ສິ່ງທີ່ມີຄ່າຈາກພະຄຳຂອງພະເຈົ້າ | 2 ໂຢຮັນ 1-13; 3 ໂຢຮັນ 1-14–ຢູເດ 1-25
ເຮົາຕ້ອງຕໍ່ສູ້ເພື່ອຈະຢູ່ໃນຄວາມຈິງຕໍ່ໆໄປ
ພະເຍຊູໄດ້ເຕືອນວ່າ “ພວກເຈົ້າຕ້ອງພະຍາຍາມສຸດຄວາມສາມາດເພື່ອຈະຜ່ານປະຕູແຄບເຂົ້າໄປໃຫ້ໄດ້.” (ລືກາ 13:24, ລ.ມ.) ຄຳເວົ້າຂອງພະເຍຊູບອກໃຫ້ຮູ້ວ່າເຮົາຕ້ອງພະຍາຍາມຫຼາຍແທ້ໆເພື່ອເຮັດໃຫ້ພະເຈົ້າພໍໃຈ. ຢູເດນ້ອງຄົນລະພໍ່ກັບພະເຍຊູ ລາວໄດ້ຮັບການດົນໃຈໃຫ້ຂຽນຄ້າຍໆກັນວ່າ: “ໃຫ້ຕໍ່ສູ້ຢ່າງໜັກເພື່ອປົກປ້ອງຄວາມເຊື່ອ.” ເຮົາຕ້ອງອອກຄວາມພະຍາຍາມຢູ່ຕະຫຼອດເພື່ອຈະເຮັດສິ່ງຕໍ່ໄປນີ້:
ຕ້ານທານການເຮັດຜິດສິລະທຳທາງເພດ.—ຢູເດ 6, 7
ນັບຖືຜູ້ມີສິດອຳນາດໃນປະຊາຄົມ.—ຢູເດ 8, 9
ເສີມຄວາມເຊື່ອຂອງເຮົາໃນຄຳສອນຂອງຄລິດສະຕຽນ ເຊິ່ງເປັນ “ຄວາມເຊື່ອທີ່ບໍລິສຸດ.”—ຢູເດ 20, 21