ຊີວິດຄລິດສະຕຽນ
ຕ້ອນຮັບຢ່າງອົບອຸ່ນ
ຕ້ອນຮັບໃຜຢ່າງອົບອຸ່ນ? ທຸກຄົນທີ່ເຂົ້າຮ່ວມການປະຊຸມ ທັງຄົນໃໝ່ໆແລະຄົນທີ່ເຂົ້າຮ່ວມດົນແລ້ວ. (ໂລມ 15:7; ເຫບ. 13:2) ນີ້ລວມເຖິງພີ່ນ້ອງທີ່ມາຈາກຕ່າງປະເທດ ຫຼືຄົນທີ່ເຊົາຮັບໃຊ້ເຊິ່ງເຂົ້າຮ່ວມປະຊຸມເປັນຄັ້ງທຳອິດໃນໄລຍະຫຼາຍປີທີ່ຜ່ານມາ. ໃຫ້ນຶກພາບວ່າເຈົ້າຈະຮູ້ສຶກແນວໃດເມື່ອຢູ່ໃນສະພາບແບບນັ້ນ? ເຈົ້າຈະຮູ້ຄຸນຄ່າທີ່ມີການຕ້ອນຮັບຢ່າງອົບອຸ່ນແມ່ນບໍ? (ມັດ. 7:12) ດັ່ງນັ້ນ ໃຫ້ເຮົາອອກຄວາມພະຍາຍາມຫຼາຍຂຶ້ນໄດ້ບໍທີ່ຈະຍ່າງໄປລົມກັບຄົນອື່ນທັງກ່ອນແລະຫຼັງປະຊຸມ? ການເຮັດແບບນີ້ສົ່ງເສີມບັນຍາກາດທີ່ອົບອຸ່ນແລະມີຄວາມຮັກ ແລະໃຫ້ກຽດພະເຢໂຫວາ. (ມັດ. 5:16) ແນ່ນອນວ່າເປັນໄປບໍ່ໄດ້ທີ່ຈະລົມກັບທຸກຄົນຢູ່ຫັ້ນ. ແຕ່ທຸກຄົນຈະຮູ້ສຶກວ່າໄດ້ຮັບການຕ້ອນຮັບ ຖ້າເຮົາພະຍາຍາມເຮັດແບບນັ້ນ.a
ນ້ຳໃຈຕ້ອນຮັບແຂກບໍ່ໄດ້ສະແດງອອກໃນໂອກາດພິເສດເທົ່ານັ້ນ ເຊັ່ນ: ການປະຊຸມອະນຸສອນ ແຕ່ຕ້ອງສະແດງອອກທຸກເວລາ. ເມື່ອຄົນໃໝ່ໆເຫັນແລະປະສົບກັບການສະແດງຄວາມຮັກແບບຄລິດສະຕຽນ ເຂົາເຈົ້າອາດຖືກກະຕຸ້ນໃຫ້ສັນລະເສີນພະເຈົ້າແລະເຂົ້າຮ່ວມໃນການນະມັດສະການບໍລິສຸດ.—ໂຢ. 13:35.
a ຫຼັກການໃນຄຳພີໄບເບິນຈຳກັດການຄົບຫາກັບຄົນທີ່ຖືກຕັດສຳພັນຫຼືຄົນທີ່ຕັດຕົວເອງເຊິ່ງອາດຈະເຂົ້າຮ່ວມການປະຊຸມ.—1 ໂກ. 5:11; 2 ໂຢ. 10