ຊີວິດຄລິດສະຕຽນ
“ຈົ່ງນັບຖືພໍ່ແມ່ຂອງເຈົ້າ”
ຕອນທີ່ພະເຍຊູຢູ່ໂລກນີ້ ເພິ່ນໄດ້ເນັ້ນຄຳສັ່ງທີ່ວ່າ: “ຈົ່ງນັບຖືພໍ່ແມ່ຂອງເຈົ້າ” (ອົບ. 20:12; ມັດ. 15:4) ພະເຍຊູເວົ້າແບບນັ້ນໄດ້ກໍຍ້ອນວ່າເພິ່ນ “ຖືຮັກສາ” ຫຼືເຊື່ອຟັງພໍ່ແມ່ຕັ້ງແຕ່ເປັນເດັກນ້ອຍ. (ລືກາ 2:51) ເມື່ອເປັນຜູ້ໃຫຍ່ ພະເຍຊູໄດ້ຈັດກຽມເພື່ອໃຫ້ແມ່ຂອງເພິ່ນໄດ້ຮັບການເບິ່ງແຍງຫຼັງຈາກທີ່ເພິ່ນຕາຍ.—ໂຢ. 19:26, 27
ສະໄໝຂອງເຮົາກໍຄືກັນ ຄລິດສະຕຽນທີ່ຍັງນ້ອຍເຊື່ອຟັງພໍ່ແມ່ແລະເວົ້າກັບພວກເພິ່ນດ້ວຍຄວາມນັບຖື. ທີ່ຈິງ ຄຳສັ່ງທີ່ໃຫ້ນັບຖືພໍ່ແມ່ສາມາດໃຊ້ໄດ້ທຸກຍຸກທຸກສະໄໝ. ເຖິງວ່າພວກເພິ່ນອາຍຸຫຼາຍແລ້ວ ແຕ່ປະສົບການແລະຄວາມຮູ້ຂອງເພິ່ນກໍຍັງຊ່ວຍເຮົາໄດ້. (ສຸພາ. 23:22) ເຮົາຍັງນັບຖືພໍ່ແມ່ທີ່ສູງອາຍຸໂດຍເບິ່ງແຍງຄວາມຈຳເປັນດ້ານອາລົມແລະດ້ານການເງິນຂອງເພິ່ນ. (1 ຕີໂມ. 5:8) ບໍ່ວ່າເຮົາຈະໜຸ່ມຫຼືເຖົ້າ ການເວົ້າດີໆກັບພໍ່ແມ່ຢູ່ສະເໝີເປັນສິ່ງສຳຄັນໃນການສະແດງຄວາມນັບຖືຕໍ່ພວກເພິ່ນ.
ໃຫ້ເບິ່ງໝວດສອນດ້ວຍພາບວາດເລື່ອງ ຂ້ອຍຈະລົມກັບພໍ່ແມ່ແນວໃດດີ? ແລະຕອບຄຳຖາມຕໍ່ໄປນີ້:
ເປັນຫຍັງຈຶ່ງເປັນເລື່ອງຍາກທີ່ເຈົ້າຈະລົມກັບພໍ່ແມ່?
ເຈົ້າຈະນັບຖືພໍ່ແມ່ແນວໃດເມື່ອລົມກັບເຂົາເຈົ້າ?
ເປັນຫຍັງການພະຍາຍາມລົມກັບພໍ່ແມ່ຈຶ່ງເປັນສິ່ງທີ່ດີ? (ສຸພາ. 15:22)
ການລົມກັບພໍ່ແມ່ສາມາດຊ່ວຍເຈົ້າໃຫ້ປະສົບຜົນສຳເລັດໃນຊີວິດ