ຂ່າວຄາວສະບັບທີໜຶ່ງ
23 ເມື່ອດາວິດເຖົ້າຫຼາຍແລ້ວແລະໃກ້ຊິຕາຍ ລາວຈຶ່ງແຕ່ງຕັ້ງໂຊໂລໂມນລູກຊາຍຂອງລາວໃຫ້ເປັນກະສັດປົກຄອງອິດສະຣາເອນ.+ 2 ລາວໄດ້ເອີ້ນພວກເຈົ້ານາຍຂອງອິດສະຣາເອນ ພວກປະໂລຫິດ+ ແລະພວກເລວີໃຫ້ມາຫາ.+ 3 ລາວນັບຜູ້ຊາຍໃນຕະກູນເລວີທີ່ອາຍຸ 30 ປີຂຶ້ນໄປ+ ລວມທັງໝົດມີ 38.000 ຄົນ. 4 ໃນຈຳນວນນີ້ 24.000 ຄົນເບິ່ງແຍງວຽກໃນວິຫານຂອງພະເຢໂຫວາ 6.000 ຄົນເປັນຂ້າລາຊະການແລະຜູ້ຕັດສິນ+ 5 4.000 ຄົນເຮັດວຽກຍາມປະຕູ+ ແລະອີກ 4.000 ຄົນຫຼິ້ນດົນຕີເພື່ອສັນລະເສີນ+ພະເຢໂຫວາ. ດາວິດເວົ້າວ່າ: “ຂ້ອຍເອົາເຄື່ອງດົນຕີເຫຼົ່ານີ້ໃຫ້ເຂົາເຈົ້າຫຼິ້ນເພື່ອສັນລະເສີນພະເຈົ້າ.”
6 ດາວິດໄດ້ແບ່ງເຂົາເຈົ້າອອກເປັນ 3 ກຸ່ມ+ຕາມລູກຊາຍຂອງເລວີຄື: ລູກຫຼານເກໂຊນ ລູກຫຼານໂກຮາດ ແລະລູກຫຼານເມຣາຣີ.+ 7 ລູກຊາຍຂອງເກໂຊນຊື່ລາດານແລະຊິເມອີ. 8 ລາດານມີລູກຊາຍ 3 ຄົນຊື່ເຢຮີເອນ ເຊທາມ ແລະໂຢເອນ.+ ເຢຮີເອນເປັນຫົວໜ້າຂອງເຂົາເຈົ້າ. 9 ຊິເມອີ*ມີລູກຊາຍ 3 ຄົນຊື່ເຊໂລໂມດ ຮາຊີເອນ ແລະຮາຣານ. ທັງໝົດນີ້ເປັນຫົວໜ້າໃນຈຸ້ມເຈື້ອຕ່າງໆຂອງລູກຫຼານລາດານ. 10 ຊິເມອີ*ມີລູກຊາຍ 4 ຄົນຊື່ຢາຮາດ ຊີນາ* ເຢອຸດ ແລະເບຣິອາ. 11 ຢາຮາດເປັນຫົວໜ້າຂອງເຂົາເຈົ້າ ແລະຜູ້ທີ 2 ແມ່ນຊິຊາ. ແຕ່ເຢອຸດກັບເບຣິອາບໍ່ມີລູກຊາຍຫຼາຍຄົນ ເຂົາເຈົ້າຈຶ່ງຖືກນັບເປັນຈຸ້ມເຈື້ອດຽວກັນແລະເຮັດວຽກອັນດຽວກັນ.
12 ໂກຮາດມີລູກຊາຍ 4 ຄົນຊື່ອຳຣາມ ອິດຊະຮາ+ ເຮັບໂຣນ ແລະອຸດຊີເອນ.+ 13 ອຳຣາມມີລູກຊາຍຊື່ອາໂຣນ+ແລະໂມເຊ.+ ອາໂຣນກັບພວກລູກຊາຍຂອງລາວຖືກແຍກໄວ້ຖາວອນ+ເພື່ອຮັບໃຊ້ໃນບ່ອນບໍລິສຸດທີ່ສຸດ ເຜົາເຄື່ອງບູຊາໃຫ້ພະເຢໂຫວາ ຮັບໃຊ້ເພິ່ນ ແລະເປັນຕົວແທນຂອງເພິ່ນເພື່ອອວຍພອນປະຊາຊົນຕະຫຼອດໄປ.+ 14 ພວກລູກຊາຍຂອງໂມເຊຜູ້ຮັບໃຊ້ຂອງພະເຈົ້າທ່ຽງແທ້ກໍມີຊື່ຢູ່ໃນຕະກູນເລວີ. 15 ໂມເຊມີລູກຊາຍຊື່ເກໂຊມ+ແລະເອລີເອເຊ.+ 16 ໃນພວກລູກຫຼານຂອງເກໂຊມ ເຊບູເອນ+ເປັນຫົວໜ້າ. 17 ໃນພວກລູກຫຼານ*ຂອງເອລີເອເຊ ເຣຮາບີຢາ+ເປັນຫົວໜ້າ. ເອລີເອເຊມີລູກຊາຍຄົນດຽວ ແຕ່ເຣຮາບີຢາມີລູກຊາຍຫຼາຍຄົນ. 18 ໃນພວກລູກຊາຍຂອງອິດຊະຮາ+ ເຊໂລມິດ+ເປັນຫົວໜ້າ. 19 ໃນພວກລູກຊາຍຂອງເຮັບໂຣນ ເຢເຣຍເປັນຫົວໜ້າ ອາມາຣີຢາເປັນຜູ້ທີ 2 ຢາຮາຊີເອນເປັນຜູ້ທີ 3 ແລະເຢກາເມອາມ+ເປັນຜູ້ທີ 4. 20 ໃນພວກລູກຊາຍຂອງອຸດຊີເອນ+ ມີກາເປັນຫົວໜ້າ ແລະອິດຊີຢາເປັນຜູ້ທີ 2.
