ເພງສັນລະເສີນ
ເພງສຳລັບຍ່າງຂຶ້ນ.* ເພງຂອງດາວິດ.
133 ເມື່ອພີ່ນ້ອງມາຢູ່ຮ່ວມກັນແບບເປັນນ້ຳໜຶ່ງໃຈດຽວ
ມັນກໍດີແທ້ໆແລະເຮັດໃຫ້ຊື່ນໃຈຫຼາຍ.+
2 ມັນເປັນຄືກັບນ້ຳມັນຢ່າງດີທີ່ຖືກເທໃສ່ຫົວ+ຂອງອາໂຣນ
ແລ້ວໄຫຼລົງມາໃສ່ເຄົາຂອງລາວ+
ແລະໄຫຼໄປໃສ່ຄໍເສື້ອຂອງລາວ.
3 ມັນເປັນຄືກັບນ້ຳຄ້າງຈາກພູເຮີໂມນ+ທີ່ຕົກລົງມາໃສ່ພູຕ່າງໆຢູ່ຊີໂອນ.+
ພະເຢໂຫວາສັນຍາວ່າຈະໃຫ້ພອນຢູ່ບ່ອນນັ້ນ.
ພອນນັ້ນແມ່ນຊີວິດຕະຫຼອດໄປ.