ຈຸດເດັ່ນຂອງການປະກາດ
ໃນທ້າຍອາທິດໜຶ່ງຂອງເດືອນ ເມສາ ປີ 2015 ມີຜູ້ປະກາດ 60 ຄົນເຂົ້າຮ່ວມໃນໂຄງການພິເສດໂດຍມຸ່ງເນັ້ນການປະກາດກັບຄົນທີ່ເວົ້າພາສາຈີນແຕ້ຈິວ [ພາສາຈີນໝິນໜານ (ປະເທດໄທ)] ໃນເຂດກຸງເທບ. ຜູ້ປະກາດຫຼາຍຄົນເລີ່ມສົນທະນາໂດຍໃຊ້ວິດີໂອ “ເປັນຫຍັງຈຶ່ງສຶກສາຄຳພີໄບເບິນ?” ເຊິ່ງມີໃນພາສາຈີນແຕ້ຈິວ. ຜູ້ປະກາດຮູ້ສຶກວ່າເຈົ້າຂອງເຮືອນຫຼາຍຄົນເຊິ່ງເມື່ອກ່ອນບໍ່ເຄີຍສົນໃຈຂ່າວດີເລື່ອງລາຊະອານາຈັກ ແຕ່ຄັ້ງນີ້ເຂົາເຈົ້າໄດ້ຕັ້ງໃຈຟັງຫຼາຍຂຶ້ນແລະຍິນດີລົມນຳເມື່ອໄດ້ຍິນຂ່າວດີໃນພາສາແມ່ຂອງເຂົ້າເຈົ້າ. ເປັນເລື່ອງທີ່ໜ້າຍິນດີແທ້ໆມີ 71 ຄົນເຂົ້າຮ່ວມຟັງຄຳບັນລະຍາຍສາທາລະນະໃນພາສາຈີນແຕ້ຈິວເຊິ່ງໄດ້ມີການເຜີຍແຜ່ຂ່າວດີໃນວັນອາທິດຕອນບ່າຍ! ຜູ້ທີ່ເຂົ້າຮ່ວມການປະຊຸມສ່ວນຫຼາຍແມ່ນຜູ້ສົນໃຈຈາກເຂດປະກາດ. ການປະສົບຜົນສຳເລັດໃນໂຄງການພິເສດນີ້ເນັ້ນເຖິງຜົນປະໂຫຍດຂອງການໃຊ້ແຜ່ນພັບແລະວິດີໂອທີ່ໄດ້ແປເປັນພາສາທ້ອງຖິ່ນ. ສະນັ້ນພວກເຮົາສາມາດແບ່ງປັນຂ່າວດີກັບຜູ້ຄົນໃນພາສາຂອງເຂົາເຈົ້າໄດ້.—ກິດຈະການ 2:6-12