ສິ່ງທີ່ມີຄ່າຈາກພະຄຳຂອງພະເຈົ້າ | 2 ໂກລິນໂທ 1-3

ພະເຢໂຫວາ—“ເປັນພະເຈົ້າແຫ່ງຄວາມເລົ້າໂລມໝົດສິ້ນ”

ສິ່ງໜຶ່ງທີ່ພະເຢໂຫວາໃຫ້ກຳລັງໃຈເຮົາກໍຄືໂດຍທາງປະຊາຄົມຄລິດສະຕຽນ. ເຮົາສາມາດປອບໂຍນຄົນທີ່ເສຍໃຈໂດຍວິທີໃດແດ່?

ຫຼາຍຄົນໄດ້ຮັບກຳລັງໃຈຈາກຂໍ້ຄຳພີຕໍ່ໄປນີ້:

“ພະເຢໂຫວາສະຖິດຢູ່ໃກ້ຄົນທັງຫຼາຍທີ່ມີໃຈຂາດ ແລະພະອົງຊ່ອຍຄົນທັງຫຼາຍທີ່ໄດ້ເສຍໃຈແລ້ວ.”—ເພງ. 34:18, 19
“ໃນຄວາມຄຶດອັນມາກຫຼາຍຢູ່ພາຍໃນຂ້ານ້ອຍ ຄວາມເລົ້າໂລມຂອງພະອົງໄດ້ໃຫ້ຈິດໃຈຂ້ານ້ອຍມີຄວາມສະໜຸກ.”—ເພງ. 94:19
“ອັນໜຶ່ງຂໍໃຫ້ພະເຍຊູຄລິດເອງພະອົງເຈົ້າຂອງເຮົາທັງຫຼາຍ ແລະພະເຈົ້າພະບິດາຂອງພວກເຮົາຜູ້ຮັກເຮົາທັງຫຼາຍແລະປະທານໃຫ້ເຮົາທັງຫຼາຍມີຄວາມເລົ້າໂລມອັນຢູ່ໄປເປັນນິດແລະຄວາມໄວ້ໃຈອັນດີດ້ວຍພະຄຸນ ກໍເລົ້າໂລມໃຈຂອງທ່ານທັງຫຼາຍແລະໃຫ້ຕັ້ງໝັ້ນຄົງ”—2 ເທ. 2:16, 17