ຊີວິດຄລິດສະຕຽນ
ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ ເຂົ້າເຖິງຫົວໃຈໂດຍໃຊ້ປຶ້ມ “ຮັກສາຕົວໄວ້ໃນຄວາມຮັກຂອງພະເຈົ້າ”
ເປັນຫຍັງເລື່ອງນີ້ຈຶ່ງສຳຄັນ: ຜູ້ຄົນຕ້ອງຮຽນຮູ້ເລື່ອງມາດຕະຖານຂອງພະເຢໂຫວາແລະເຮັດຕາມສິ່ງນັ້ນເພື່ອຈະນະມັດສະການໃນແບບທີ່ພະອົງຍອມຮັບ. (ເອຊາ. 2:3, 4) ປຶ້ມ “ຮັກຂອງພະເຈົ້າ” ເປັນປຶ້ມຫົວທີສອງທີ່ໃຊ້ເພື່ອສຶກສາ ເຊິ່ງຈະຊ່ວຍນັກສຶກສາໃຫ້ເຫັນວ່າຫຼັກການຂອງພະເຢໂຫວາກ່ຽວຂ້ອງແນວໃດກັບການໃຊ້ຊີວິດປະຈຳວັນ. (ເຫບ. 5:14) ເມື່ອສອນ ເຮົາຕ້ອງພະຍາຍາມເຂົ້າເຖິງຫົວໃຈເພື່ອໃຫ້ນັກສຶກສາມີແຮງກະຕຸ້ນທີ່ຖືກຕ້ອງທີ່ຈະປ່ຽນແປງຕົວເອງ.—ໂລມ 6:17
ສິ່ງທີ່ຄວນເຮັດ:
ກຽມຕົວຢ່າງດີແລະຄິດເຖິງຄວາມຈຳເປັນຂອງນັກສຶກສາ. ໃຫ້ຕັ້ງຄຳຖາມທີ່ກະຕຸ້ນຄວາມຄິດເຊິ່ງຈະຊ່ວຍເຈົ້າໃຫ້ຮູ້ວ່າລາວຄິດແລະຮູ້ສຶກແນວໃດກ່ຽວກັບເລື່ອງທີ່ສຶກສາ.—ສຸພາ. 20:5; ຮຮ ໜ້າ 259
ໃຊ້ຂອບຕ່າງໆທີ່ມີໃນປຶ້ມເພື່ອຊ່ວຍນັກສຶກສາໃຫ້ເຫັນຄຸນຄ່າຂອງການໃຊ້ຫຼັກການໃນຄຳພີໄບເບິນ
ຊ່ວຍນັກສຶກສາໃຫ້ຫາເຫດຜົນໃນເລື່ອງທີ່ກ່ຽວຂ້ອງກັບສະຕິຮູ້ສຶກຜິດຊອບ ແຕ່ບໍ່ໃຫ້ຕັດສິນໃຈແທນລາວ.—ຄລາ. 6:5
ໃຫ້ສັງເກດເບິ່ງຖ້ານັກສຶກສາຕ້ອງການຄວາມຊ່ວຍເຫຼືອເພື່ອນຳໃຊ້ຫຼັກການໃດໜຶ່ງໃນຄຳພີໄບເບິນ. ກະຕຸ້ນລາວຢ່າງອ່ອນໂຍນໃຫ້ປ່ຽນແປງໂດຍອາໄສຄວາມຮັກທີ່ລາວມີຕໍ່ພະເຢໂຫວາ.—ສຸພາ. 27:11; ໂຢ. 14:31