ເພງສັນລະເສີນ
ເຖິງຜູ້ຄວບຄຸມດົນຕີ. ເພງຂອງດາວິດ.
31 ພະເຢໂຫວາເອີ້ຍ ລູກໄວ້ໃຈວ່າພະອົງຈະປົກປ້ອງລູກ.+
ຂໍຢ່າໃຫ້ລູກຕ້ອງອັບອາຍຂາຍໜ້າ.+
ຂໍພະອົງຊ່ວຍລູກຍ້ອນພະອົງເຮັດສິ່ງທີ່ຖືກຕ້ອງສະເໝີ.+
2 ຂໍພະອົງກົ້ມລົງມາແລະຟັງລູກ.*
ຂໍພະອົງຟ້າວມາຊ່ວຍລູກໃຫ້ລອດໄວໆແດ່.+
ຂໍໃຫ້ພະອົງເປັນຄືກັບພູທີ່ໝັ້ນຄົງ
ແລະເປັນຄືກັບປ້ອມສູງໆທີ່ປົກປ້ອງລູກ.+
3 ພະອົງເປັນຫີນຜາແລະເປັນບ່ອນທີ່ປອດໄພຂອງລູກ.+
ພະອົງຈະນຳໜ້າລູກແລະຊີ້ນຳລູກເພື່ອເຫັນແກ່ຊື່ຂອງພະອົງ.+
4 ພະອົງຈະເຮັດໃຫ້ລູກຫຼຸດອອກຈາກກັບດັກຕານ່າງທີ່ເຂົາເຈົ້າເຊື່ອງໄວ້.+
ພະອົງເປັນປ້ອມຂອງລູກ.+
5 ລູກຝາກຊີວິດຂອງລູກໄວ້ໃນມືຂອງພະອົງ.+
ພະເຢໂຫວາ ພະເຈົ້າທີ່ເວົ້າແຕ່ຄວາມຈິງ*+ ພະອົງໄດ້ໄຖ່ລູກແລ້ວ.
6 ລູກຊັງຄົນທີ່ຂາບໄຫວ້ພະເຈົ້າປອມທີ່ບໍ່ມີຄ່າແລະບໍ່ມີປະໂຫຍດຫຍັງ.
ແຕ່ລູກໄວ້ໃຈພະອົງເດີ້ພະເຢໂຫວາ.
7 ລູກດີໃຈຫຼາຍຍ້ອນພະອົງຮັກລູກຢ່າງໝັ້ນຄົງ.
ພະອົງເຫັນຄວາມທຸກຂອງລູກແລ້ວ+
ແລະພະອົງກໍຮູ້ວ່າລູກເຈັບປວດຫຼາຍສ່ຳໃດ.
8 ພະອົງບໍ່ໄດ້ມອບລູກໃຫ້ສັດຕູ
ແຕ່ພະອົງເຮັດໃຫ້ລູກຢືນຢູ່ບ່ອນທີ່ປອດໄພ.*
9 ພະເຢໂຫວາເອີ້ຍ ຂໍພະອົງອີ່ຕົນລູກຍ້ອນລູກທຸກໃຈຫຼາຍ.
ຄວາມທຸກທໍລະມານນີ້ເຮັດໃຫ້ຕາຂອງລູກເມື່ອຍຫຼາຍ+ແລະເຮັດໃຫ້ລູກໝົດເຫື່ອໝົດແຮງ.+
ຍ້ອນຄວາມຜິດທີ່ລູກເຮັດ ເຫື່ອແຮງຂອງລູກກໍໝົດ
ແລະກະດູກຂອງລູກກໍຜ່ອຍ.+
11 ສັດຕູທັງໝົດຂອງລູກກໍພາກັນດູຖູກລູກ+
ໂດຍສະເພາະເພື່ອນບ້ານແຮ່ງເປັນໂຕການເລີຍ.
ຄົນທີ່ຮູ້ຈັກກັນກໍບໍ່ຢາກຢູ່ໃກ້ລູກ.
ເມື່ອເຂົາເຈົ້າເຫັນລູກຢູ່ທາງນອກ ເຂົາເຈົ້າກໍແລ່ນໜີ.+
12 ເຂົາເຈົ້າບໍ່ສົນໃຈ*ແລະລືມລູກຄືກັບວ່າລູກຕາຍໄປແລ້ວ.
