ຊີວິດຄລິດສະຕຽນ
ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ການກັບໄປຢາມ
ເປັນຫຍັງຈຶ່ງສຳຄັນ? ຍ້ອນວ່າຫຼາຍຄົນສົນໃຈຂ່າວສານເລື່ອງລາຊະອານາຈັກ ແລະຊອກຫາຄວາມຈິງກ່ຽວກັບພະເຈົ້າ. (ເອຊາ. 55:6) ເພື່ອຈະສອນເຂົາເຈົ້າໃຫ້ຮູ້ຫຼາຍຂຶ້ນເຮົາຕ້ອງກັບໄປຢາມເລື້ອຍໆ. ຜູ້ຄົນມີສະພາບການທີ່ແຕກຕ່າງກັນ ດັ່ງນັ້ນ ວິທີທີ່ເຮົາໃຊ້ເພື່ອກະຕຸ້ນຄວາມສົນໃຈຂອງແຕ່ລະຄົນຈະບໍ່ຄືກັນ. ຖ້າເຮົາກຽມຕົວຢ່າງດີກ່ອນກັບໄປຢາມໃນແຕ່ລະຄັ້ງຈະເຮັດໃຫ້ເກີດຜົນທີ່ດີຫຼາຍ ແລະເຮົາຄວນມີເປົ້າໝາຍທີ່ຈະເລີ່ມນຳການສຶກສາຄຳພີໄບເບິນກັບເຂົາເຈົ້າ.
ສິ່ງທີ່ຄວນເຮັດ:
ພະຍາຍາມທີ່ຈະກັບໄປຢາມໃຫ້ໄວທີ່ສຸດ.—ມັດ 13: 19
ເປັນມິດ ສະແດງຄວາມນັບຖື ແລະເປັນກັນເອງ.
ເລີ່ມຕົ້ນດ້ວຍການທັກທາຍແບບອົບອຸ່ນໂດຍການແນະນຳຕົວ ແລະບອກເຫດຜົນທີ່ກັບມາຢາມ ຫຼືກັບມາເພື່ອຕອບຄຳຖາມທີ່ລົມກັນເທື່ອກ່ອນ ເອົາວາລະສານລ່າສຸດໃຫ້ ແນະນຳເວັບໄຊ ເປີດວີດີໂອ ຫຼື ສາທິດວິທີການສຶກສາຄຳພີໄບເບິນ. ປັບປ່ຽນເລື່ອງທີ່ຈະລົມ ຖ້າເຈົ້າຂອງເຮືອນສະແດງຄວາມສົນໃຈໃນເລື່ອງອື່ນ.—ຟີລິບ 2:4
ຫົດນ້ຳເມັດແຫ່ງຄວາມຈິງທີ່ປູກໄວ້ໃນຫົວໃຈເຈົ້າຂອງເຮືອນ ໂດຍແບ່ງປັນຄວາມຮູ້ທີ່ມາຈາກພະຄຳພີ ແລະບາງທີອາດຝາກຈຸນລະສານ ຫຼືວາລະສານໄວ້. (1 ໂກ. 3:6) ພະຍາຍາມເປັນມິດກັບເຂົາເຈົ້າ
ປູທາງໄວ້ເພື່ອກັບໄປຢາມເທື່ອໜ້າ