ຊີວິດຄລິດສະຕຽນ

ຊ່ວຍຄົນທີ່ບໍ່ມີສາສະໜາໃຫ້ຮູ້ຈັກຜູ້ສ້າງ

ເຈົ້າຮູ້ສຶກວ່າບໍ່ຄ່ອຍຢາກປະກາດກັບຄົນທີ່ບອກວ່າລາວບໍ່ມີສາສະໜາບໍ ຍ້ອນບາງເທື່ອເຈົ້າອາດຈະຄິດວ່າເຂົາເຈົ້າຄືຊິຈະບໍ່ສົນໃຈ? ຖ້າເປັນແນວນັ້ນ ຢາກໃຫ້ຈື່ໄວ້ວ່າມີຫຼາຍຄົນທີ່ເຄີຍເປັນຄົນບໍ່ມີສາສະໜາຫຼືເຄີຍບອກວ່າບໍ່ເຊື່ອພະເຈົ້າໄດ້ເຂົ້າມາເປັນພະຍານພະເຢໂຫວາ. ສິ່ງທີ່ເຈົ້າຕ້ອງເຮັດກໍຄືຊ່ວຍເຂົາເຈົ້າໃຫ້ເຫັນຫຼັກຖານວ່າພະເຈົ້າມີຢູ່ແທ້.—ຣມ 1:20; 10:14

ເບິ່ງວິດີໂອ ຄົນທີ່ບໍ່ມີຄວາມເຊື່ອສາມາດມີຄວາມເຊື່ອເພີ່ມຂຶ້ນໄດ້!—ຄົນທີ່ບໍ່ມີສາສະໜາ ແລ້ວຕອບຄຳຖາມຕໍ່ໄປນີ້:

ປະສົບການຂອງໂທມາໂຊຊ່ວຍເຈົ້າໃຫ້ຄິດໃນແງ່ບວກແນວໃດເມື່ອຕ້ອງປະກາດກັບຄົນທີ່ບໍ່ມີສາສະໜາ?

ຄຳຕອບຂອງເຈົ້າ

ຈະຊ່ວຍແນວໃດ?

ຖ້າມີຄົນບອກວ່າບໍ່ເຊື່ອເລື່ອງພະເຈົ້າ ຂໍໃຫ້ເຈົ້າໃຈເຢັນໆກ່ອນ ລົມກັບລາວດີໆແລະຕັ້ງໃຈຟັງຄວາມຄິດເຫັນຂອງລາວ. (2ຕມ 2:24) ໃຫ້ລົມເລື່ອງທີ່ລາວໜ້າຈະສົນໃຈ ເຊັ່ນ ລາວຢາກເຫັນຫຼັກຖານທີ່ເຮັດໃຫ້ຫຼາຍຄົນເຊື່ອວ່າມີຜູ້ສ້າງບໍ? ຖ້າລາວສົນໃຈກໍໃຫ້ໃຊ້ວິດີໂອຫຼືບົດຄວາມທີ່ອະທິບາຍເລື່ອງນີ້. ຈຸນລະສານມີຜູ້ສ້າງສິ່ງທີ່ມີຊີວິດບໍ? ແລະຕົ້ນກຳເນີດຊີວິດ—ຫ້າຄຳຖາມທີ່ໜ້າຄິດ (ພາສາໄທ) ອາດຊ່ວຍລາວໄດ້. ຈຸນລະສານທັງ 2 ຢ່າງນີ້ມີຢູ່ໃນກ່ອງເຄື່ອງມືສຳລັບການສອນ.

ທຳອິດເຈົ້າອາດບໍ່ກ້າລົມກັບຄົນທີ່ບໍ່ເຊື່ອເລື່ອງພະເຈົ້າ ຖ້າເຈົ້າຮູ້ສຶກແບບນີ້ກໍໃຫ້ຂໍຄວາມຊ່ວຍເຫຼືອຈາກພີ່ນ້ອງທີ່ມີປະສົບການ. ຈື່ໄວ້ວ່າພະເຢໂຫວາສາມາດຊ່ວຍເຮົາໃຫ້ເຂົ້າເຖິງຫົວໃຈຄົນທີ່ເຕັມໃຈຕອບຮັບຄວາມຈິງ ແມ່ນແຕ່ຕອນທຳອິດຄົນເຫຼົ່ານັ້ນຈະບໍ່ເຊື່ອວ່າມີພະເຈົ້າ.—ກຈກ 13:48