ເອຊາຢາ
9 ແຕ່ຄວາມມືດນັ້ນຈະບໍ່ຄືກັບຄວາມມືດທີ່ເຄີຍເກີດຂຶ້ນຕອນທີ່ແຜ່ນດິນເຊບູລູນແລະແຜ່ນດິນນັບທາລີຖືກດູຖູກແລະມີຄວາມລຳບາກ+ ຍ້ອນວ່າພະເຈົ້າຈະເຮັດໃຫ້ທາງໄປທະເລ ເຂດແມ່ນ້ຳຈໍແດນ ແລະເຂດຄາລີເລທີ່ຄົນຕ່າງຊາດອາໄສຢູ່ໄດ້ຮັບກຽດ.
2 ປະຊາຊົນທີ່ເຄີຍຍ່າງຢູ່ໃນຄວາມມືດ
ໄດ້ເຫັນແສງສະຫວ່າງທີ່ແຈ້ງໆ.
ສ່ວນຄົນທີ່ຢູ່ໃນແຜ່ນດິນທີ່ມີແຕ່ຄວາມມືດ
ແສງສະຫວ່າງໄດ້ສ່ອງລົງມາໃສ່ເຂົາເຈົ້າແລ້ວ.+
3 ພະອົງເຮັດໃຫ້ຄົນໃນຊາດນີ້ເພີ່ມຂຶ້ນ.
ພະອົງເຮັດໃຫ້ເຂົາເຈົ້າມີຄວາມສຸກຫຼາຍ.
ພະອົງເຫັນເຂົາເຈົ້າມີຄວາມສຸກ
ຄືກັບຄົນທີ່ມີຄວາມສຸກໃນຍາມເກັບກ່ຽວ
ແລະຄືກັບຄົນທີ່ມີຄວາມສຸກທີ່ໄດ້ແບ່ງປັນເຄື່ອງທີ່ຍຶດມາໄດ້ໃຫ້ຄົນອື່ນ.
4 ພະອົງໄດ້ທຳລາຍແອກທີ່ເປັນພາລະຂອງເຂົາເຈົ້າ
ທຳລາຍໄມ້ແສ້ທີ່ເຄີຍໃຊ້ຕີບ່າເຂົາເຈົ້າແລະທຳລາຍໄມ້ຄ້ອນເທົ້າຂອງພວກຫົວໜ້າສັ່ງວຽກ
ຄືກັບໃນສະໄໝທີ່ພະອົງຕໍ່ສູ້ຊະນະພວກມີດີອານ.+
5 ເກີບທຸກຄູ່ຂອງທະຫານທີ່ເຮັດໃຫ້ພື້ນດິນສະເທືອນຕອນທີ່ເຂົາເຈົ້າທືບຕີນຍາມລຽນແຖວ
ແລະເຄື່ອງນຸ່ງທຸກໂຕຂອງເຂົາເຈົ້າທີ່ມີແຕ່ເລືອດ
ຈະເປັນແນວອ່ອຍໄຟ.
ລາວຈະຖືກເອີ້ນວ່າທີ່ປຶກສາທີ່ສະຫຼາດ+ ພະເຈົ້າທີ່ມີລິດເດດ+ ຜູ້ທີ່ເປັນພໍ່ຕະຫຼອດໄປ ແລະຜູ້ປົກຄອງທີ່ເຮັດໃຫ້ມີຄວາມສະຫງົບສຸກ.
7 ລາວຈະປົກຄອງຢູ່ເທິງບັນລັງຂອງດາວິດ.+
ລາວຈະປົກຄອງທົ່ວທຸກບ່ອນ
ແລະທຸກສິ່ງທີ່ລາວປົກຄອງຈະມີຄວາມສະຫງົບສຸກຕະຫຼອດໄປ.+
ການປົກຄອງນີ້ຈະໝັ້ນຄົງ+
ແລະຈະມີຄວາມຖືກຕ້ອງ+ແລະຍຸຕິທຳ+
ຕັ້ງແຕ່ຕອນນີ້ຈົນຕະຫຼອດໄປ.
ພະເຢໂຫວາຜູ້ບັນຊາການກອງທັບຕັ້ງໃຈຈະເຮັດສິ່ງເຫຼົ່ານີ້ໃຫ້ສຳເລັດ.
8 ພະເຢໂຫວາໄດ້ປະກາດຄຳຕັດສິນຕໍ່ຢາໂຄບ
ແລະມັນຈະເກີດຂຶ້ນແທ້ກັບອິດສະຣາເອນ.+
9 ພວກເອຟຣາຢິມທຸກຄົນ
ແລະຄົນໃນເມືອງຊາມາເຣຍທຸກຄົນຈະຮູ້ເລື່ອງນີ້.
ເຂົາເຈົ້າຍິ່ງຈອງຫອງແລະເວົ້າວ່າ:
11 ພະເຢໂຫວາຈະເຮັດໃຫ້ສັດຕູຂອງເຣຊິນມາຕໍ່ສູ້ອິດສະຣາເອນ
ແລະຈະກະຕຸ້ນພວກສັດຕູຂອງອິດສະຣາເອນໃຫ້ມາໂຈມຕີເຂົາເຈົ້ານຳອີກ.
