ເພງສັນລະເສີນ
ເຖິງຜູ້ຄວບຄຸມດົນຕີສຳລັບເນຮິໂລດ.* ເພງຂອງດາວິດ.
5 ພະເຢໂຫວາເອີ້ຍ ຂໍພະອົງຟັງຄຳອະທິດຖານຂອງລູກ.+
ຂໍພະອົງເຂົ້າໃຈຄວາມເຈັບປວດໃຈຂອງລູກ.
2 ກະສັດແລະພະເຈົ້າຂອງລູກເອີ້ຍ
ຂໍພະອົງສົນໃຈສຽງຮ້ອງຂໍຄວາມຊ່ວຍເຫຼືອຂອງລູກ ຍ້ອນລູກອະທິດຖານເຖິງພະອົງ.
3 ພະເຢໂຫວາເອີ້ຍ ໃນຕອນເຊົ້າພະອົງຈະໄດ້ຍິນສຽງຂອງລູກ.+
ໃນຕອນເຊົ້າລູກຈະເລົ່າເລື່ອງອຸກໃຈໃຫ້ພະອົງຟັງ+ ແລະລູກຈະລໍຖ້າໃຫ້ພະອົງຕອບ.
5 ຄົນຍິ່ງຈະຢືນຢູ່ຕໍ່ໜ້າພະອົງບໍ່ໄດ້.
ພະເຢໂຫວາຊັງຄວາມຮຸນແຮງແລະຄົນທີ່ມີເລ່ລ່ຽມ.*+
7 ລູກຈະເຂົ້າມາໃນວິຫານຂອງພະອົງ+ ຍ້ອນພະອົງມີຄວາມຮັກທີ່ໝັ້ນຄົງ.+
ລູກຈະປິ່ນໜ້າໄປທາງວິຫານທີ່ບໍລິສຸດ*ຂອງພະອົງ ແລະໝູບໜ້າລົງດ້ວຍຄວາມນັບຖື.*+
8 ພະເຢໂຫວາເອີ້ຍ ຂໍພະອົງພາລູກໄປໃນທາງທີ່ຖືກຕ້ອງ.
ຂໍພະອົງກຳຈັດສັດຕູຂອງລູກ ແລະເຮັດໃຫ້ທາງຂອງພະອົງບໍ່ມີຫຍັງຂັດຂວາງ.+
9 ລູກບໍ່ໄວ້ໃຈສິ່ງທີ່ພວກສັດຕູເວົ້າເລີຍ.
ເຂົາເຈົ້າຄິດແຕ່ແນວຊົ່ວໆ.
ຄຳເວົ້າຂອງເຂົາເຈົ້າເຊື່ອຖືບໍ່ໄດ້.
10 ແຕ່ພະເຈົ້າຈະຕັດສິນວ່າເຂົາເຈົ້າມີຄວາມຜິດ.
ແຜນຊົ່ວຂອງເຂົາເຈົ້າຈະເຮັດໃຫ້ເຂົາເຈົ້າຈິບຫາຍ.+
ພະເຈົ້າເອີ້ຍ ຂໍພະອົງໄລ່ເຂົາເຈົ້າໜີ ຍ້ອນເຂົາເຈົ້າເຮັດຜິດຫຼາຍຢ່າງ
ແລະຍ້ອນເຂົາເຈົ້າກະບົດຕໍ່ພະອົງ.
11 ແຕ່ຄົນທີ່ເພິ່ງພະອົງຈະມີຄວາມສຸກ.+
ເຂົາເຈົ້າຈະຮ້ອງເພງດ້ວຍຄວາມມ່ວນຊື່ນຕະຫຼອດ.
ພະອົງຈະປົກປ້ອງເຂົາເຈົ້າຈາກຄົນທີ່ມາທຳຮ້າຍ.
ຄົນທີ່ຮັກຊື່ພະອົງຈະມີຄວາມຍິນດີຍ້ອນພະອົງ.
12 ພະເຢໂຫວາເອີ້ຍ ພະອົງຈະອວຍພອນທຸກຄົນທີ່ເຮັດສິ່ງທີ່ຖືກຕ້ອງ.
ພະອົງຈະພໍໃຈເຂົາເຈົ້າແລະປົກປ້ອງເຂົາເຈົ້າຄືກັບໂລ້ໃຫຍ່.+