ສິ່ງທີ່ມີຄ່າຈາກພະຄຳຂອງພະເຈົ້າ | ເອຊາອີ 58-62
“ປະກາດປີອັນຊອບໃຈຂອງພະເຢໂຫວາ”
“ປີອັນຊອບໃຈຂອງພະເຢໂຫວາ” ບໍ່ແມ່ນປີຕາມຕົວອັກສອນ
ແມ່ນໄລຍະເວລາທີ່ພະເຢໂຫວາເປີດໂອກາດໃຫ້ຄົນຖ່ອມຕອບຮັບການປະກາດເລື່ອງການປົດປ່ອຍໃຫ້ເປັນອິດສະຫຼະ
ໃນສະຕະວັດທຳອິດ ປີອັນຊອບໃຈເລີ່ມຕົ້ນເມື່ອພະເຍຊູເລີ່ມວຽກຮັບໃຊ້ຂອງພະອົງໃນປີ ຄ.ສ. 29 ແລະດຳເນີນຕໍ່ໄປຈົນເຖິງ “ວັນຕອບແທນ” ຂອງພະເຢໂຫວາເມື່ອເມືອງເຢຣຶຊາເລມຖືກທຳລາຍໃນປີ ຄ.ສ. 70
ໃນສະໄໝປັດຈຸບັນ ປີອັນຊອບໃຈເລີ່ມຕົ້ນເມື່ອພະເຍຊູໄດ້ເປັນກະສັດປົກຄອງຢູ່ສະຫວັນໃນປີ 1914 ແລະຈະຈົບລົງໃນຄວາມທຸກລຳບາກຄັ້ງໃຫຍ່
ພະເຢໂຫວາອວຍພອນປະຊາຊົນຂອງພະອົງດ້ວຍ ‘ກົກໄມ້ໃຫຍ່ແຫ່ງຄວາມຊອບທຳ’
ຕາມທຳມະດາຈະເຫັນຕົ້ນໄມ້ສູງທີ່ສຸດໃນໂລກເຕີບໃຫຍ່ນຳກັນຢູ່ໃນປ່າ ເຊິ່ງແຕ່ລະຕົ້ນຄ້ຳຈູນກັນແລະກັນ
ລະບົບຮາກທີ່ກວ້າງໃຫຍ່ອາດຈະພັນກັນໄປມາເພື່ອເຮັດໃຫ້ຕົ້ນໄມ້ບໍ່ລົ້ມແລະຕ້ານທານພາຍຸໄດ້
ຕົ້ນໄມ້ສູງໃຫ້ຮົ່ມເງົາປົກປ້ອງຕົ້ນໄມ້ນ້ອຍ ແລະໃບທີ່ຫຼົ່ນລົງມາກໍເຮັດໃຫ້ດິນທີ່ຢູ່ກ້ອງຕົ້ນໄມ້ນັ້ນອຸດົມສົມບູນ
ສະມາຊິກທຸກຄົນໃນປະຊາຄົມຄລິດສະຕຽນຢູ່ທົ່ວໂລກໄດ້ຮັບປະໂຫຍດຈາກການສະໜັບສະໜູນແລະການປົກປ້ອງຈາກ ‘ກົກໄມ້ໃຫຍ່ແຫ່ງຄວາມຊອບທຳ’ ເຊິ່ງກໍຄືຜູ້ຖືກເຈີມທີ່ຍັງເຫຼືອຢູ່