ລູກຮູ້ສຶກບໍ່ມີປະໂຫຍດຄືກັບໄຫທີ່ແຕກແລ້ວ.
13 ລູກໄດ້ຍິນຂ່າວເສຍໆຫາຍໆຫຼາຍເລື່ອງກ່ຽວກັບໂຕລູກ.
ລູກປິ່ນໜ້າໄປທາງໃດກໍຮູ້ສຶກຢ້ານ.+
ເຂົາເຈົ້າລວມໂຕກັນມາຕໍ່ສູ້ລູກ
ແລະວາງແຜນຮ້າຍເພື່ອຈະຂ້າລູກ.+
14 ແຕ່ພະເຢໂຫວາ ລູກໄວ້ໃຈພະອົງ.+
ລູກເວົ້າວ່າ: “ພະອົງແມ່ນພະເຈົ້າຂອງລູກ.”+
15 ຊີວິດຂອງລູກຢູ່ໃນມືຂອງພະອົງ
ຂໍພະອົງຊ່ວຍລູກໃຫ້ລອດຈາກສັດຕູແລະຈາກຄົນທີ່ຂົ່ມເຫງລູກ.+
16 ຂໍພະອົງຍິ້ມໃຫ້ຜູ້ຮັບໃຊ້ຂອງພະອົງດ້ວຍຄວາມພໍໃຈ.+
ຂໍພະອົງສະແດງຄວາມຮັກທີ່ໝັ້ນຄົງແລະຊ່ວຍລູກໃຫ້ລອດ.
17 ພະເຢໂຫວາເອີ້ຍ ຂໍຢ່າໃຫ້ລູກຕ້ອງອັບອາຍຂາຍໜ້າເມື່ອລູກຮ້ອງຫາພະອົງ.+
ແຕ່ຂໍພະອົງເຮັດໃຫ້ຄົນຊົ່ວອັບອາຍຂາຍໜ້າ+
ແລະຂໍເຮັດໃຫ້ເຂົາເຈົ້າລົງໄປໃນບ່ອນຝັງສົບ*ແລະມິດຢູ່.+
18 ຂໍໃຫ້ຄົນທີ່ເວົ້າຕົວະເວົ້າຫຍັງບໍ່ອອກ.+
ຂໍໃຫ້ຄົນທີ່ເວົ້າຈອງຫອງແລະດູຖູກຄົນທີ່ເຮັດສິ່ງທີ່ຖືກຕ້ອງເວົ້າຫຍັງບໍ່ໄດ້ຄືກັນ.
19 ພະອົງເປັນພະເຈົ້າທີ່ດີຫຼາຍແທ້ໆ.+
ພະອົງໄດ້ກຽມພອນໄວ້ໃຫ້ຄົນທີ່ຢ້ານຢຳພະອົງ.+
ພະອົງເຮັດດີກັບທຸກຄົນເພື່ອເຫັນແກ່ຄົນທີ່ມາເພິ່ງພະອົງ.+
20 ພະອົງຈະເຊື່ອງເຂົາເຈົ້າໄວ້ໃນບ່ອນລັບໃກ້ໆພະອົງ+
ເພື່ອໃຫ້ເຂົາເຈົ້າລອດຈາກຄົນທີ່ວາງແຜນຮ້າຍ.
ພະອົງຈະພາເຂົາເຈົ້າໄປລີ້ຢູ່ບ່ອນທີ່ປອດໄພຂອງພະອົງ
21 ຂໍໃຫ້ພະເຢໂຫວາໄດ້ຮັບການສັນລະເສີນ
ຍ້ອນພະອົງສະແດງຄວາມຮັກທີ່ໝັ້ນຄົງຕໍ່ລູກໃນວິທີທີ່ພິເສດ+ຕອນທີ່ພວກສັດຕູມາລ້ອມເມືອງໄວ້.+
22 ລູກຕົກໃຈແລະເວົ້າວ່າ:
“ລູກຈະຕ້ອງຕາຍຢູ່ຕໍ່ໜ້າພະອົງແທ້ໆ!”+
ແຕ່ພະອົງໄດ້ຍິນຄຳຮ້ອງຂໍຄວາມຊ່ວຍເຫຼືອຂອງລູກ.+
23 ພວກເຈົ້າທຸກຄົນທີ່ສັດຊື່ຕໍ່ພະເຢໂຫວາ ຂໍໃຫ້ພວກເຈົ້າຮັກພະອົງ.+