ເອຊາຢາ
59 ແຂນຂອງພະເຢໂຫວາສັ້ນໂພດຈົນຊ່ວຍພວກເຈົ້າບໍ່ໄດ້ບໍ?+
ແລະຫູຂອງເພິ່ນອຶງຈົນບໍ່ໄດ້ຍິນບໍ?+
2 ບໍ່ແມ່ນ. ແຕ່ຍ້ອນຄວາມຜິດຂອງພວກເຈົ້າຫັ້ນແຫຼະທີ່ເຮັດໃຫ້ພວກເຈົ້າຫ່າງຈາກພະເຈົ້າ.+
ຄວາມຜິດຂອງພວກເຈົ້າເຮັດໃຫ້ເພິ່ນປິ່ນໜ້າໜີຈາກພວກເຈົ້າ
ແລະເຮັດໃຫ້ເພິ່ນບໍ່ຟັງພວກເຈົ້າ.+
3 ມືຂອງພວກເຈົ້າເປື້ອນເລືອດ+
ແລະມີແຕ່ເຮັດຜິດ.
ປາກຂອງພວກເຈົ້າເວົ້າຕົວະ+ແລະເວົ້າແຕ່ເລື່ອງທີ່ບໍ່ດີ.
4 ບໍ່ມີໃຜຮຽກຮ້ອງໃຫ້ມີຄວາມຍຸຕິທຳ+
ແລະບໍ່ມີໃຜເວົ້າຄວາມຈິງໃນສານ.
ເຂົາເຈົ້າໄວ້ວາງໃຈໃນສິ່ງທີ່ບໍ່ມີຄ່າ+ແລະເວົ້າແຕ່ເລື່ອງທີ່ບໍ່ເປັນປະໂຫຍດ.
ເຂົາເຈົ້າຄິດແຕ່ແນວຊົ່ວໆແລະສິ່ງທີ່ສ້າງຄວາມເສຍຫາຍ.+
5 ເຂົາເຈົ້າຟັກໄຂ່ຂອງງູພິດ
ແລະຕ່ຳໃຍແມງມຸມເພື່ອເຮັດຜ້າ.+
ຜູ້ໃດທີ່ກິນໄຂ່ເຫຼົ່ານັ້ນຈະຕາຍ.
ສ່ວນໄຂ່ທີ່ແຕກກໍຈະມີງູພິດອອກມາ.
6 ຜ້າທີ່ຕ່ຳຈາກໃຍແມງມຸມນັ້ນເອົາມາເຮັດເຄື່ອງນຸ່ງບໍ່ໄດ້
ແລະຈະເອົາມາປົກໂຕກໍບໍ່ໄດ້ຄືກັນ.+
ສິ່ງທີ່ເຂົາເຈົ້າເຮັດເປັນອັນຕະລາຍ
ແລະມີແຕ່ຄວາມຮຸນແຮງ.+
7 ຕີນຂອງເຂົາເຈົ້າແລ່ນໄປເຮັດຊົ່ວ
ແລະຟ້າວໄປຂ້າຄົນທີ່ບໍ່ມີຄວາມຜິດ.+
ເຂົາເຈົ້າຄິດຈະເຮັດແຕ່ແນວບໍ່ດີໃຫ້ຄົນອື່ນ
ແລະເຮັດໃຫ້ເກີດຄວາມຈິບຫາຍແລະຄວາມທຸກຕາມທາງທີ່ເຂົາເຈົ້າໄປ.+
8 ເຂົາເຈົ້າບໍ່ເຄີຍຮູ້ຈັກແນວທາງທີ່ສະຫງົບສຸກ
ແລະບໍ່ມີຄວາມຍຸຕິທຳໃນທາງທີ່ເຂົາເຈົ້າທຽວ.+
ເຂົາເຈົ້າເຮັດໃຫ້ທາງນັ້ນຄົດ
ແລະທຸກຄົນທີ່ທຽວທາງນັ້ນຈະບໍ່ຮູ້ຈັກຄວາມສະຫງົບສຸກ.+
9 ຍ້ອນແນວນີ້ ພວກເຮົາຈຶ່ງຢູ່ຫ່າງໄກຈາກຄວາມຍຸຕິທຳ
ແລະຄວາມຖືກຕ້ອງກໍມາບໍ່ຮອດພວກເຮົາ.
ພວກເຮົາຫວັງຢູ່ສະເໝີວ່າຈະໄດ້ເຫັນແສງສະຫວ່າງ ແຕ່ພັດມີແຕ່ຄວາມມືດ.
ພວກເຮົາຫວັງວ່າຈະໄດ້ເຫັນມື້ທີ່ແຈ້ງ ແຕ່ພັດຍ່າງຢູ່ໃນຄວາມມືດ.+
10 ພວກເຮົາເອົາມືງົມໆທາວໆໄປຕາມກຳແພງຄືກັບຄົນຕາບອດ.
ພວກເຮົາງົມໆທາວໆຊອກຫາທາງຄືກັບຄົນທີ່ເບິ່ງບໍ່ເຫັນ.+
ຕອນກາງເວັນພວກເຮົາເຕະສະດຸດຄືກັບວ່າເປັນຕອນຄ່ຳ.
ພວກເຮົາເປັນຄືກັບຄົນທີ່ຕາຍແລ້ວໃນພວກຄົນທີ່ແຂງແຮງ.
11 ພວກເຮົາຮ້ອງຄາງຄືກັບໂຕໝີ
ແລະຮ້ອງສຽງໂສກເສົ້າຄືກັບນົກເຂົາ.
