ຊີວິດຄລິດສະຕຽນ
ມີຄວາມເຊື່ອທີ່ໝັ້ນຄົງເມື່ອຈຸດຈົບໃກ້ເຂົ້າມາ
ເປັນຫຍັງເລື່ອງນີ້ຈຶ່ງສຳຄັນ: ອີກບໍ່ດົນ ສິ່ງທີ່ໜ້າງຶດງໍ້ຈະເກີດຂຶ້ນເຊິ່ງເຮົາຕ້ອງສະແດງຄວາມກ້າຫານແລະໄວ້ໃຈພະເຢໂຫວາຫຼາຍກວ່າແຕ່ກ່ອນ. ຄວາມທຸກລຳບາກຄັ້ງໃຫຍ່ຈະເລີ່ມຕົ້ນຕອນທີ່ສາສະໜາປອມຖືກທຳລາຍ. (ມທ 24:21; ພນມ 17:16, 17) ໃນຊ່ວງເວລາທີ່ສັບສົນວຸ່ນວາຍແບບນັ້ນ ເຮົາຈະປະກາດຄຳພິພາກສາຢ່າງກ້າຫານ. (ພນມ 16:21) ເຮົາຈະຖືກໂຈມຕີໂດຍໂຄກແຫ່ງມາໂຄກ. (ເອເຊກ 38:10-12, 14-16) ເພື່ອປົກປ້ອງຄົນຂອງພະອົງ ພະເຢໂຫວາຈະເລີ່ມ “ສົງຄາມໃນວັນໃຫຍ່ຂອງພະເຈົ້າຜູ້ມີລິດເດດສູງສຸດ.” (ພນມ 16:14, 16) ເພື່ອເສີມຄວາມກ້າຫານສຳລັບເຫດການເຫຼົ່ານີ້ທີ່ຈະເກີດຂຶ້ນໃນອະນາຄົດ ເຮົາຕ້ອງຮັກສາຄວາມສັດຊື່ເມື່ອຄວາມເຊື່ອຂອງເຮົາຖືກທົດສອບຕັ້ງແຕ່ຕອນນີ້.
ສິ່ງທີ່ຄວນເຮັດ:
ກ້າປົກປ້ອງແລະເຮັດຕາມມາດຕະຖານສູງດ້ານສິນລະທຳຂອງພະເຢໂຫວາ.—ເອຊາ 5:20
ນະມັດສະການພະເຢໂຫວາຮ່ວມກັບພີ່ນ້ອງຄລິດສະຕຽນຕໍ່ໄປ.—ຮຣ 10:24, 25
ເຊື່ອຟັງການຊີ້ນຳທີ່ມາຈາກອົງການຂອງພະເຢໂຫວາທັນທີ.—ຮຣ 13:17
ຄິດຕຶກຕອງກ່ຽວກັບວິທີທີ່ພະເຢໂຫວາຊ່ວຍຄົນຂອງພະອົງໃນອະດີດ.—2ປຕ 2:9
ອະທິດຖານຫາພະເຢໂຫວາ ແລະໄວ້ໃຈພະອົງ.—ເພງ 112:7, 8
ເບິ່ງວິດີໂອສັ້ນເຫດການຕ່າງໆທີ່ຈະເກີດຂຶ້ນໃນອະນາຄົດຮຽກຮ້ອງໃຫ້ມີຄວາມກ້າຫານ ແລ້ວຕອບຄຳຖາມຕໍ່ໄປນີ້:
ຜູ້ປະກາດຖືກທົດສອບເລື່ອງການເຊື່ອຟັງແນວໃດ ເມື່ອປະຊາຄົມຂອງເຂົາເຈົ້າຖືກຍຸບແລະຕ້ອງຍ້າຍໄປລວມເຂົ້າກັບປະຊາຄົມອື່ນໆ?
ຄວາມກ້າຫານແລະການເຊື່ອຟັງກ່ຽວຂ້ອງກັນແນວໃດ?
ເປັນຫຍັງເຮົາຕ້ອງມີຄວາມກ້າຫານເມື່ອອາມາເຄໂດນມາ?
ກຽມພ້ອມໃນຕອນນີ້ເພື່ອຮັບມືກັບເຫດການຕ່າງໆທີ່ຈະເກີດຂຶ້ນໃນອະນາຄົດເຊິ່ງເຮົາຕ້ອງມີຄວາມກ້າຫານ
ເລື່ອງໃດໃນຄຳພີໄບເບິນທີ່ຊ່ວຍເຮົາໃຫ້ໝັ້ນໃຈວ່າພະເຢໂຫວາສາມາດຊ່ວຍເຮົາໃຫ້ລອດໄດ້?—2ຂ່າວ 20:1-24