ຊີວິດຄລິດສະຕຽນ
ເຈົ້າໄດ້ໃຊ້ປະໂຫຍດຈາກຟາຍສຽງການອ່ານຄຳພີໄບເບິນບໍ?
ຟາຍສຽງການອ່ານຄຳພີໄບເບິນແມ່ນຫຍັງ? ຟາຍສຽງການອ່ານຄຳພີໄບເບິນແມ່ນຟາຍທີ່ມີການບັນທຶກສຽງການອ່ານຄຳພີໄບເບິນສະບັບແປໂລກໃໝ່ ສະບັບປັບປຸງ. ຟາຍສຽງແບບນີ້ຈະຄ່ອຍໆປ່ອຍອອກໄປໃນຫຼາຍໆພາສາເທົ່າທີ່ເປັນໄປໄດ້. ສິ່ງໜຶ່ງທີ່ເປັນຈຸດເດັ່ນໃນຟາຍສຽງການອ່ານຄຳພີໄບເບິນກໍຄື ຈະມີການພາກສຽງຂອງແຕ່ລະຄົນທີ່ຢູ່ໃນຄຳພີໄບເບິນໂດຍໃຊ້ສຽງທີ່ແຕກຕ່າງກັນ. ນອກຈາກນັ້ນ ຍັງເປັນການອ່ານແບບເນັ້ນຄຳແລະສະແດງອາລົມຢ່າງເໝາະສົມເພື່ອຈະຖ່າຍທອດຂໍ້ຄວາມໃນຄຳພີໄບເບິນໄດ້ຢ່າງຖືກຕ້ອງ.
ຫຼາຍຄົນໄດ້ຮັບປະໂຫຍດແນວໃດຈາກຟາຍສຽງການອ່ານຄຳພີໄບເບິນ? ຫຼາຍຄົນທີ່ມັກຟັງຟາຍສຽງການອ່ານຄຳພີໄບເບິນເປັນປະຈຳຮູ້ສຶກວ່າ ການໄດ້ຟັງສຽງຂອງຫຼາຍຄົນທີ່ຢູ່ໃນຄຳພີໄບເບິນຊ່ວຍໃຫ້ເຂົາເຈົ້າເຫັນພາບເຫດການໄດ້ດີຂຶ້ນ ເຂົ້າໃຈຄວາມຮູ້ສຶກຂອງຄົນທີ່ຢູ່ໃນຄຳພີໄບເບິນ ແລະເຂົ້າໃຈສິ່ງຂຽນໄວ້ໃນນັ້ນໄດ້ຈະແຈ້ງຂຶ້ນ. (ສຸພາ 4:5) ຫຼາຍຄົນຍັງເຫັນວ່າການຟັງຟາຍສຽງການອ່ານຄຳພີໄບເບິນຊ່ວຍໃຫ້ເຂົາເຈົ້າຮູ້ສຶກສະບາຍໃຈຕອນທີ່ອຸກໃຈ.—ເພງ 94:19
ການຟັງຟາຍສຽງການອ່ານຄຳພີໄບເບິນມີຜົນຕໍ່ຊີວິດຂອງເຮົາຫຼາຍ. (2ຂຄ 34:19-21) ຖ້າມີຟາຍສຽງການອ່ານຄຳພີໄບເບິນໃນພາສາທີ່ເຈົ້າເຂົ້າໃຈ ກໍຂໍໃຫ້ເຈົ້າຈັດເວລາທີ່ຈະຟັງຟາຍສຽງນີ້ເປັນປະຈຳ.
ເບິ່ງວິດີໂອສັ້ນຂັ້ນຕອນກ່ອນຈະມາເປັນສຽງການອ່ານຄຳພີໄບເບິນ ແລ້ວຕອບຄຳຖາມຕໍ່ໄປນີ້:
ເຈົ້າປະທັບໃຈຫຍັງກ່ຽວກັບຂັ້ນຕອນກ່ອນຈະມາເປັນສຽງການອ່ານຄຳພີໄບເບິນ?