ບົດຮຽນທີ 14
ເຮັດໃຫ້ຈຸດສຳຄັນເດັ່ນຂຶ້ນ
ເຫບເລີ 8:1
ຈຸດສຳຄັນ: ຊ່ວຍຜູ້ຟັງໃຫ້ຕິດຕາມຄຳບັນລະຍາຍຂອງເຈົ້າ ແລະເນັ້ນໃຫ້ເຫັນວ່າຈຸດສຳຄັນແຕ່ລະຈຸດກ່ຽວຂ້ອງແນວໃດກັບເປົ້າໝາຍແລະຫົວເລື່ອງຂອງຄຳບັນລະຍາຍ.
ສິ່ງທີ່ຄວນເຮັດ:
ຕັ້ງເປົ້າໝາຍ. ຄິດໃຫ້ອອກວ່າເປົ້າໝາຍຂອງຄຳບັນລະຍາຍເຈົ້າແມ່ນຫຍັງ ເປັນການໃຫ້ຂໍ້ມູນເພື່ອໂນ້ມນ້າວໃຈໃຫ້ເກີດຄວາມເຊື່ອ ຫຼືເພື່ອກະຕຸ້ນຜູ້ຟັງ ແລ້ວໃຫ້ເຮັດຕາມເປົ້າໝາຍນັ້ນ. ເຮັດໃຫ້ຈຸດສຳຄັນທຸກຈຸດບັນລຸເປົ້າໝາຍ.
ເນັ້ນຫົວເລື່ອງຂອງຄຳບັນລະຍາຍ. ຕະຫຼອດຄຳບັນລະຍາຍໃຫ້ພະຍາຍາມເນັ້ນຫົວເລື່ອງຫຼືເນັ້ນຄຳທີ່ສຳຄັນຢູ່ໃນຫົວເລື່ອງຫຼືຄຳທີ່ມີຄວາມໝາຍໃກ້ຄຽງ.
ເຮັດໃຫ້ຈຸດສຳຄັນຊັດເຈນແລະເຂົ້າໃຈງ່າຍ. ເລືອກສະເພາະຈຸດທີ່ກ່ຽວຂ້ອງກັບຫົວເລື່ອງແລະຈຸດທີ່ເຈົ້າຈະສອນໄດ້ຢ່າງເກີດຜົນໃນເວລາທີ່ກຳໜົດໄວ້. ຢ່າໃຫ້ມີຈຸດສຳຄັນຫຼາຍເກີນໄປ ບອກແຕ່ລະຈຸດໃຫ້ຈະແຈ້ງ ຢຸດກ່ອນຈະເວົ້າຈຸດຕໍ່ໄປ ແລະພະຍາຍາມເຊື່ອມຕໍ່ແຕ່ລະຈຸດໃຫ້ລ່ຽນໄຫຼ.