ພວກເຮົາຫວັງວ່າຈະມີຄວາມຍຸຕິທຳ ແຕ່ກໍບໍ່ມີເລີຍ
ແລະຫວັງວ່າຈະມີຄົນຊ່ວຍພວກເຮົາໃຫ້ລອດ ແຕ່ກໍບໍ່ມີໃຜຊ່ວຍພວກເຮົາ.
12 ພວກເຮົາກະບົດຕໍ່ພະອົງຫຼາຍເທື່ອ.+
ຄວາມຜິດທີ່ພວກເຮົາເຮັດເປັນຫຼັກຖານວ່າພວກເຮົາເປັນຝ່າຍຜິດ.+
ພວກເຮົາຮູ້ດີວ່າພວກເຮົາກະບົດ
ແລະເຮັດຜິດຫຍັງແດ່.+
13 ພວກເຮົາເຮັດຜິດແລະປະຕິເສດພະເຢໂຫວາ.
ພວກເຮົາປິ່ນຫຼັງໃຫ້ພະເຈົ້າຂອງພວກເຮົາ.
ພວກເຮົາມີແຕ່ເວົ້າເລື່ອງການກົດຂີ່ແລະການກະບົດ.+
ພວກເຮົາຄິດເຖິງວິທີຕົວະຄົນອື່ນແລ້ວກໍຕົວະເຂົາເຈົ້າຕາມນັ້ນ.+
14 ບໍ່ມີໃຜເຮັດສິ່ງທີ່ຍຸຕິທຳ+
ແລະບໍ່ມີໃຜເຮັດສິ່ງທີ່ຖືກຕ້ອງ.+
ຢູ່ເດີ່ນຂອງເມືອງບໍ່ມີໃຜເວົ້າຄວາມຈິງ*
ແລະຄົນທີ່ຍຸຕິທຳກໍເຂົ້າໄປຫັ້ນບໍ່ໄດ້.
16 ເພິ່ນແນມເບິ່ງແລະຕົກໃຈຫຼາຍ
ທີ່ບໍ່ມີໃຜຊ່ວຍເຂົາເຈົ້າ.
ເພິ່ນຈຶ່ງໃຊ້ລິດເດດຂອງເພິ່ນເພື່ອເຮັດໃຫ້ມີຄວາມລອດ.*
ເພິ່ນເຮັດແບບນີ້ກໍຍ້ອນເພິ່ນຍຸຕິທຳ.
17 ເພິ່ນເອົາຄວາມຍຸຕິທຳມາໃສ່ຄືກັບໃສ່ເສື້ອເກາະ
ແລະເອົາຄວາມລອດມາສຸບໃສ່ຫົວຄືກັບໃສ່ໝວກເກາະ.+
ເພິ່ນເອົາຄວາມຍຸຕິທຳມາໃສ່ເປັນເຄື່ອງນຸ່ງເພື່ອລົງໂທດພວກສັດຕູ+
ແລະເອົາຄວາມຕ້ອງການທີ່ຈະເຮັດສິ່ງທີ່ຖືກຕ້ອງມາໃສ່ຄືກັບໃສ່ເສື້ອຄຸມ.
18 ເພິ່ນຈະຕອບແທນເຂົາເຈົ້າຕາມຄວາມຜິດທີ່ເຂົາເຈົ້າເຮັດ.+
ເພິ່ນຈະສະແດງຄວາມໃຈຮ້າຍຕໍ່ພວກສັດຕູແລະລົງໂທດເຂົາເຈົ້າ.+
ເພິ່ນຈະເຮັດກັບຄົນທີ່ອາໄສຢູ່ຕາມເກາະຕ່າງໆໃຫ້ສົມກັບສິ່ງທີ່ເຂົາເຈົ້າເຮັດ.
19 ຄົນທີ່ຢູ່ທາງທິດຕາເວັນຕົກຈະຢ້ານຊື່ຂອງພະເຢໂຫວາ
ແລະຄົນທີ່ຢູ່ທາງທິດຕາເວັນອອກຈະຢ້ານແສງລັດສະໝີຂອງເພິ່ນ.
ພະເຢໂຫວາຈະມາໄວໆຄືກັບນ້ຳທີ່ໄຫຼຊັດແຮງໆ
ທີ່ຖືກພະລັງຂອງເພິ່ນຍູ້ໄປ.
20 ພະເຢໂຫວາເວົ້າວ່າ: “ຜູ້ທີ່ໄຖ່ເຈົ້າຄືນມາ+ຈະມາຊີໂອນ+
ມາຫາລູກຫຼານຂອງຢາໂຄບທີ່ເຊົາເຮັດຜິດ.”+
21 ພະເຢໂຫວາເວົ້າວ່າ: “ນີ້ແມ່ນສັນຍາທີ່ເຮົາເຮັດກັບເຂົາເຈົ້າ.”+ ພະເຢໂຫວາເວົ້າຕໍ່ອີກວ່າ: “ພະລັງບໍລິສຸດຂອງເຮົາທີ່ຢູ່ນຳເຈົ້າແລະຄຳເວົ້າຂອງເຮົາທີ່ເຮົາເອົາໃສ່ປາກເຈົ້າ ເຮົາຈະບໍ່ເອົາໄປຈາກເຈົ້າຫຼືຈາກລູກຫຼານຂອງເຈົ້າ. ມັນຈະຢູ່ນຳພວກເຈົ້າຕັ້ງແຕ່ຕອນນີ້ຈົນຮອດຕະຫຼອດໄປ.”