ຊີວິດຄລິດສະຕຽນ
ສັນລະເສີນພະເຢໂຫວາໂດຍການຮັບໃຊ້ເປັນໄພໂອເນຍ
ຄົນອິດສະຣາເອນມີເຫດຜົນທີ່ຈະສັນລະເສີນພະເຢໂຫວາ. ຍ້ອນພະອົງພາເຂົາເຈົ້າອອກຈາກເອຢິບແລະປົກປ້ອງເຂົາເຈົ້າຈາກກອງທັບຟາໂຣ! (ອົບ 15:1, 2) ພະເຢໂຫວາຍັງເຮັດສິ່ງທີ່ດີເພື່ອຄົນຂອງພະອົງຢູ່ສະເໝີ. ເຮົາຈະສະແດງຄວາມຂອບໃຈພະອົງໄດ້ແນວໃດ?—ເພງ 116:12
ວິທີໜຶ່ງກໍຄືການຮັບໃຊ້ເປັນໄພໂອເນຍສົບທົບຫຼືໄພໂອເນຍປະຈຳ. ເຈົ້າສາມາດອະທິດຖານຂໍໃຫ້ມີຄວາມຕ້ອງການແລະກຳລັງເພື່ອຈະຮັບໃຊ້ເປັນໄພໂອເນຍ. (ຟລປ 2:13) ຫຼາຍຄົນເລີ່ມຈາກການເປັນໄພໂອເນຍສົມທົບ. ເມື່ອເຈົ້າຮັບໃຊ້ເປັນໄພໂອເນຍສົມທົບ ເຈົ້າອາດຈະເລືອກຮັບໃຊ້ 30 ຫຼື 50 ຊົ່ວໂມງກໍໄດ້ໃນຊ່ວງເດືອນມີນາ ເດືອນເມສາແລະໃນເດືອນທີ່ຜູ້ດູແລໝວດມາຢາມ. ເມື່ອເຈົ້າມີຄວາມສຸກກັບການຮັບໃຊ້ເປັນໄພໂອເນຍສົມທົບ ເຈົ້າອາດຈະຢາກອອກຄວາມພະຍາຍາມເພື່ອຈະເປັນໄພໂອເນຍປະຈຳ. ບາງຄົນທີ່ເຮັດວຽກອາຊີບເຕັມເວລາຫຼືມີບັນຫາສຸຂະພາບກໍສາມາດຮັບໃຊ້ເປັນໄພໂອເນຍປະຈຳໄດ້. (ຄມປ16.07 ໜ້າ 8) ພະເຢໂຫວາເຫັນຄ່າຄວາມພະຍາຍາມທຸກຢ່າງທີ່ເຮົາເຮັດເພື່ອສັນລະເສີນພະອົງແນ່ນອນ!—1ຂ່າວ 16:25
ເບິ່ງວິດີໂອ 3 ເອື້ອຍນ້ອງໃນມອງໂກເລຍ ແລ້ວຕອບຄຳຖາມຕໍ່ໄປນີ້:
3 ເອື້ອຍນ້ອງເຈິບັນຫາຫຍັງແດ່ແລະເຂົາເຈົ້າເຮັດຫຍັງເພື່ອທີ່ຈະສາມາດເປັນໄພໂອເນຍໄດ້?
ເຂົ້າເຈົ້າໄດ້ຮັບພອນຫຍັງແດ່?
ເຂົາເຈົ້າມີໂອກາດຮັບໃຊ້ໃນຮູບແບບໃດແດ່ເມື່ອເຂົາເຈົ້າຮັບໃຊ້ເປັນໄພໂອເນຍປະຈຳ?
ຕົວຢ່າງຂອງເຂົາເຈົ້າມີຜົນຕໍ່ຄົນອື່ນແນວໃດ?