕາຂອງລູກໄຫຼອອກມາເປັນສາຍ
ຍ້ອນປະຊາຊົນບໍ່ໄດ້ເຮັດຕາມກົດໝາຍຂອງພະອົງ.+
צ [ຊາເດ]
138 ຂໍ້ເຕືອນໃຈຂອງພະອົງຖືກຕ້ອງ
ແລະເຊື່ອຖືໄດ້ສະເໝີ.
139 ລູກຢາກເຮັດຕາມຄວາມຕ້ອງການຂອງພະອົງຫຼາຍຄືກັບມີໄຟເຜົາໄໝ້ຢູ່ໃນໂຕລູກ+
ຍ້ອນພວກສັດຕູຂອງລູກບໍ່ສົນໃຈຄຳສອນຂອງພະອົງ.
141 ລູກເປັນຄົນບໍ່ສຳຄັນແລະຖືກກຽດຊັງ+
ແຕ່ລູກກໍບໍ່ລືມຄຳສັ່ງຂອງພະອົງ.
143 ເຖິງວ່າລູກຈະເຈິຄວາມທຸກຍາກລຳບາກ
ແຕ່ລູກກໍຍັງມັກກົດໝາຍຂອງພະອົງ.
144 ຄວາມຖືກຕ້ອງຂອງຂໍ້ເຕືອນໃຈຂອງພະອົງມີຢູ່ຕະຫຼອດໄປ.
ຂໍພະອົງຊ່ວຍລູກໃຫ້ມີຄວາມເຂົ້າໃຈ+ເພື່ອລູກຈະມີຊີວິດຢູ່ຕໍ່ໄປ.
ק [ໂຄບ]
145 ລູກຮ້ອງຫາພະອົງສຸດຫົວໃຈ. ພະເຢໂຫວາເອີ້ຍ ຂໍພະອົງຕອບລູກແດ່.
ລູກຈະເຮັດຕາມຂໍ້ກຳນົດຂອງພະອົງ.
146 ລູກຮ້ອງຫາພະອົງ ຂໍພະອົງຊ່ວຍລູກໃຫ້ລອດ.
ລູກຈະເຊື່ອຟັງຂໍ້ເຕືອນໃຈຂອງພະອົງສະເໝີ.
148 ລູກຕື່ນຂຶ້ນໃນຕອນກາງຄືນ
ເພື່ອຈະຄິດຕຶກຕອງກ່ຽວກັບຄຳເວົ້າຂອງພະອົງ.+
149 ຂໍພະອົງຟັງສຽງຂອງລູກຍ້ອນພະອົງມີຄວາມຮັກທີ່ໝັ້ນຄົງ.+
ພະເຢໂຫວາເອີ້ຍ ຂໍພະອົງຊ່ວຍລູກໃຫ້ມີຊີວິດຢູ່ຕໍ່ໄປຍ້ອນພະອົງຕັດສິນຢ່າງຍຸຕິທຳ.
150 ຄົນທີ່ເຮັດສິ່ງທີ່ເປັນຕາອາຍ*ກໍເຂົ້າມາໃກ້ເພື່ອຈະທຳຮ້າຍລູກ.
ເຂົາເຈົ້າບໍ່ຍອມຮັບກົດໝາຍຂອງພະອົງ.
152 ລູກໄດ້ຮຽນຂໍ້ເຕືອນໃຈຂອງພະອົງມາດົນແລ້ວ
ແລະລູກໄດ້ຮູ້ວ່າພະອົງໄດ້ຕັ້ງຂໍ້ເຕືອນໃຈເຫຼົ່ານັ້ນໄວ້ໃຫ້ຢູ່ຕະຫຼອດໄປ.+
ר [ເຣດ]
153 ຂໍພະອົງເບິ່ງວ່າລູກເຈັບປວດຫຼາຍສ່ຳໃດແລະຊ່ວຍລູກແດ່+
ຍ້ອນລູກບໍ່ເຄີຍລືມກົດໝາຍຂອງພະອົງ.
154 ຂໍພະອົງເວົ້າປົກປ້ອງລູກ*ແລະຊ່ວຍລູກໃຫ້ລອດ.+
ຂໍພະອົງຊ່ວຍລູກໃຫ້ມີຊີວິດຢູ່ຕໍ່ໄປຕາມທີ່ພະອົງໄດ້ສັນຍາໄວ້.
155 ຄົນຊົ່ວຈະບໍ່ຖືກຊ່ວຍໃຫ້ລອດ
ຍ້ອນເຂົາເຈົ້າບໍ່ໄດ້ຢາກເຮັດຕາມຂໍ້ກຳນົດຂອງພະອົງ.+
156 ພະເຢໂຫວາເອີ້ຍ ພະອົງມີຄວາມເມດຕາຫຼາຍແທ້ໆ.+
ຂໍພະອົງຊ່ວຍລູກໃຫ້ມີຊີວິດຢູ່ຕໍ່ໄປຍ້ອນພະອົງຍຸຕິທຳ.
