ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ຝຶກນັກສຶກສາໃຫ້ມີນິດໄສທີ່ດີໃນການສຶກສາ
ເປັນຫຍັງເລື່ອງນີ້ສຳຄັນ? ເພື່ອຈະກ້າວໜ້າທາງດ້ານຄວາມເຊື່ອ ນັກສຶກສາຕ້ອງບໍ່ພຽງແຕ່ລ້ຽງຄວາມຄິດແລະຈິດໃຈດ້ວຍຄຳສອນພື້ນຖານຂອງຄຳພີໄບເບິນ. (ເຫບ. 5:12–6:1) ການສຶກສາຕ້ອງໃຊ້ຄວາມພະຍາຍາມ ລວມເຖິງການເອົາຂໍ້ມູນໃໝ່ໆມາບວກເຂົ້າກັບສິ່ງທີ່ເຮົາຮູ້ຢູ່ແລ້ວແລະເບິ່ງວ່າຈະເອົາໄປໃຊ້ແນວໃດ. (ສຸພາ. 2:1-6) ການຮຽນຄົ້ນຄວ້າດ້ວຍຕົວເອງຈະຊ່ວຍນັກສຶກສາພົບຄຳຕອບຈາກຄຳພີໄບເບິນໂດຍໃຊ້ໜັງສືຕ່າງໆຂອງອົງການ. ຄວາມພະຍາຍາມຢ່າງຈິງຈັງເພື່ອນຳສິ່ງທີ່ໄດ້ຮຽນຮູ້ໄປໃຊ້ຈະເຮັດໃຫ້ເຂົາເຈົ້າອົດທົນກັບການຕໍ່ຕ້ານຕ່າງໆທີ່ພະຍານພະເຢໂຫວາຕ້ອງປະສົບ.—ລືກາ 6:47, 48
ລອງເຮັດໃນເດືອນນີ້:
ໃນຕອນທ້າຍຂອງຫົວຂໍ້ຍ່ອຍຫຼືທ້າຍບົດ. ໃຫ້ນັກສຶກສາສະຫຼຸບສັ້ນໆວ່າໄດ້ຮຽນຮູ້ຫຍັງແດ່. ຖ້າເຈົ້າບໍ່ມີນັກສຶກສາ ໃຫ້ຝຶກຊ້ອມສະຫຼຸບຂໍ້ຄວາມຕອນໜຶ່ງຈາກຄຳພີໄບເບິນຫຼືຫຍໍ້ໜ້າໜຶ່ງຈາກຫໍສັງເກດການ ຈັກສອງສາມປະໂຫຍກເພື່ອປັບປຸງຄວາມເຂົ້າໃຈໃນການອ່ານຂອງເຈົ້າ.