ເພງສັນລະເສີນ

ພວກເຈົ້າ​ທີ່​ເປັນ​ຜູ້​ຮັບໃຊ້​ຂອງ​ພະ​ເຢໂຫວາ ໃຫ້​ສັນລະເສີນ​ເພິ່ນ.

ໃຫ້​ສັນລະເສີນ​ຊື່​ຂອງ​ພະ​ເຢໂຫວາ.

 2 ຂໍ​ໃຫ້​ຊື່​ຂອງ​ພະ​ເຢໂຫວາ​ໄດ້​ຮັບ​ການ​ສັນລະເສີນ

ຕັ້ງແຕ່​ຕອນນີ້​ຈົນ​ຕະຫຼອດໄປ.+

 3 ຂໍ​ໃຫ້​ຊື່​ຂອງ​ພະ​ເຢໂຫວາ​ໄດ້​ຮັບ​ການ​ສັນລະເສີນ

ຕັ້ງແຕ່​ທິດ​ຕາເວັນ​ອອກ​ຈົນ​ຮອດ​ທິດ​ຕາເວັນ​ຕົກ.+

 4 ພະ​ເຢໂຫວາ​ຢູ່​ເໜືອ​ຊາດ​ທັງໝົດ+

ແລະ​ສະຫງ່າ​ລາສີ​ຂອງ​ເພິ່ນ​ກໍ​ສູງ​ກວ່າ​ສະຫວັນ.+

 5 ໃຜ​ຈະ​ເປັນ​ຄື​ກັບ​ພະ​ເຢໂຫວາ​ພະເຈົ້າ​ຂອງ​ພວກເຮົາ+

ທີ່​ນັ່ງ​ເທິງ​ບັນລັງ​ຢູ່​ບ່ອນ​ສູງ?

 6 ເພິ່ນ​ກົ້ມ​ລົງ​ມາ​ເບິ່ງ​ທ້ອງຟ້າ​ແລະ​ໂລກ.+

 7 ເພິ່ນ​ຍົກ​ຄົນ​ຕ່ຳຕ້ອຍ​ຂຶ້ນ​ມາ​ຈາກ​ກອງ​ຂີ້​ດິນ.

ເພິ່ນ​ຍົກ​ຄົນ​ທຸກ​ຂຶ້ນ​ມາ​ຈາກ​ກອງ​ຂີ້ເທົ່າ*+

 8 ເພື່ອ​ໃຫ້​ລາວ​ນັ່ງ​ກັບ​ພວກ​ເຈົ້າ​ນາຍ

ເຊິ່ງ​ແມ່ນ​ພວກ​ເຈົ້າ​ນາຍ​ໃນ​ກຸ່ມ​ປະຊາຊົນ​ຂອງ​ເພິ່ນ.

 9 ເພິ່ນ​ເຮັດ​ໃຫ້​ຜູ້ຍິງ​ທີ່​ເປັນ​ໝັນ​ມີ​ຄອບຄົວ

ແລະ​ເຮັດ​ໃຫ້​ລາວ​ໄດ້​ເປັນ​ແມ່​ທີ່​ຢູ່​ກັບ​ລູກ​ຢ່າງ​ມີ​ຄວາມສຸກ.+