ຈົດໝາຍເຖິງຄລິດສະຕຽນໃນເມືອງເອເຟໂຊ
2 ພະເຈົ້າເຮັດໃຫ້ພວກເຈົ້າມີຊີວິດຢູ່ ທັງໆທີ່ພວກເຈົ້າຕາຍໄປແລ້ວຍ້ອນບາບແລະການເຮັດຜິດ.+ 2 ພວກເຈົ້າເຄີຍໃຊ້ຊີວິດຄືກັບຄົນໃນໂລກທີ່ຢູ່ໃນຍຸກ*ນີ້+ ແລະເຮັດຕາມຄວາມຕ້ອງການຂອງຜູ້ມີອຳນາດທີ່ຄວບຄຸມນ້ຳໃຈຂອງໂລກ.+ ນ້ຳໃຈນີ້+ມີຢູ່ທຸກໆບ່ອນຄືກັບອາກາດແລະກຳລັງມີອິດທິພົນຕໍ່ຄົນທີ່ບໍ່ເຊື່ອຟັງ. 3 ແຕ່ກີ້ພວກເຮົາທຸກຄົນເຄີຍໃຊ້ຊີວິດເພື່ອເຮັດຕາມຄວາມຕ້ອງການທີ່ຜິດໆຄືກັບຄົນເຫຼົ່ານັ້ນ.+ ພວກເຮົາເຮັດສິ່ງທີ່ຮ່າງກາຍແລະຈິດໃຈຕ້ອງການ.+ ຕັ້ງແຕ່ເກີດມາ ພວກເຮົາເປັນຄົນທີ່ສົມຄວນຈະຖືກລົງໂທດ+ຄືກັບຄົນອື່ນໆ 4 ແຕ່ພະເຈົ້າມີຄວາມເມດຕາຫຼາຍແທ້ໆ+ແລະຮັກພວກເຮົາຫຼາຍອີ່ຫຼີ+ 5 ເພິ່ນຈຶ່ງໃຫ້ພວກເຮົາມີຊີວິດຮ່ວມກັບພະຄລິດເຖິງວ່າພວກເຮົາຕາຍໄປແລ້ວຍ້ອນການເຮັດຜິດ.+ ພວກເຈົ້າໄດ້ຮັບການຊ່ວຍໃຫ້ລອດກໍຍ້ອນຄວາມກະລຸນາທີ່ຍິ່ງໃຫຍ່ຂອງພະເຈົ້າ. 6 ເພິ່ນເຮັດໃຫ້ພວກເຮົາມີຊີວິດແລະໃຫ້ພວກເຮົານັ່ງຮ່ວມກັບພະຄລິດເຢຊູໃນສະຫວັນໃນຖານະລູກສິດຂອງເພິ່ນ.+ 7 ເພິ່ນເຮັດແບບນີ້ເພື່ອໃນອະນາຄົດ* ເພິ່ນຈະສະແດງຄວາມກະລຸນາທີ່ຍິ່ງໃຫຍ່ຕໍ່ພວກເຮົາຫຼາຍໆ ຕອນທີ່ເພິ່ນເຮັດດີຕໍ່ພວກເຮົາທີ່ເປັນລູກສິດຂອງພະຄລິດເຢຊູ.
8 ຄວາມກະລຸນາທີ່ຍິ່ງໃຫຍ່ນີ້ແຫຼະທີ່ເຮັດໃຫ້ພວກເຈົ້າໄດ້ຮັບຄວາມລອດຍ້ອນພວກເຈົ້າມີຄວາມເຊື່ອ.+ ຄວາມລອດນີ້ບໍ່ໄດ້ມາຈາກຄວາມພະຍາຍາມຂອງພວກເຈົ້າເອງ ແຕ່ເປັນຂອງຂວັນຈາກພະເຈົ້າ. 9 ໃນເມື່ອຄວາມລອດນີ້ບໍ່ໄດ້ມາຈາກການກະທຳ+ ຈຶ່ງບໍ່ມີຜູ້ໃດອວດໄດ້. 10 ພວກເຮົາເປັນຜົນງານຂອງພະເຈົ້າແລະຖືກສ້າງ+ໃຫ້ເປັນລູກສິດຂອງພະຄລິດເຢຊູ+ ເພື່ອພວກເຮົາຈະເຮັດຄວາມດີຕາມທີ່ເພິ່ນກຳນົດໄວ້ແລ້ວສຳລັບພວກເຮົາ.
