ທ່ານຄິດແນວໃດກ່ຽວກັບຄຳພີໄບເບິນ?
ທ່ານອາດຈະຕອບວ່າ . . .
ເປັນປຶ້ມທີ່ມະນຸດຂຽນ
ເປັນປຶ້ມນິທານຫຼືຕຳນານ
ບໍ່ຮູ້
ຄຳພີໄບເບິນກ່າວວ່າ
“ພະຄຳພີໝົດສິ້ນເປັນດ້ວຍພະວິນຍານຂອງພະເຈົ້າ.”—2 ຕີໂມເຕ 3:16
ເຮົາຈະໄດ້ຫຍັງ?
ໄດ້ຄຳຕອບກ່ຽວກັບຊີວິດ.—ສຸພາສິດ 2:1-5
ໄດ້ການຊີ້ນຳໃນແຕ່ລະມື້.—ຄຳເພງ 119:105
ໄດ້ຄວາມຫວັງທີ່ແນ່ນອນກ່ຽວກັບອະນາຄົດ.—ໂລມ 15:4
ເຮົາຈະເຊື່ອໄດ້ແທ້ໆບໍໃນສິ່ງທີ່ຄຳພີໄບເບິນກ່າວໄວ້?
ເຊື່ອໄດ້ແທ້ ຢ່າງໜ້ອຍມີເຫດຜົນສາມຢ່າງ:
ມີຄວາມສອດຄ່ອງກັນຢ່າງເປັນຕາງຶດ. ຜູ້ຄົນທີ່ມີພື້ນຖານຊີວິດທີ່ຕ່າງກັນຈຳນວນ 40 ຄົນໄດ້ຂຽນຄຳພີໄບເບິນຫຼາຍກວ່າ 1.600 ປີ. ສ່ວນຫຼາຍຜູ້ຂຽນບໍ່ເຄີຍຮູ້ຈັກກັນ ແຕ່ຂຽນເນື້ອໃນດຽວກັນຢ່າງຖືກຕ້ອງແລະສອດຄ່ອງກັນ!
ມີຄວາມຖືກຕ້ອງທາງດ້ານປະຫວັດສາດ. ນັກປະຫວັດສາດມັກຈະປົກປິດຂໍ້ບົກພ່ອງຂອງຕົນເຊິ່ງຕ່າງຈາກຜູ້ຂຽນຄຳພີໄບເບິນທີ່ໄດ້ຂຽນຕາມຄວາມເປັນຈິງແລະຂຽນເລື່ອງຄວາມຜິດພາດຂອງຕົນແລະຂອງເພື່ອນຮ່ວມຊາດນຳອີກ.—2 ຂ່າວຄາວ 36:15, 16; ຄຳເພງ 51:1-4
ເປັນປຶ້ມທີ່ມີຄຳພະຍາກອນທີ່ເຊື່ອຖືໄດ້. ຄຳພີໄບເບິນໄດ້ບອກລ່ວງໜ້າປະມານ 200 ປີກ່ຽວກັບການຫຼົ້ມຈົມຂອງເມືອງບາບີໂລນ. (ເອຊາອີ 13:17-22) ຄຳພີໄບເບິນບໍ່ພຽງແຕ່ເປີດເຜີຍວິທີທີ່ເມືອງບາບີໂລນຈະຖືກທຳລາຍເທົ່ານັ້ນ ແຕ່ຍັງບອກຊື່ຂອງຜູ້ທີ່ຈະມາພິຊິດນຳອີກ!—ເອຊາອີ 45:1-3
ຍັງມີຄຳພະຍາກອນໃນຄຳພີໄບເບິນອີກຫຼາຍຂໍ້ທີ່ໄດ້ສຳເລັດເປັນຈິງແມ່ນແຕ່ຂໍ້ປີກຍ່ອຍ. ນັ້ນເປັນສິ່ງທີ່ເຮົາຄາດໝາຍໄດ້ຈາກປຶ້ມທີ່ມາຈາກພະເຈົ້າ.—2 ເປໂຕ 1:21
ສິ່ງທີ່ຄວນຄິດເຖິງ
ຄຳພີໄບເບິນຊ່ວຍປັບປຸງຊີວິດຂອງທ່ານແນວໃດ?
ຄຳພີໄບເບິນມີຄຳຕອບໃນພະທຳເອຊາອີ 48:17, 18 ແລະ 2 ຕີໂມເຕ 3:16, 17