ການປະກາດໂດຍໃຊ້ອຸປະກອນສະແດງໜັງສື

ການປະກາດໂດຍໃຊ້ອຸປະກອນສະແດງໜັງສືເປັນວິທີທີ່ໄດ້ຜົນດີຫຼາຍໃນການດຶງດູດຜູ້ສົນໃຈໃຫ້ເຂົ້າມາໃນຄວາມຈິງ. (ໂຢ. 6:44) ດັ່ງນັ້ນ ມີການສົ່ງເສີມບັນດາຜູ້ເຖົ້າແກ່ໃຫ້ຈັດການປະກາດໃນບ່ອນສາທາລະນະໃນເຂດຂອງປະຊາຄົມ ບ່ອນມີຄົນຍ່າງຜ່ານໄປມາຈຳນວນຫຼາຍ. ຜູ້ໃດຈະສາມາດເຂົ້າຮ່ວມໃນວຽກນີ້ໄດ້? ຜູ້ປະກາດທີ່ມີວິຈາລະນະຍານທີ່ດີ ບຸກຄະລິກດີ ແຕ່ງຕົວເໝາະສົມ ແລະຮູ້ວິທີເວົ້າກັບຄົນອື່ນ. ຄຳແນະນຳຕໍ່ໄປນີ້ຈະຊ່ວຍຜູ້ປະກາດທີ່ເຮັດວຽກນີ້ໃຫ້ປະສົບຄວາມສຳເລັດຫຼາຍຂຶ້ນ.

ສິ່ງທີ່ຄວນເຮັດ:

ເປັນມິດ ຍິນດີຕ້ອນຮັບ ພ້ອມທີ່ຈະຊ່ວຍເຫຼືອແລະໃຫ້ຂໍ້ມູນກັບຄົນທີ່ຍ່າງຜ່ານໄປມາ. ບາງຄັ້ງຜູ້ປະກາດຍິ້ມຢ່າງຈິງໃຈ ເວົ້າທັກທາຍແບບເປັນກັນເອງ. ຖ້າເຫັນວ່າຄົນທີ່ຍ່າງຜ່ານສະແດງຄວາມສົນໃຈ ເຈົ້າອາດຈະເວົ້າວ່າ “ຖ້າມັກ ກໍຢິບເອົາໄດ້ເດີ”
ຢືນຫ່າງຈາກອຸປະກອນພໍສົມຄວນ. ໃນຫຼາຍໆແຫ່ງຜູ້ປະກາດຮູ້ສຶກວ່າຖ້າຢືນຢູ່ໃກ້ໆກໍຈະປະກາດໄດ້ຜົນດີ ແຕ່ບາງຄົນຮູ້ສຶກວ່າຖ້າຢືນໃກ້ເກີນໄປ ຄົນທີ່ຍ່າງຜ່ານໄປມາອາດຈະບໍ່ກ້າຢິບເອົາໜັງສື. ລາວຈຶ່ງເລືອກຢືນຢູ່ອ່າວໄກ ແລ້ວຈຶ່ງຍ່າງເຂົ້າມາຖ້າມີຄົນມາຢຸດຢູ່ຕໍ່ໜ້າອຸປະກອນສະແດງ. ຖ້າມີຄົນສົນໃຈກໍໃຫ້ພະຍາຍາມຊວນລາວລົມນຳ ອາດຖາມວ່າ “ທ່ານເຄີຍຄິດກ່ຽວກັບເລື່ອງນີ້ມາກ່ອນບໍ?
ໃຊ້ຄຳພີໄບເບິນທຸກຄັ້ງຖ້າເຮັດໄດ້
ອະທິບາຍວ່າມີການຈັດໃຫ້ມີການສອນຄຳພີໄບເບິນໃຫ້ຜູ້ທີ່ຢິບປຶ້ມຄູ່ມື ເຊັ່ນ ປຶ້ມຄຳພີໄບເບິນສອນແນວໃດແທ້ໆ? ສະເໜີທີ່ຈະເປີດວິດີໂອ ເປັນຫຍັງຈຶ່ງສຶກສາຄຳພີໄບເບິນ? ໃຫ້ລາວເບິ່ງ
ຖ້າເປັນໄປໄດ້ໃຫ້ຂໍຂໍ້ມູນຂອງຜູ້ທີ່ສົນໃຈເພື່ອຈະຕິດຕໍ່ໄດ້ພາຍຫຼັງ. ຖ້າລາວບໍ່ໄດ້ຢູ່ໃນເຂດປະກາດຂອງເຈົ້າ ໃຫ້ຂຽນແບບຟອມ ຂໍໃຫ້ຕິດຕາມ (S-43) ແລະສົ່ງໃຫ້ເລຂາຂອງປະຊາຄົມໃຫ້ໄວທີ່ສຸດ

ສິ່ງທີ່ບໍ່ຄວນເຮັດ:

ເວົ້າສຽງບໍ່ມ່ວນ ບັງຄັບຫຼືຊູຊີເອົາປຶ້ມໃຫ້ເຂົາເຈົ້າຫຼືຢືນຢູ່ໃກ້ອຸປະກອນສະແດງຫຼາຍເກີນໄປຄືກັບຄົນເຝົ້າເຄື່ອງ
ຄິດວ່າການປະກາດແບບນີ້ເປັນການແຈກໜັງສືໃຫ້ໄດ້ຫຼາຍໆ. ເມື່ອເຮັດວຽກປະກາດ ເປົ້າໝາຍຂອງເຮົາແມ່ນເລີ່ມການສຶກສາຄຳພີໄບເບິນ ດັ່ງນັ້ນ ເຮົາຄວນພະຍາຍາມເລີ່ມລົມກັບແຕ່ລະຄົນ
ຢືນບັງອຸປະກອນສະແດງໜັງສື ຫຼືຟາງແຕ່ລົມກັບຜູ້ທີ່ເຮັດວຽກນຳ. ຖ້າຈະໃຊ້ໂທລະສັບມືຖືເພື່ອລົມເລື່ອງສ່ວນຕົວ ເຮົາຄວນຍ່າງອອກໄປໃຫ້ໄກຈາກອຸປະກອນວາງສະແດງ
ຖຽງກັບຜູ້ທີ່ບໍ່ມັກເຮົາ. ຖ້າລາວເລີ່ມເວົ້າຮຸນແຮງຫຼືສຽງດັງແຮງຂຶ້ນ ເຮົາອາດຕ້ອງຍ້າຍໄດ້ໄປບ່ອນອື່ນ