ຊີວິດຄລິດສະຕຽນ
ການສັ່ງສອນເປັນການສະແດງເຖິງຄວາມຮັກຂອງພະເຢໂຫວາ
ການສັ່ງສອນໝາຍເຖິງການໃຫ້ຄຳແນະນຳແລະໃຫ້ຄວາມຮູ້ ແຕ່ຍັງລວມເຖິງການວ່າກ່າວຕັກເຕືອນແລະລົງໂທດນຳ. ພະເຢໂຫວາສັ່ງສອນເຮົາກໍເພື່ອເຮົາຈະນະມັດສະການເພິ່ນໃນແບບທີ່ເພິ່ນຍອມຮັບ. (ຣມ 12:1; ຮຣ 12:10, 11) ບາງຄັ້ງ ການສັ່ງສອນອາດເຮັດໃຫ້ເຮົາເຈັບ ແຕ່ກໍຈະຊ່ວຍເຮົາໃຫ້ເຮັດສິ່ງທີ່ຖືກຕ້ອງແລະໄດ້ຮັບພອນ. (ສຸພາ 10:7) ຄົນທີ່ສັ່ງສອນແລະຄົນທີ່ຖືກສັ່ງສອນຄວນຈື່ຫຍັງ?
ຄົນທີ່ສັ່ງສອນ. ຜູ້ດູແລ ພໍ່ແມ່ ແລະຄົນອື່ນໆພະຍາຍາມຮຽນແບບພະເຢໂຫວາໂດຍໃຫ້ການສັ່ງສອນດ້ວຍຄວາມຮັກແລະກະລຸນາ. (ຢເຣ 46:28) ເຖິງວ່າການສັ່ງສອນນັ້ນຈະແຮງແຕ່ກໍຄວນເໝາະກັບສະຖານະການແລະມາຈາກຄວາມຮັກ.—ຕຕ 1:13
ຄົນທີ່ຖືກສັ່ງສອນ. ບໍ່ວ່າການສັ່ງສອນຈະມາໃນຮູບແບບໃດ ເຮົາກໍຄວນພະຍາຍາມເຮັດຕາມທັນທີ. (ສຸພາ 3:11, 12) ຍ້ອນເຮົາບໍ່ສົມບູນແບບ ເຮົາທຸກຄົນຈຶ່ງຕ້ອງໄດ້ຮັບການສັ່ງສອນເຊິ່ງອາດຈະມາໃນຫຼາຍວິທີ. ເຮົາອາດໄດ້ຮັບການສັ່ງສອນທີ່ມາຈາກຄຳພີໄບເບິນ ຈາກການປະຊຸມ ຫຼືບາງຄົນກໍໄດ້ຮັບການສັ່ງສອນຈາກຄະນະກຳມະການຕັດສິນຄວາມ. ຖ້າເຮົາຍອມຮັບການສັ່ງສອນແລະເຮັດຕາມ ຊີວິດເຮົາກໍຈະດີຂຶ້ນແລະໄດ້ຮັບຊີວິດຕະຫຼອດໄປ.—ສຸພາ 10:17
ເບິ່ງວິດີໂອ ‘ພະເຢໂຫວາຮັກຜູ້ໃດ ພະອົງຈຶ່ງຕີສອນຜູ້ນັ້ນ’ ແລ້ວຕອບຄຳຖາມຕໍ່ໄປນີ້:
ທຳອິດຊີວິດຂອງເຄັນນ໋ອນເປັນແນວໃດ ແລະຫຼັງຈາກນັ້ນເກີດຫຍັງຂຶ້ນ?
ລາວໄດ້ຮັບການສັ່ງສອນຈາກພະເຢໂຫວາດ້ວຍຄວາມຮັກແນວໃດ?
ຮຽນຮູ້ທີ່ຈະຮັກການສັ່ງສອນຈາກພະເຢໂຫວາ
ເຮົາໄດ້ບົດຮຽນຫຍັງຈາກປະສົບການຂອງລາວ?