ເພງສັນລະເສີນ
135 ໃຫ້ສັນລະເສີນພະເຢໂຫວາ.*
ໃຫ້ສັນລະເສີນຊື່ຂອງພະເຢໂຫວາ.
ພວກເຈົ້າທີ່ເປັນຜູ້ຮັບໃຊ້ພະເຢໂຫວາ ໃຫ້ສັນລະເສີນເພິ່ນ.+
2 ພວກເຈົ້າທີ່ຮັບໃຊ້ຢູ່ວິຫານຂອງພະເຢໂຫວາ
ຢູ່ເດີ່ນວິຫານຂອງພະເຈົ້າຂອງພວກເຮົາ+
3 ໃຫ້ສັນລະເສີນພະເຢໂຫວາ* ຍ້ອນພະເຢໂຫວາດີແທ້ໆ.+
ໃຫ້ຮ້ອງເພງ*ສັນລະເສີນຊື່ຂອງເພິ່ນ ຍ້ອນເປັນເລື່ອງທີ່ດີຫຼາຍ.
4 ພະເຢໂຫວາ*ໄດ້ເລືອກຢາໂຄບໄວ້ສຳລັບເພິ່ນ
ແລະເພິ່ນໄດ້ເລືອກອິດສະຣາເອນໃຫ້ເປັນຊັບສົມບັດພິເສດ*ຂອງເພິ່ນ.+
5 ຂ້ອຍຮູ້ດີວ່າພະເຢໂຫວາເປັນພະເຈົ້າທີ່ຍິ່ງໃຫຍ່.
ຜູ້ເປັນນາຍຂອງພວກເຮົາຍິ່ງໃຫຍ່ກວ່າພະເຈົ້າອື່ນໆທັງໝົດ.+
6 ພະເຢໂຫວາເຮັດທຸກສິ່ງທຸກຢ່າງຕາມທີ່ເພິ່ນຕ້ອງການ+
ທັງໃນສະຫວັນແລະໃນໂລກ ທັງໃນທະເລແລະໃນບ່ອນທີ່ເລິກໆ.
7 ເພິ່ນເຮັດໃຫ້ຂີ້ເຝື້ອ*ລອຍມາຈາກສຸດຂອບໂລກ.
ເພິ່ນເຮັດໃຫ້ມີຟ້າແມບຟ້າຜ່າຕອນຝົນຕົກ*
ແລະເພິ່ນເອົາລົມອອກມາຈາກສາງຂອງເພິ່ນ.+
8 ເພິ່ນຂ້າລູກຊາຍຜູ້ທຳອິດທຸກຄົນຂອງຄົນເອຢິບ
ແລະເພິ່ນຂ້າລູກສັດໂຕຜູ້ໂຕທຳອິດຂອງເຂົາເຈົ້ານຳ.+
10 ເພິ່ນໄດ້ທຳລາຍຊາດຕ່າງໆ+
ແລະໄດ້ຂ້າກະສັດທີ່ຍິ່ງໃຫຍ່+
11 ເຊິ່ງກໍຄືສີໂຮນກະສັດຂອງພວກອາໂມ+
ແລະໂອກກະສັດຂອງບາຊານ.+
ເພິ່ນໄດ້ເອົາຊະນະຊາດຕ່າງໆທັງໝົດໃນແຜ່ນດິນການາອານ.
12 ເພິ່ນເອົາແຜ່ນດິນຂອງເຂົາເຈົ້າໃຫ້ເປັນມໍລະດົກ
ເປັນມໍລະດົກຂອງພວກອິດສະຣາເອນປະຊາຊົນຂອງເພິ່ນ.+
13 ພະເຢໂຫວາເອີ້ຍ ຊື່ຂອງພະອົງຈະໝັ້ນຄົງຕະຫຼອດໄປ.
ພະເຢໂຫວາເອີ້ຍ ຊື່ສຽງ*ຂອງພະອົງຈະມີຢູ່ຕະຫຼອດທຸກຍຸກທຸກສະໄໝ.+
15 ຮູບບູຊາຂອງຊາດຕ່າງໆເຮັດຈາກເງິນຈາກຄຳ
ແລະເປັນສິ່ງທີ່ມະນຸດເຮັດຂຶ້ນມາ.+
ແລະບໍ່ມີລົມຫາຍໃຈອອກມາຈາກປາກ.+
19 ລູກຫຼານຂອງອິດສະຣາເອນເອີ້ຍ ໃຫ້ສັນລະເສີນພະເຢໂຫວາ.
ລູກຫຼານຂອງອາໂຣນເອີ້ຍ ໃຫ້ສັນລະເສີນພະເຢໂຫວາ.
20 ລູກຫຼານຂອງເລວີເອີ້ຍ ໃຫ້ສັນລະເສີນພະເຢໂຫວາ.+
ພວກເຈົ້າທີ່ຢ້ານຢຳພະເຢໂຫວາ ໃຫ້ສັນລະເສີນພະເຢໂຫວາ.