21 ເມຣາຣີມີລູກຊາຍຊື່ມາລີແລະມູຊີ.+ ມາລີມີລູກຊາຍຊື່ເອເລອາຊາແລະກີເຊ. 22 ຕອນທີ່ເອເລອາຊາຕາຍ ລາວບໍ່ມີລູກຊາຍມີແຕ່ລູກສາວ. ພວກລູກຊາຍຂອງກີເຊທີ່ເປັນພີ່ນ້ອງ*ກັນຈຶ່ງເອົາພວກລູກສາວຂອງລາວໄປເປັນເມຍ. 23 ມູຊີມີລູກຊາຍ 3 ຄົນຊື່ມາລີ ເອເດ ແລະເຢເຣໂມດ.
24 ທັງໝົດນີ້ແມ່ນລູກຫຼານຂອງເລວີຕາມຈຸ້ມເຈື້ອຕ່າງໆແລະຕາມຫົວໜ້າໃນຈຸ້ມເຈື້ອຕ່າງໆຂອງເຂົາເຈົ້າ. ທຸກຄົນທີ່ອາຍຸ 20 ປີຂຶ້ນໄປກໍຖືກນັບແລະຖືກຈົດຊື່ໃຫ້ເຮັດວຽກຮັບໃຊ້ຢູ່ວິຫານຂອງພະເຢໂຫວາ. 25 ດາວິດເວົ້າວ່າ: “ພະເຢໂຫວາພະເຈົ້າຂອງອິດສະຣາເອນບໍ່ໄດ້ໃຫ້ພວກສັດຕູມາໂຈມຕີປະຊາຊົນຂອງເພິ່ນແລ້ວ+ ແລະເພິ່ນຈະຢູ່ເມືອງເຢຣູຊາເລັມຕະຫຼອດໄປ.+ 26 ພວກເລວີກໍບໍ່ຕ້ອງຍ້າຍເຕັ້ນສັກສິດແລະອຸປະກອນຕ່າງໆສຳລັບການນະມັດສະການອີກຕໍ່ໄປ.”+ 27 ຄຳສັ່ງສຸດທ້າຍຂອງດາວິດກໍຄື ໃຫ້ນັບຈຳນວນພວກເລວີທີ່ມີອາຍຸຕັ້ງແຕ່ 20 ປີຂຶ້ນໄປ. 28 ເຂົາເຈົ້າຈະຊ່ວຍລູກຫຼານຂອງອາໂຣນ+ຮັບໃຊ້ຢູ່ວິຫານຂອງພະເຢໂຫວາ. ນອກຈາກນັ້ນ ເຂົາເຈົ້າຍັງມີໜ້າທີ່ເບິ່ງແຍງເດີ່ນວິຫານ+ ເບິ່ງແຍງຫ້ອງກິນເຂົ້າ ເຮັດໃຫ້ເຄື່ອງໃຊ້ຕ່າງໆບໍລິສຸດ ແລະເຮັດວຽກອື່ນໆທີ່ກ່ຽວຂ້ອງກັບການນະມັດສະການຢູ່ວິຫານຂອງພະເຈົ້າທ່ຽງແທ້. 29 ເຂົາເຈົ້າຊ່ວຍກຽມເຂົ້າຈີ່ທີ່ຢອງຊ້ອນກັນ*+ ແປ້ງລະອຽດສຳລັບເຄື່ອງບູຊາທີ່ເຮັດຈາກເມັດເຂົ້າ ເຂົ້າຈີ່ບໍ່ມີເຊື້ອແຜ່ນບາງໆ+ ແລະເຂົ້າຈີ່ທີ່ຂາງຢູ່ເທິງໝໍ້. ເຂົາເຈົ້ານວດແປ້ງ+ ຊັ່ງນ້ຳໜັກ ແລະແທກເຄື່ອງຕ່າງໆ. 30 ທຸກໆຕອນເຊົ້າ+ແລະຕອນແລງ+ ເຂົາເຈົ້າຈະຢືນຂອບໃຈແລະສັນລະເສີນພະເຢໂຫວາ. 31 ທຸກໆວັນຊະບາໂຕ+ ມື້ເດືອນອອກໃໝ່+ ແລະມື້ເທດສະການຕ່າງໆ+ ເຂົາເຈົ້າຈະຊ່ວຍຕອນທີ່ເຜົາເຄື່ອງບູຊາໃຫ້ພະເຢໂຫວາຕາມທີ່ກົດໝາຍກຳນົດໄວ້. ເຂົາເຈົ້າເຮັດແບບນີ້ເປັນປະຈຳຕໍ່ໜ້າພະເຢໂຫວາ. 32 ເຂົາເຈົ້າຮັບຜິດຊອບວຽກຢູ່ເຕັ້ນສັກສິດ*ແລະຢູ່ບ່ອນບໍລິສຸດ ລວມທັງຊ່ວຍລູກຫຼານຂອງອາໂຣນໃນການນະມັດສະການຢູ່ວິຫານຂອງພະເຢໂຫວາ.