ສຸພາສິດ
2 ການເປັນຄົນທີ່ບໍ່ມີຄວາມຮູ້ກໍບໍ່ດີ+
ແລະຄົນທີ່ມັກເຮັດທຸກຢ່າງແບບໃຈຮ້ອນກໍຈະເຮັດຜິດ.
3 ຄວາມໂງ່ຂອງຄົນເຮັດໃຫ້ລາວໄປຜິດທາງ
ແລະລາວກໍໄປຄຽດໃຫ້ພະເຢໂຫວາ.
4 ຄົນລວຍມີໝູ່ຫຼາຍ
ແຕ່ຄົນທຸກ ແມ່ນແຕ່ໝູ່ກໍຍັງຖິ້ມລາວ.+
6 ຫຼາຍຄົນມັກປະຈົບປະແຈງພວກເຈົ້ານາຍ*
ແລະທຸກຄົນກໍຢາກເປັນໝູ່ກັບຄົນທີ່ມັກໃຫ້ຂອງຂວັນ.
ລາວພະຍາຍາມໄປຂໍຄວາມຊ່ວຍເຫຼືອຈາກເຂົາເຈົ້າ ແຕ່ກໍບໍ່ມີໃຜຊ່ວຍ.
8 ຄົນທີ່ພະຍາຍາມເພື່ອຈະໄດ້ສະຕິປັນຍາ*ກໍຮັກໂຕເອງ.+
ຄົນທີ່ຖືວ່າຄວາມເຂົ້າໃຈເປັນສິ່ງສຳຄັນກໍຈະປະສົບຄວາມສຳເລັດ.*+
9 ພະຍານຕົວະຈະຖືກລົງໂທດ
ແລະຄົນທີ່ເວົ້າຕົວະຕະຫຼອດຈະຖືກທຳລາຍ.+
10 ຄືກັບທີ່ຄົນໂງ່ບໍ່ເໝາະກັບຊີວິດຫຼູຫຼາ
ຄົນຮັບໃຊ້ກໍແຮ່ງບໍ່ເໝາະທີ່ຈະປົກຄອງພວກເຈົ້ານາຍ.+
11 ຄົນທີ່ມີຄວາມເຂົ້າໃຈຈະບໍ່ໃຈຮ້າຍງ່າຍ+
ແລະຖ້າລາວເບິ່ງຂ້າມຄວາມຜິດ ລາວກໍຈະໄດ້ຮັບກຽດ.+
12 ຄວາມໃຈຮ້າຍຂອງກະສັດເປັນຄືກັບໂຕສິງທີ່ກຳລັງແຜດສຽງຮ້ອງ+
ແຕ່ຄວາມພໍໃຈຂອງລາວເປັນຄືກັບນ້ຳຄ້າງທີ່ຢູ່ເທິງຫຍ້າ.
13 ລູກຊາຍໂງ່ເຮັດໃຫ້ພໍ່ເດືອດຮ້ອນ+
ແລະເມຍທີ່ມັກຫາເລື່ອງຜິດຖຽງກັນ*ກໍເປັນຄືກັບຫຼັງຄາທີ່ຮົ່ວຕະຫຼອດເວລາ.+
14 ເຮືອນກັບຊັບສົມບັດເປັນມໍລະດົກຈາກພໍ່
ແຕ່ເມຍທີ່ຮອບຄອບເປັນຂອງຂວັນຈາກພະເຢໂຫວາ.+
15 ຄົນຂີ້ຄ້ານມັກນອນຫຼາຍ
ແລະຄົນເຕື້ອຍໆຈະຫິວໂຫຍ.+
16 ຄົນທີ່ເຮັດຕາມຄຳສັ່ງຂອງພະເຈົ້າກໍຮັກສາຊີວິດຂອງໂຕເອງ+
ແຕ່ຄົນທີ່ໃຊ້ຊີວິດແບບປະໝາດຈະຕາຍ.+
18 ໃຫ້ສັ່ງສອນລູກຊາຍຂອງເຈົ້າຕອນທີ່ຍັງມີຄວາມຫວັງຢູ່+
ແລະຢ່າເຮັດໃຫ້ໂຕເອງຕ້ອງຮັບຜິດຊອບກັບການຕາຍຂອງລາວ.+
19 ຄົນທີ່ໃຈຮ້າຍງ່າຍຈະຖືກລົງໂທດ.
ຖ້າເຈົ້າພະຍາຍາມປົກປ້ອງລາວບໍ່ໃຫ້ຖືກລົງໂທດ ເຈົ້າກໍຈະຕ້ອງໄດ້ເຮັດແບບນັ້ນໄປຕະຫຼອດ.+
21 ມະນຸດຄິດແຜນການຫຼາຍຢ່າງໄວ້ໃນໃຈ
ແຕ່ຄວາມຕ້ອງການ*ຂອງພະເຢໂຫວາເປັນສິ່ງທີ່ຈະເກີດຂຶ້ນແທ້.+
22 ຄວາມງາມໃນໂຕມະນຸດແມ່ນຄວາມຮັກທີ່ໝັ້ນຄົງທີ່ລາວສະແດງຕໍ່ຄົນອື່ນ+
ແລະການເປັນຄົນທຸກກໍດີກວ່າການເປັນຄົນຂີ້ຕົວະ.
23 ຄົນທີ່ຢ້ານຢຳພະເຢໂຫວາຈະໄດ້ຊີວິດ+
ຄົນທີ່ເຮັດແບບນີ້ຈະໄດ້ພັກຜ່ອນຢ່າງເຕັມທີແລະຈະບໍ່ມີບັນຫາເຮັດໃຫ້ອຸກໃຈເລີຍ.+
24 ຄົນຂີ້ຄ້ານຈຸ່ມມືລົງໃນຖ້ວຍ
ແຕ່ລາວຂີ້ຄ້ານຈົນເຖິງຂັ້ນວ່າບໍ່ຢາກຈັບເອົາອາຫານມາໃສ່ປາກໂຕເອງ.+
25 ໃຫ້ຕີຄົນທີ່ມັກເວົ້າເຍາະເຍີ້ຍ+ເພື່ອຄົນທີ່ຂາດປະສົບການຈະໄດ້ຮັບຄຳເຕືອນແລະຈະສະຫຼາດຂຶ້ນ+
ແລະໃຫ້ຕຳໜິຄົນທີ່ມີຄວາມເຂົ້າໃຈເພື່ອທີ່ລາວຈະໄດ້ມີຄວາມຮູ້ຫຼາຍຂຶ້ນ.+
26 ລູກທີ່ເຮັດບໍ່ດີກັບພໍ່ແລະໄລ່ແມ່ໜີ
ກໍເປັນລູກທີ່ເຮັດໃຫ້ອັບອາຍຂາຍໜ້າ.+
27 ລູກເອີ້ຍ ຖ້າລູກເຊົາຟັງຄຳສັ່ງສອນ
ລູກກໍຈະເຈີດອອກຈາກທາງຂອງຄວາມຮູ້.