ເພງສັນລະເສີນ
ເຖິງຜູ້ຄວບຄຸມດົນຕີ. ເພງນີ້ຕັ້ງຕາມເພງ “ນົກເຂົາທີ່ຢູ່ງຽບໆໃນບ່ອນທີ່ຫ່າງໄກ.”*
ມິກທາມ*ຂອງດາວິດ. ຕອນທີ່ພວກຟີລິດສະຕີນຈັບລາວໄດ້ຢູ່ເມືອງກັດ.+
56 ພະເຈົ້າເອີ້ຍ ຂໍພະອົງອີ່ຕົນລູກແດ່ ຍ້ອນມີຄົນມາທຳຮ້າຍລູກ.
ເຂົາເຈົ້າໂຈມຕີແລະຂົ່ມເຫງລູກໝົດມື້ໝົດເວັນ.
2 ສັດຕູຂອງລູກຕໍ່ສູ້ລູກໝົດມື້.
ຫຼາຍຄົນທີ່ຈອງຫອງກໍມາໂຈມຕີລູກ.
3 ເມື່ອລູກຢ້ານ+ ລູກກໍໄວ້ໃຈພະອົງ.+
4 ພະເຈົ້າເອີ້ຍ ລູກໄວ້ໃຈພະອົງແລະລູກສັນລະເສີນພະອົງຍ້ອນຄຳສອນຂອງພະອົງ.
ລູກບໍ່ຮູ້ສຶກຢ້ານ.
ມະນຸດຈະເຮັດຫຍັງໃຫ້ລູກໄດ້?+
5 ເຂົາເຈົ້າສ້າງບັນຫາໃຫ້ລູກໝົດມື້
ແລະມີແຕ່ຄິດຈະທຳຮ້າຍລູກ.+
7 ພະເຈົ້າເອີ້ຍ ຂໍພະອົງແກ້ແຄ້ນເຂົາເຈົ້າໃຫ້ສົມກັບຄວາມຊົ່ວທີ່ເຂົາເຈົ້າເຮັດ.
ຂໍພະອົງລົງໂທດຊາດຕ່າງໆດ້ວຍຄວາມໃຈຮ້າຍ.+
8 ພະອົງຮູ້ດີວ່າຕອນທີ່ລູກຖືກໄລ່ລ່າ ລູກມີຄວາມທຸກຫຼາຍສ່ຳໃດ.+
ຂໍພະອົງເກັບນ້ຳຕາຂອງລູກໄວ້ໃນຖົງໜັງຂອງພະອົງ.+
ພະອົງນັບນ້ຳຕາທຸກຢົດຂອງລູກແລະຈົດໄວ້ໃນປຶ້ມຂອງພະອົງ.+
9 ໃນມື້ທີ່ລູກຮ້ອງຂໍໃຫ້ພະອົງຊ່ວຍ ພວກສັດຕູກໍຈະຖອຍກັບໄປ.+
ລູກໝັ້ນໃຈວ່າພະເຈົ້າຢູ່ຝ່າຍລູກ.+
10 ລູກສັນລະເສີນພະເຈົ້າ ຍ້ອນຄຳສອນຂອງພະອົງ.
ລູກສັນລະເສີນພະເຢໂຫວາ ຍ້ອນຄຳສອນຂອງພະອົງ.
11 ພະເຈົ້າເອີ້ຍ ລູກໄວ້ໃຈພະອົງ ລູກຈຶ່ງບໍ່ຮູ້ສຶກຢ້ານ.+
ມະນຸດຈະເຮັດຫຍັງໃຫ້ລູກໄດ້?+