ເພງສັນລະເສີນ
118 ໃຫ້ຂອບໃຈພະເຢໂຫວາ ຍ້ອນເພິ່ນດີແທ້ໆ.+
ເພິ່ນມີຄວາມຮັກທີ່ໝັ້ນຄົງຕະຫຼອດໄປ.
2 ໃຫ້ອິດສະຣາເອນຮ້ອງວ່າ:
“ເພິ່ນມີຄວາມຮັກທີ່ໝັ້ນຄົງຕະຫຼອດໄປ.”
3 ໃຫ້ລູກຫຼານຂອງອາໂຣນຮ້ອງວ່າ:
“ເພິ່ນມີຄວາມຮັກທີ່ໝັ້ນຄົງຕະຫຼອດໄປ.”
4 ໃຫ້ຄົນທີ່ຢ້ານຢຳພະເຢໂຫວາຮ້ອງວ່າ:
“ເພິ່ນມີຄວາມຮັກທີ່ໝັ້ນຄົງຕະຫຼອດໄປ.”
5 ຂ້ອຍຮ້ອງຫາພະເຢໂຫວາ*ຕອນທີ່ຂ້ອຍມີຄວາມທຸກຫຼາຍ
6 ພະເຢໂຫວາຢູ່ຝ່າຍຂ້ອຍ ຂ້ອຍຈະບໍ່ຢ້ານຫຍັງ.+
ມະນຸດຈະເຮັດຫຍັງໃຫ້ຂ້ອຍໄດ້?+
8 ການໄວ້ໃຈວ່າພະເຢໂຫວາຈະປົກປ້ອງ
ດີກວ່າການໄວ້ໃຈມະນຸດ.+
9 ການໄວ້ໃຈວ່າພະເຢໂຫວາຈະປົກປ້ອງ
ດີກວ່າການໄວ້ໃຈພວກເຈົ້ານາຍ.+
10 ຊາດຕ່າງໆໄດ້ມາລ້ອມຂ້ອຍໄວ້
ແຕ່ຂ້ອຍໄລ່ເຂົາເຈົ້າກັບເມືອ
ໂດຍໄວ້ໃຈໃນອຳນາດຂອງຊື່ພະເຢໂຫວາ.+
11 ເຂົາເຈົ້າມາລ້ອມຂ້ອຍໄວ້ ເຂົາເຈົ້າລ້ອມຂ້ອຍໄວ້ທຸກດ້ານ
ແຕ່ຂ້ອຍໄລ່ເຂົາເຈົ້າກັບເມືອ
ໂດຍໄວ້ໃຈໃນອຳນາດຂອງຊື່ພະເຢໂຫວາ.
12 ເຂົາເຈົ້າມາລ້ອມຂ້ອຍໄວ້ຄືກັບຝູງເຜີ້ງ
ແຕ່ເຂົາເຈົ້າຖືກກຳຈັດບັກໄວໆຄືກັບຕົ້ນໜາມທີ່ຖືກໄຟໄໝ້.
ຂ້ອຍໄລ່ເຂົາເຈົ້າກັບເມືອ
ໂດຍໄວ້ໃຈໃນອຳນາດຂອງຊື່ພະເຢໂຫວາ.+
13 ເຂົາເຈົ້າຍູ້ຂ້ອຍບັກແຮງໆເພື່ອຈະໃຫ້ຂ້ອຍລົ້ມ
ແຕ່ພະເຢໂຫວາໄດ້ຊ່ວຍຂ້ອຍໄວ້.
15 ມີສຽງຮ້ອງດີໃຈມາຈາກເຕັ້ນຂອງຄົນທີ່ເຮັດສິ່ງທີ່ຖືກຕ້ອງ.
ເຂົາເຈົ້າໄດ້ຮັບຄວາມລອດ*ແລ້ວ.
ມືຂວາຂອງພະເຢໂຫວາມີລິດເດດຫຼາຍ.+
16 ມືຂວາຂອງພະເຢໂຫວາຖືກຍົກຂຶ້ນຍ້ອນໄດ້ໄຊຊະນະ.
ມືຂວາຂອງພະເຢໂຫວາມີລິດເດດຫຼາຍ.+
19 ພວກເຈົ້າເອີ້ຍ ຂໍເປີດປະຕູຂອງຄວາມຖືກຕ້ອງໃຫ້ຂ້ອຍແດ່.+
ຂ້ອຍຈະເຂົ້າໄປແລະສັນລະເສີນພະເຢໂຫວາ.*
20 ນີ້ແມ່ນປະຕູຂອງພະເຢໂຫວາ
ແລະຄົນທີ່ເຮັດສິ່ງທີ່ຖືກຕ້ອງຈະຜ່ານປະຕູນີ້ໄປໄດ້.+
21 ລູກຈະສັນລະເສີນພະອົງ ຍ້ອນພະອົງຕອບລູກ+
ແລະພະອົງເປັນຄວາມລອດຂອງລູກ.
24 ມື້ນີ້ເປັນມື້ທີ່ພະເຢໂຫວາກຳນົດໄວ້
ແລະເປັນມື້ທີ່ພວກເຮົາຈະດີໃຈແລະມີຄວາມສຸກຫຼາຍ.
25 ພະເຢໂຫວາ ຂໍພະອົງຊ່ວຍພວກເຮົາແດ່ ພວກເຮົາຂໍຮ້ອງ.
ພະເຢໂຫວາ ຂໍພະອົງຊ່ວຍພວກເຮົາໃຫ້ໄດ້ໄຊຊະນະ.
26 ຄົນທີ່ມາໃນນາມຂອງພະເຢໂຫວາຈະໄດ້ຮັບພອນ.+
ຈາກວິຫານຂອງພະເຢໂຫວາ ພວກເຮົາຂໍພະເຈົ້າອວຍພອນເຈົ້າ.
27 ພະເຢໂຫວາເປັນພະເຈົ້າ.
ເພິ່ນໃຫ້ແສງສະຫວ່າງກັບພວກເຮົາ.+
28 ພະອົງເປັນພະເຈົ້າຂອງລູກ ລູກຈະສັນລະເສີນພະອົງ.
ພະເຈົ້າຂອງລູກ ລູກຈະຍົກຍ້ອງພະອົງ.+