11 ດັ່ງນັ້ນ ຂໍໃຫ້ຈື່ໄວ້ວ່າພວກເຈົ້າເປັນຄົນຕ່າງຊາດຕັ້ງແຕ່ເກີດ ແລະຄົນທີ່ຮັບສິນຕັດ*ໂດຍມະນຸດເຄີຍເອີ້ນພວກເຈົ້າວ່າ “ພວກບໍ່ຮັບສິນຕັດ.” 12 ຕອນນັ້ນ ພວກເຈົ້າບໍ່ຮູ້ຈັກພະຄລິດ ບໍ່ກ່ຽວຂ້ອງກັບຄົນອິດສະຣາເອນ ບໍ່ມີສ່ວນຮ່ວມໃນສັນຍາຕ່າງໆທີ່ກ່ຽວຂ້ອງກັບຄຳສັນຍາຂອງພະເຈົ້າ.+ ພວກເຈົ້າເຄີຍໃຊ້ຊີວິດໃນໂລກນີ້ໂດຍບໍ່ມີຄວາມຫວັງແລະບໍ່ຮູ້ຈັກພະເຈົ້າ.+ 13 ແຕ່ຕອນນີ້ ພວກເຈົ້າເປັນລູກສິດຂອງພະຄລິດເຢຊູແລ້ວ ພວກເຈົ້າທີ່ເຄີຍຢູ່ຫ່າງໄກຈາກພະເຈົ້າຈຶ່ງໄດ້ເຂົ້າມາໃກ້ເພິ່ນໂດຍອາໄສເລືອດຂອງພະຄລິດ. 14 ພະຄລິດເຮັດໃຫ້ພວກເຮົາມີສັນຕິສຸກ.+ ເພິ່ນເຮັດໃຫ້ 2 ກຸ່ມມາເປັນກຸ່ມດຽວກັນ+ແລະທຳລາຍກຳແພງທີ່ຂັ້ນລະຫວ່າງ 2 ກຸ່ມນັ້ນ.+ 15 ເມື່ອພະຄລິດສະລະຮ່າງກາຍຂອງໂຕເອງ ເພິ່ນໄດ້ຍົກເລີກກົດໝາຍຂອງໂມເຊທີ່ມີຂໍ້ກຳນົດແລະຄຳສັ່ງຕ່າງໆທີ່ເຮັດໃຫ້ 2 ກຸ່ມນັ້ນເປັນສັດຕູກັນ. ຈາກນັ້ນ ເພິ່ນເຮັດໃຫ້ 2 ກຸ່ມນັ້ນລວມເປັນກຸ່ມໃໝ່.+ ເຂົາເຈົ້າທຸກຄົນເປັນລູກສິດຂອງພະຄລິດ ແລະເພິ່ນເຮັດໃຫ້ເຂົາເຈົ້າມີສັນຕິສຸກ. 16 ຄວາມຕາຍຂອງພະຄລິດເທິງເສົາທໍລະມານ*+ເຮັດໃຫ້ທັງສອງກຸ່ມຄືນດີກັບພະເຈົ້າແລະລວມເຂົາເຈົ້າໃຫ້ເປັນກຸ່ມດຽວ* ຍ້ອນເພິ່ນໄດ້ກຳຈັດຕົ້ນເຫດທີ່ເຮັດໃຫ້ເປັນສັດຕູກັນໝົດໄປແລ້ວ.+ 17 ພະຄລິດມາປະກາດຂ່າວດີເລື່ອງສັນຕິສຸກກັບພວກເຈົ້າທີ່ເຄີຍຢູ່ຫ່າງໄກຈາກພະເຈົ້າແລະກັບຄົນກຸ່ມນັ້ນທີ່ຢູ່ໃກ້ກັບພະເຈົ້າ. 18 ເຄື່ອງບູຊາຂອງພະຄລິດເຮັດໃຫ້ພວກເຮົາ 2 ກຸ່ມເຂົ້າມາຫາພະເຈົ້າຜູ້ເປັນພໍ່ໄດ້ຍ້ອນພວກເຮົາໄດ້ຮັບພະລັງບໍລິສຸດອັນດຽວກັນ.
19 ດັ່ງນັ້ນ ພວກເຈົ້າຈຶ່ງບໍ່ແມ່ນຄົນແປກໜ້າຫຼືຄົນຕ່າງຊາດອີກຕໍ່ໄປ+ ແຕ່ເປັນພົນລະເມືອງ+ນຳກັນກັບພວກຜູ້ບໍລິສຸດແລະເປັນຄົນໃນຄອບຄົວຂອງພະເຈົ້າ.+ 20 ພວກເຈົ້າຖືກສ້າງເປັນຕຶກທີ່ມີຮາກຖານເປັນອັກຄະສາວົກ*ແລະພວກຜູ້ພະຍາກອນ+ ແລະມີພະຄລິດເຢຊູເປັນຫີນຫົວແຈ*ຂອງຮາກຖານນັ້ນ.+ 21 ການເປັນອັນໜຶ່ງອັນດຽວກັບພະຄລິດເຮັດໃຫ້ທຸກສ່ວນຂອງຕຶກເຊື່ອມຕໍ່ກັນຢ່າງດີ+ຈົນກາຍເປັນວິຫານທີ່ບໍລິສຸດສຳລັບພະເຢໂຫວາ.*+ 22 ໃນເມື່ອພວກເຈົ້າເປັນອັນໜຶ່ງອັນດຽວກັບພະຄລິດ ພະເຈົ້າຈຶ່ງສ້າງພວກເຈົ້າທັງໝົດໃຫ້ເປັນເຮືອນທີ່ເພິ່ນຢູ່ໂດຍທາງພະລັງຂອງເພິ່ນ.+