ຄຳນຳຕອນທີ 2

ເປັນຫຍັງພະເຢໂຫວາຈຶ່ງເຮັດໃຫ້ນ້ຳຖ້ວມໂລກໃນສະໄໝນັ້ນ? ມີການຕໍ່ສູ້ກັນລະຫວ່າງຄວາມດີກັບຄວາມຊົ່ວມາຕັ້ງແຕ່ຕອນທຳອິດທີ່ມີມະນຸດ. ບາງຄົນເລືອກຢູ່ຝ່າຍຄວາມຊົ່ວ ເຊັ່ນ: ອາດາມ ເອວາ ແລະກາອິນ. ແຕ່ບາງຄົນກໍເລືອກຢູ່ຝ່າຍຄວາມດີ ເຊັ່ນ: ອາເບັນແລະໂນອາ. ຄົນສ່ວນຫຼາຍໃນສະໄໝນັ້ນມັກເຮັດແຕ່ແນວຊົ່ວໆ ພະເຢໂຫວາຈຶ່ງທຳລາຍເຂົາເຈົ້າ. ໃນຕອນທີ 2 ນີ້ ເຮົາຈະໄດ້ຮຽນວ່າພະເຢໂຫວາຮູ້ວ່າເຮົາເລືອກຢູ່ຝ່າຍໃດ ແລະເພິ່ນຈະບໍ່ຍອມໃຫ້ຄວາມຊົ່ວເອົາຊະນະຄວາມດີໄດ້.

ຈຸດສຳຄັນ

ເຮົາຕ້ອງເປັນຄົນຮັກສັນຕິສຸກ ບໍ່ໃຊ້ຄວາມຮຸນແຮງຄືກັບຊາຕານແລະຜູ້ທີ່ຕິດຕາມມັນ
ຖ້າເຮົາເຊື່ອຟັງພະເຈົ້າແລະເຮັດຕາມສິ່ງທີ່ເພິ່ນບອກຄືກັບໂນອາ ເຮົາກໍຈະມີຊີວິດທີ່ມີຄວາມສຸກຕະຫຼອດໄປ
ພະເຢໂຫວາເຫັນທຸກສິ່ງທີ່ເກີດຂຶ້ນ ເພິ່ນມີຄວາມສຸກເມື່ອເຫັນຄົນເຮັດດີ ແຕ່ເພິ່ນຮູ້ສຶກເສຍໃຈຫຼາຍເມື່ອເຫັນຄົນເຮັດຊົ່ວ