ບົດຮຽນ 16

ການ​ຕັດສິນ​ໃຈ​ຂອງ​ທ່ານ​ທີ່​ຈະ​ຮັບໃຊ້​ພະ​ຜູ້​ສ້າງ

ທ່ານ​ຕ້ອງ​ເຮັດ​ຫຍັງ​ເພື່ອ​ຈະ​ກາຍ​ເປັນ​ເພື່ອນ​ຂອງ​ພະເຈົ້າ? (1, 2)

ທ່ານ​ຈະ​ອຸທິດ​ຊີວິດ​ຂອງ​ທ່ານ​ແດ່​ພະເຈົ້າ​ຢ່າງ​ໃດ? (1)

ທ່ານ​ຄວນ​ຮັບ​ບັບເຕມາ​ເມື່ອ​ໃດ? (2)

ທ່ານ​ຈະ​ໄດ້​ຮັບ​ກຳລັງ​ເພື່ອ​ຮັກສາ​ຄວາມ​ສັດ​ຊື່​ຕໍ່​ພະເຈົ້າ​ໂດຍ​ວິທີ​ໃດ? (3)

1. ເພື່ອ​ທີ່​ຈະ​ກາຍ​ເປັນ​ເພື່ອນ​ຂອງ​ພະເຈົ້າ ທ່ານ​ຕ້ອງ ຮັບ​ຄວາມ​ຮູ້​ກ່ຽວ​ກັບ​ຄວາມ​ຈິງ​ໃນ​ຄຳພີ​ໄບເບິນ​ຢ່າງ​ດີ (1 ຕີໂມເຕ 2:3, 4), ມີ​ຄວາມ​ເຊື່ອ​ໃນ​ສິ່ງ​ທີ່​ທ່ານ​ໄດ້​ຮຽນ​ຮູ້ (ເຫບເລິ 11:6), ກັບ​ໃຈ​ຈາກ​ການ​ບາບ​ຂອງ​ທ່ານ (ກິດຈະການ 17:30, 31), ແລະ​ຫັນ​ກັບ​ປ່ຽນ​ຈາກ​ແນວ​ທາງ​ຊີວິດ​ເດີມ​ຂອງ​ທ່ານ. (ກິດຈະການ 3:19) ຄັ້ນ​ແລ້ວ​ຄວາມ​ຮັກ​ຕໍ່​ພະເຈົ້າ​ໜ້າ​ຈະ​ກະຕຸ້ນ​ໃຈ​ທ່ານ​ໃຫ້​ອຸທິດ​ຕົວ​ທ່ານ​ແດ່​ພະອົງ. ນີ້​ໝາຍ​ຄວາມ​ວ່າ ທ່ານ​ທູນ​ຕໍ່​ພະອົງ​ດ້ວຍ​ການ​ອະທິດຖານ​ເປັນ​ສ່ວນ​ຕົວ ທ່ານ​ຖວາຍ​ຕົວ​ທ່ານ​ແດ່​ພະອົງ​ເພື່ອ​ເຮັດ​ຕາມ​ພະໄທ​ປະສົງ​ຂອງ​ພະອົງ.—ມັດທາຍ 16:24; 22:37.

2. ຫຼັງ​ຈາກ​ທ່ານ​ໄດ້​ອຸທິດ​ຕົວ​ທ່ານ​ແດ່​ພະເຈົ້າ​ແລ້ວ ທ່ານ​ຄວນ​ຈະ​ຮັບ​ບັບເຕມາ. (ມັດທາຍ 28:19, 20)a ການ​ຮັບ​ບັບເຕມາ​ບອກ​ໃຫ້​ທຸກໆ ຄົນ​ຮູ້​ວ່າ ທ່ານ​ໄດ້​ອຸທິດ​ຕົວ​ແດ່​ພະ​ເຢໂຫວາ​ແລ້ວ. ດັ່ງ​ນັ້ນ ການ​ຮັບ​ບັບເຕມາ​ແມ່ນ​ເລື່ອງ​ສະເພາະ​ສຳລັບ​ຄົນ​ເຫຼົ່າ​ນັ້ນ​ຜູ້​ມີ​ອາຍຸ​ພຽງ​ພໍ​ທີ່​ຈະ​ຕັດສິນ​ໃຈ​ຮັບໃຊ້​ພະເຈົ້າ. ເມື່ອ​ຄົນ​ເຮົາ​ຮັບ​ບັບເຕມາ ຮ່າງ​ກາຍ​ທຸກ​ສ່ວນ​ຂອງ​ເຂົາ​ຄວນ​ຈຸ່ມ​ມິດ​ໃນ​ນ້ຳ​ບຶດ​ດຽວ​ນຶ່ງ.—ມາລະໂກ 1:9, 10; ກິດຈະການ 8:36.

3. ຫຼັງ​ຈາກ​ທ່ານ​ອຸທິດ​ຕົວ​ແລ້ວ ພະ​ເຢໂຫວາ​ຈະ​ຄາດ​ໝາຍ​ໃຫ້​ທ່ານ​ດຳເນີນ​ຊີວິດ​ຕາມ​ຄຳ​ສັນຍາ​ຂອງ​ທ່ານ. (ຄຳເພງ 50:14; ຜູ້​ເທສະໜາ​ປະກາດ 5:4, 5) ພະຍາມານ​ຈະ​ພະຍາຍາມ​ໃຫ້​ທ່ານ​ເລີກ​ຮັບໃຊ້​ພະ​ເຢໂຫວາ. (1 ເປໂຕ 5:8) ແຕ່​ຈົ່ງ​ເຂົ້າ​ໃກ້​ພະເຈົ້າ​ດ້ວຍ​ການ​ອະທິດຖານ. (ຟີລິບ 4:6, 7) ຈົ່ງ​ສຶກສາ​ພະ​ຄຳ​ຂອງ​ພະອົງ​ທຸກ​ມື້. (ຄຳເພງ 1:1-3) ຈົ່ງ​ຕິດ​ສະໜິດ​ກັບ​ປະຊາຄົມ. (ເຫບເລິ 13:17) ດ້ວຍ​ການ​ເຮັດ​ສິ່ງ​ທັງ​ປວງ​ເຫຼົ່າ​ນີ້ ທ່ານ​ຈະ​ໄດ້​ຮັບ​ກຳລັງ​ທີ່​ຈະ​ຢັ້ງຢືນ​ໃນ​ຄວາມ​ສັດ​ຊື່​ຕໍ່​ພະເຈົ້າ. ດ້ວຍ​ເຫດ​ນີ້ ທ່ານ​ກໍ່​ຈະ​ສາມາດ​ເຮັດ​ສິ່ງ​ຕ່າງໆ ທີ່​ພະເຈົ້າ​ຮຽກ​ຮ້ອງ​ຈາກ​ທ່ານ​ໄດ້​ຊົ່ວ​ນິລັນດອນ!

[ຂໍ້​ຄວາມ​ໄຂ​ເງື່ອນ]