ເພງສັນລະເສີນ
ເພງຂອງດາວິດ.
29 ພວກເຈົ້າທີ່ເປັນລູກຂອງຄົນທີ່ມີແຮງຫຼາຍ ໃຫ້ພວກເຈົ້າໃຫ້ກຽດພະເຢໂຫວາ.
ໃຫ້ພວກເຈົ້າໃຫ້ກຽດພະເຢໂຫວາຍ້ອນເພິ່ນມີອຳນາດທີ່ຍິ່ງໃຫຍ່.+
2 ໃຫ້ສັນລະເສີນພະເຢໂຫວາຍ້ອນຊື່ຂອງເພິ່ນ.
ໃຫ້ນຸ່ງເຄື່ອງບໍລິສຸດແລະນະມັດສະການ*ພະເຢໂຫວາ.*
3 ສຽງຂອງພະເຢໂຫວາດັງໄປທົ່ວເທິງນ້ຳ.
ສຽງຂອງພະເຈົ້າຜູ້ຍິ່ງໃຫຍ່ສູງສຸດດັງຄືກັບສຽງຟ້າຮ້ອງ.+
ພະເຢໂຫວາຢູ່ເໜືອນ້ຳຕ່າງໆ.+
4 ສຽງຂອງພະເຢໂຫວາມີພະລັງຫຼາຍ.+
ສຽງຂອງພະເຢໂຫວາດັງກ້ອງກັງວານ.
5 ສຽງຂອງພະເຢໂຫວາເຮັດໃຫ້ຕົ້ນຊີດ້າ*ຫັກລົງ.
ພະເຢໂຫວາເຮັດໃຫ້ຕົ້ນຊີດ້າຢູ່ເລບານອນແຕກເປັນປ່ຽງໆ.+
6 ເພິ່ນເຮັດໃຫ້ເລບານອນໂດດຄືກັບງົວນ້ອຍ
ແລະເຮັດໃຫ້ສີຣີໂອນໂດດຄືກັບງົວປ່າ.+
7 ສຽງຂອງພະເຢໂຫວາເຮັດໃຫ້ຟ້າແມບ.+
8 ສຽງຂອງພະເຢໂຫວາເຮັດໃຫ້ບ່ອນກັນດານສັ່ນສະເທືອນ.+
ພະເຢໂຫວາເຮັດໃຫ້ບ່ອນກັນດານກາເດັດສັ່ນໄຫວ.+
9 ສຽງຂອງພະເຢໂຫວາເຮັດໃຫ້ກວາງຢ້ານຈົນໂຕສັ່ນແລະເກີດລູກ
ແລະເຮັດໃຫ້ປ່າແປນເອີດເຕີດ.+
ທຸກຄົນທີ່ຢູ່ໃນວິຫານຂອງເພິ່ນຈະເວົ້າວ່າ: “ຂໍໃຫ້ພະເຈົ້າໄດ້ຮັບການສັນລະເສີນ.”
10 ພະເຢໂຫວານັ່ງຢູ່ເທິງບັນລັງແລະຄວບຄຸມນ້ຳຖ້ວມ.*+
ພະເຢໂຫວານັ່ງຢູ່ເທິງບັນລັງເປັນກະສັດຕະຫຼອດໄປ.+
11 ພະເຢໂຫວາຈະໃຫ້ຄົນຂອງເພິ່ນມີເຫື່ອມີແຮງ.+
ພະເຢໂຫວາຈະອວຍພອນໃຫ້ຄົນຂອງເພິ່ນມີຄວາມສະຫງົບສຸກ.+