ເພງສັນລະເສີນ
88 ພະເຢໂຫວາພະເຈົ້າຜູ້ຊ່ວຍໃຫ້ລອດຂອງລູກເອີ້ຍ+
ຕອນກາງເວັນລູກຮ້ອງຫາພະອົງ
ແລະຕອນກາງຄືນລູກກໍມາຢູ່ຕໍ່ໜ້າພະອົງ.+
2 ຂໍໃຫ້ຄຳອະທິດຖານຂອງລູກໄປຮອດພະອົງ.+
ຂໍພະອົງກົ້ມລົງມາຟັງ*ຄຳຮ້ອງຂໍຄວາມຊ່ວຍເຫຼືອຂອງລູກ.+
4 ຄົນອື່ນເບິ່ງວ່າລູກເປັນຄືກັບຄົນທີ່ຕາຍໄປແລ້ວ.*+
ລູກກາຍເປັນຄົນທີ່ບໍ່ມີຜູ້ໃດຊ່ວຍ.*+
5 ລູກຖືກປະໄວ້ຢູ່ກັບຄົນທີ່ຕາຍແລ້ວ
ຄືກັບສົບທີ່ຢູ່ໃນຂຸມ
ເຊິ່ງເປັນຄົນທີ່ພະອົງບໍ່ຈື່
ແລະບໍ່ໄດ້ເບິ່ງແຍງແລ້ວ.*
6 ພະອົງປະລູກໄວ້ໃນຂຸມທີ່ເລິກທີ່ສຸດ
ໃນບ່ອນທີ່ມືດໆແລະໃນຂຸມເລິກທີ່ກວ້າງໃຫຍ່.
7 ພະອົງໃຈຮ້າຍໃຫ້ລູກຫຼາຍ. ລູກຮູ້ສຶກຄືກັບວ່າກຳລັງຖືກບີ້.+
ສິ່ງທີ່ພະອົງເຮັດເປັນຄືກັບຄື້ນໃຫຍ່ທີ່ຊັດໃສ່ລູກ. (ເຊລາ)*
8 ພະອົງໄລ່ຄົນທີ່ລູກຮູ້ຈັກໜີໄປໄກຈາກລູກ.+
ພະອົງເຮັດໃຫ້ເຂົາເຈົ້າຊັງລູກ.
ລູກຕິດກັບດັກແລະໜີໄປໃສບໍ່ໄດ້.
9 ຕາຂອງລູກເມື່ອຍຫຼາຍຍ້ອນຄວາມທຸກຂອງລູກ.+
ພະເຢໂຫວາເອີ້ຍ ລູກຮ້ອງຫາພະອົງໝົດມື້.+
ລູກອະທິດຖານເຖິງພະອົງ.
10 ຄົນທີ່ຕາຍແລ້ວຈະເຫັນການອັດສະຈັນຂອງພະອົງໄດ້ບໍ?
ຄົນທີ່ຕາຍແລ້ວຈະລຸກຂຶ້ນມາສັນລະເສີນພະອົງໄດ້ບໍ?+ (ເຊລາ)
11 ຈະມີການເວົ້າເຖິງຄວາມຮັກທີ່ໝັ້ນຄົງຂອງພະອົງໃນບ່ອນຝັງສົບບໍ?
ຈະມີການເວົ້າເຖິງຄວາມສັດຊື່ຂອງພະອົງໃນບ່ອນທີ່ມີການທຳລາຍ*ບໍ?
12 ຈະມີໃຜຮູ້ຈັກການອັດສະຈັນຂອງພະອົງໃນບ່ອນມືດບໍ?
ຈະມີໃຜຮູ້ຈັກຄວາມຍຸຕິທຳຂອງພະອົງໃນແຜ່ນດິນຂອງຄົນທີ່ຖືກລືມບໍ?+
13 ພະເຢໂຫວາເອີ້ຍ ລູກຍັງຮ້ອງຂໍໃຫ້ພະອົງຊ່ວຍຢູ່.+
ທຸກໆເຊົ້າຄຳອະທິດຖານຂອງລູກໄປຮອດພະອົງ.+
14 ພະເຢໂຫວາເອີ້ຍ ເປັນຫຍັງພະອົງຈຶ່ງຖິ້ມລູກ?+
ເປັນຫຍັງພະອົງຈຶ່ງປິ່ນໜ້າໜີຈາກລູກ?+
15 ຕັ້ງແຕ່ລູກຍັງໜຸ່ມ
ລູກກໍເຈິຄວາມທຸກແລະເກືອບຈະຕາຍ.+
ພະອົງປ່ອຍໃຫ້ລູກເຈິແຕ່ແນວບໍ່ດີຈົນລູກໝົດເຫື່ອໝົດແຮງແລ້ວ.
16 ພະອົງໃຈຮ້າຍໃຫ້ລູກຫຼາຍຈົນລູກຮູ້ສຶກໝົດແຮງ.+
ພະອົງເຮັດໃຫ້ລູກຢ້ານຫຼາຍ.
17 ຕັ້ງແຕ່ເຊົ້າຈົນຮອດແລງ ລູກຮູ້ສຶກຢ້ານຫຼາຍ.
ມັນເປັນຄືກັບນ້ຳຫຼາຍໆທີ່ໄຫຼມາໃສ່ລູກຈາກທຸກດ້ານ.*
18 ພະອົງໄລ່ໝູ່ຂອງລູກໃຫ້ໜີໄປໄກຈາກລູກ.+
ຄວາມມືດກໍກາຍມາເປັນໝູ່ຂອງລູກ.