12 ພວກຊີເຣຍຈະມາຈາກທິດຕາເວັນອອກ ແລະພວກຟີລິດສະຕີນຈະມາຈາກທິດຕາເວັນຕົກ.+
ເຂົາເຈົ້າຈະມາໂຈມຕີອິດສະຣາເອນຄືກັບສັດປ່າທີ່ກັດກິນເຫຍື່ອ+
ແຕ່ເພິ່ນກໍຈະບໍ່ເຊົາໃຈຮ້າຍ.
ເພິ່ນຈະເດ່ມືອອກເພື່ອລົງໂທດເຂົາເຈົ້າອີກ.+
13 ຍ້ອນເຂົາເຈົ້າຍັງບໍ່ຍອມກັບມາຫາພະເຈົ້າທີ່ລົງໂທດເຂົາເຈົ້າ.
ເຂົາເຈົ້າບໍ່ຍອມຊອກຫາພະເຢໂຫວາຜູ້ບັນຊາການກອງທັບ.+
14 ພະເຢໂຫວາຈະຕັດຫົວຕັດຫາງຂອງອິດສະຣາເອນ.
ເພິ່ນຈະຕັດໜໍ່ກັບຕົ້ນຜື*ຂອງເຂົາເຈົ້າໃນມື້ດຽວກັນ.+
15 ຫົວໝາຍເຖິງພວກຜູ້ນຳທີ່ຫຼາຍຄົນນັບຖື.
ຫາງໝາຍເຖິງພວກຜູ້ພະຍາກອນທີ່ສອນຜິດ.+
16 ພວກຫົວໜ້າພາປະຊາຊົນຫຼົງທາງ
ແລະທຸກຄົນທີ່ນຳເຂົາເຈົ້າໄປກໍສັບສົນ.
17 ຍ້ອນແນວນີ້ ພະເຢໂຫວາຈຶ່ງບໍ່ພໍໃຈກັບພວກຜູ້ຊາຍໜຸ່ມຂອງເຂົາເຈົ້າ.
ເພິ່ນຈະບໍ່ອີ່ຕົນລູກກຳພ້າແລະແມ່ໝ້າຍຂອງເຂົາເຈົ້າ.
ເຂົາເຈົ້າທຸກຄົນເຮັດຊົ່ວແລະທໍລະຍົດພະເຈົ້າ+
ແລະເວົ້າແຕ່ເລື່ອງທີ່ບໍ່ເປັນປະໂຫຍດ.
ແຕ່ເພິ່ນກໍຈະບໍ່ເຊົາໃຈຮ້າຍ.
ເພິ່ນຈະເດ່ມືອອກເພື່ອລົງໂທດເຂົາເຈົ້າອີກ.+
18 ຄວາມຊົ່ວຂອງເຂົາເຈົ້າຈະເປັນຄືກັບໄຟ.
ມັນຈະລາມໄປຈູດຟຸ່ມໜາມແລະຫຍ້າຈົນໝົດ.
ມັນຈະລາມໄປຈູດຟຸ່ມໄມ້ທີ່ຢູ່ໃນປ່າ
ແລະເຮັດໃຫ້ຄວັນກຸ້ມຂຶ້ນບັກແຮງໆ.
19 ຄວາມໃຈຮ້າຍຂອງພະເຢໂຫວາຜູ້ບັນຊາການກອງທັບ
ເຮັດໃຫ້ແຜ່ນດິນເກີດໄຟໄໝ້.
ປະຊາຊົນຈະເປັນຟືນໃຫ້ໄຟນັ້ນ
ແລະຈະບໍ່ມີໃຜຊ່ວຍອ້າຍເອື້ອຍນ້ອງຂອງໂຕເອງໃຫ້ລອດ.
20 ເຖິງວ່າບາງຄົນຈະປາດຊີ້ນທີ່ຢູ່ເບື້ອງຂວາມາກິນ
ແຕ່ເຂົາເຈົ້າກໍຈະບໍ່ອີ່ມ
ແລະເຖິງວ່າບາງຄົນຈະປາດຊີ້ນທີ່ຢູ່ເບື້ອງຊ້າຍມາກິນ
ແຕ່ເຂົາເຈົ້າກໍຈະບໍ່ອີ່ມຄືກັນ.
ແຕ່ລະຄົນຈະກິນຊີ້ນແຂນຂອງໂຕເອງ.
21 ມານາເຊຈະກິນເອຟຣາຢິມ
ແລະເອຟຣາຢິມຈະກິນມານາເຊ.
ທັງສອງຈະໄປໂຈມຕີຢູດາ.+
ແຕ່ພະເຈົ້າກໍຈະບໍ່ເຊົາໃຈຮ້າຍ.
ເພິ່ນຈະເດ່ມືອອກເພື່ອລົງໂທດເຂົາເຈົ້າອີກ.+