ຊີວິດຄລິດສະຕຽນ
ພະເຢໂຫວາຮັກຄົນທີ່ສະອາດ
ພໍ່ແມ່ຫຼາຍຄົນສອນລູກໃຫ້ຮັກສາຄວາມສະອາດເຊັ່ນ: “ລ້າງມື ມ້ຽນເຮືອນ ກວາດເຮືອນ ເອົາຂີ້ເຫຍື້ອໄປຖິ້ມ” ແຕ່ຫຼັກການໃນເລື່ອງຄວາມສະອາດມາຈາກພະເຈົ້າຜູ້ບໍລິສຸດ. (ອົບ 30:18-20; ບັນຍັດ 23:14; 2 ໂກ 7:1) ເມື່ອເຮົາຮັກສາຮ່າງກາຍແລະເຄື່ອງຂອງໃຫ້ສະອາດ ເຮົາກໍໃຫ້ກຽດພະເຢໂຫວາ. (1 ເປ 1:14-16) ສ່ວນເຮືອນແລະອ້ອມແອ້ມເຮືອນຂອງເຮົາເດ? ຫຼາຍຄົນມັກຖິ້ມຂີ້ເຫຍື້ອໃສ່ຫົນທາງ ຫຼືສວນສາທາລະນະ ແຕ່ຄລິດສະຕຽນພະຍາຍາມເຮັດໃຫ້ໂລກສະອາດ. (ເພງ 115:16; ຄຳປ 11:18) ແມ່ນແຕ່ສິ່ງເລັກໆນ້ອຍໆກໍບອກໃຫ້ຮູ້ວ່າເຮົາຄິດແນວໃດເລື່ອງຄວາມສະອາດ ເຊັ່ນ: ການຖິ້ມເຈ້ຍຫໍ່ເຂົ້າໜົມອົມ ກະປ໋ອງນ້ຳອັດລົມ ຫຼືຊິງອົ້ມ. ໃນທຸກແງ່ມຸມຂອງຊີວິດ ເຮົາຢາກ “ເຮັດທຸກຢ່າງເພື່ອໃຫ້ເຫັນວ່າພວກເຮົາເປັນຜູ້ຮັບໃຊ້ຂອງພະເຈົ້າ.”—2 ໂກ 6:3, 4, ລ.ມ.
ເບິ່ງວິດີໂອພະເຈົ້າຮັກຄົນທີ່ສະອາດ ແລ້ວຕອບຄຳຖາມຕໍ່ໄປນີ້:
ບາງຄົນຫາຂໍ້ອ້າງຫຍັງເພື່ອຈະບໍ່ຮັກສາເຄື່ອງຂອງໃຫ້ສະອາດ?
ກົດໝາຍຂອງໂມເຊບອກໃຫ້ຮູ້ຄວາມຄິດຂອງພະເຢໂຫວາແນວໃດເລື່ອງຄວາມສະອາດ?
ເຮົາຈະໃຫ້ພະເຢໂຫວາໄດ້ຮັບຄຳສັນລະເສີນແນວໃດໂດຍການກະທຳຂອງເຮົາ?
ຂ້ອຍຈະເຮັດໃຫ້ເຫັນແນວໃດວ່າຂ້ອຍມີຄວາມຄິດຄືກັບພະເຢໂຫວາເລື່ອງຄວາມສະອາດ?