157 ພວກສັດຕູແລະຄົນທີ່ຂົ່ມເຫງລູກມີຫຼາຍແທ້ຫຼາຍວ່າ+
ແຕ່ລູກບໍ່ໄດ້ຫຼົງໄປຈາກຂໍ້ເຕືອນໃຈຂອງພະອົງ.
158 ລູກເບິ່ງພວກຄົນທໍລະຍົດດ້ວຍຄວາມກຽດຊັງ
ຍ້ອນເຂົາເຈົ້າບໍ່ໄດ້ເຮັດຕາມຄຳສອນຂອງພະອົງ.+
159 ຂໍພະອົງເບິ່ງແມ້ ລູກຮັກຄຳສັ່ງຂອງພະອົງຫຼາຍສ່ຳໃດ?
ພະເຢໂຫວາເອີ້ຍ ຂໍພະອົງຊ່ວຍລູກໃຫ້ມີຊີວິດຢູ່ຕໍ່ໄປຍ້ອນພະອົງມີຄວາມຮັກທີ່ໝັ້ນຄົງ.+
160 ຄຳເວົ້າທັງໝົດຂອງພະອົງເປັນຄວາມຈິງ+
ແລະການຕັດສິນທີ່ຍຸຕິທຳທັງໝົດຂອງພະອົງກໍໝັ້ນຄົງຕະຫຼອດໄປ.
ש [ຊິນ]
162 ຄຳເວົ້າຂອງພະອົງເຮັດໃຫ້ລູກມີຄວາມສຸກ.+
ຄືກັບຄົນທີ່ເຈິຊັບສົມບັດຫຼາຍ.
164 ລູກສັນລະເສີນພະອົງມື້ລະ 7 ເທື່ອ
ຍ້ອນການຕັດສິນຂອງພະອົງຍຸຕິທຳ.
166 ພະເຢໂຫວາເອີ້ຍ ລູກຫວັງວ່າພະອົງຈະຊ່ວຍລູກໃຫ້ລອດ.
ລູກເຊື່ອຟັງຄຳສັ່ງຂອງພະອົງ.
167 ລູກເຮັດຕາມຂໍ້ເຕືອນໃຈຂອງພະອົງສະເໝີ
ແລະລູກຮັກຂໍ້ເຕືອນໃຈເຫຼົ່ານັ້ນຫຼາຍອີ່ຫຼີ.+
168 ລູກເຊື່ອຟັງຄຳສັ່ງແລະຂໍ້ເຕືອນໃຈຂອງພະອົງ
ຍ້ອນພະອົງຮູ້ທຸກສິ່ງທີ່ລູກເຮັດ.+
ת [ເທົາ]
169 ພະເຢໂຫວາເອີ້ຍ ຂໍໃຫ້ສຽງຮ້ອງຂໍຄວາມຊ່ວຍເຫຼືອຂອງລູກໄປຮອດພະອົງ.+
ຂໍພະອົງຊ່ວຍລູກໃຫ້ມີຄວາມເຂົ້າໃຈຕາມທີ່ພະອົງໄດ້ເວົ້າໄວ້.+
170 ຂໍພະອົງຟັງຄຳຮ້ອງຂໍຄວາມເມດຕາຂອງລູກ.
ຂໍພະອົງຊ່ວຍລູກໃຫ້ລອດຕາມທີ່ພະອົງໄດ້ສັນຍາໄວ້.
171 ຂໍໃຫ້ລູກສັນລະເສີນພະອົງບໍ່ຢຸດບໍ່ເຊົາ+
ຍ້ອນພະອົງສອນລູກໃຫ້ຮູ້ຂໍ້ກຳນົດຂອງພະອົງ.
172 ລູກຈະຮ້ອງເພງກ່ຽວກັບຄຳສອນຂອງພະອົງ+
ຍ້ອນກົດໝາຍທັງໝົດຂອງພະອົງຖືກຕ້ອງ.
174 ພະເຢໂຫວາເອີ້ຍ ລູກຢາກໃຫ້ພະອົງຊ່ວຍລູກໃຫ້ລອດ.
ລູກມັກກົດໝາຍຂອງພະອົງ.+
175 ຂໍພະອົງຊ່ວຍລູກໃຫ້ມີຊີວິດຢູ່ຕໍ່ໄປເພື່ອລູກຈະໄດ້ສັນລະເສີນພະອົງ.+
ຂໍໃຫ້ການຕັດສິນຂອງພະອົງຊ່ວຍລູກ.